Kandidati për kryetar të bashkisë të Tetovës, ztr. Afrim Ibrahimi – Fanda në faqen e tij në Facebook ka sqaruar se Kandidimin për kryetar bashkie të Tetovës e shoh dhe e përjetoj si një sakrificë, timen dhe të familjes, për një të mirë të përgjithshme. Si një borxh ndaj prindërve të mi dhe të gjithë tetovarëve të ndershëm dhe të guximshëm, që sakrifikuan për popullin e tyre, për bashkëqytetarët e tyre, si dhe nuk motivohet as nga paratë të cilat, aq sa i duhen, i ka bërë me djersë, dhe as nga karriera, të cilën e ka ndërtuar përsëri me djersë, jashtë politikës.ja edhe origjinali
Të dashur miq, bashkëqytetarë të mi të Tetovës,
ishte një vendim i përbashkët me miqtë e mi, ish ushtarë të UÇK, të Lëvizjes për Shtet dhe Drejtësi, për të kandiduar për kryetar të bashkisë së Tetovës – ndaj nuk falënderoj askënd.
Kandidimi nuk motivohet as nga paratë, të cilat, aq sa më duhen, i bëra me djersë, e as nga karriera, të cilën e ndërtova përsëri me djersë, jashtë politikës.
Kandidimin për kryetar bashkie të Tetovës e shoh dhe e përjetoj si një sakrificë, timen dhe të familjes, për një të mirë të përgjithshme. Si një borxh ndaj prindërve të mi dhe të gjithë tetovarëve të ndershëm dhe të guximshëm, që sakrifikuan për popullin e tyre, për bashkëqytetarët e tyre. Si një gatishmëri dhe vullnet që bashkë me bashkëqytetarët e mi që duan një të ardhme më të mirë për familjet, fëmijët e tyre, të bëjmë ndryshimin.
Ndaj nuk pres urime! Por falënderoj të gjithë ata që më përkrahin dhe mbështesin në këtë fushatë timen modeste.
Në listën e votimeve do të na gjeni me numrin 18