Forca të mëdha të njësiteve speciale policore për momentin janë stacionuar në hyrje dhe në dalje të fshatit Haraçinë, raporton Lajmi, i cili para 10 minutave ka kaluar në këtë fshat . Tani për tani policia nuk tregon shkaqet për këtë prezencë të forcave policore, prandaj edhe nuk dihen shkaqet për këtë aksion.
Policia speciale edhe mbrëmë ka kryer kontrolle në kuadër të aksionit “Fabrika e aferave” gjatë së cilës më herët në Çair u arrestuan disa familjarë të Çaushit.
Me këtë rast janë arrestuar tre persona që janë dërguar në stacionin policor në Kisella Vodë. Kontrollet ende janë duke vazhduar në shtëpitë e personave A.G. dhe I.B. nga Haraçina.
Nuk dihet nëse aksioni i sontëm është i ndërlidhur me aksionin e mbrëmshëm. (ina)