Afrim Ibrahimi – Fanda në faqen e tij në Facebook i drejtohet opinionit me një shkrim ku në mes të tjerash deklaron se: Ai personalisht si dhe forca politike që e përfaqëson në këto zgjedhje, nuk ka as gatishmërinë, as paratë e as pushtetin për të cënuar zgjedhjet për pushtet lokal.

Ja edhe shkrimi në origjinal i huazuar nga faqja e tij në Facebook:

Te dashur miq, bashkëqytetarë të Tetovës,

dje unë u ftova për të nënshkruar një farë kodeksi për zgjedhje “fer dhe demokratike”, për ironi, bashkë me ata që gjatë gjithë kohës shkelin me të dy këmbët, çdo lloj kodeksi dhe norme demokratike, gjatë dhe pas çdo lloj zgjedhjeje elektorale.

Por sa demokratike mund të jenë këto zgjedhje lokale, kur forca politike përgjegjëse për tragjedinë e 8 shtatorit në spitalin e Tetovës, që sërish pretendojnë votën e qytetarëve në këto zgjedhje, sot mbajnë në paraburgim 5 qytetarë, vetëm sepse shfrytëzuan të drejtën universale, e pamohueshme në gjithë botën, për të protestuar?

Pikërisht ata që nuk do të duhej t’i zëri gjumi i natës nga ulërimat e pacientëve që digjeshin gjallë në shtretërit e spitalit, ndërsejnë policinë partiake dhe prokurorinë e pareformuar për kallëzime dhe procedime qesharake “pjesëmarrje në një turmë që tenton të parandalon një person që kryen një veprim zyrtar”.

Mbajtja në paraburgim të protestuesve, nga vetë ata që duhet të mbajnë përgjegjësi morale dhe ligjore për këtë tragjedi, në kohën që po mbahen këto zgjedhje lokale, nuk është asgjë tjetër përveçse presion psikologjik ndaj votuesve.

Unë personalisht dhe forca politike që përfaqësoj në këto zgjedhje, realisht nuk kam as gatishmërinë, as paratë e as pushtetin për të cënuar këto zgjedhje për pushtet lokal. Ndaj nuk mora pjesë në farsën e radhës.

https://www.facebook.com/afrim.fanda

https://www.facebook.com/L%C3%ABvizja-P%C3%ABr-Shtet-Dhe-Drejt%C3%ABsi-368919793574466