Ministrja e Mbrojtjes, Olta Xhaçka, është pritur me një flamur shqiptar në variantin “Made in China”, gjatë vizitës së saj zyrtare në Maqedoninë e Veriut.

Ministrja shqiptare ka zhvilluar së fundmi një vizitë zyrtare në shtetin fqinj të Maqedonisë së Veriut ku është takuar me kryeministrin Zaev dhe me homologen e saj Radmila Šekerinska.

Në postimin e saj në rrjetet sociale shihet që flamuri i përdorur gjatë pritjes së saj nga kryeministri Zaev është në variantin kinez.

Ndërkohë në një tjetër takim ajo është pritur me një flamur kuq e zi që është varianti i duhur i flamurit tonë kombëtar.

Nuk është hera e parë që zyrtarë të lartë të qeverisë shqiptare, madje edhe vet kryeministri Rama priten me pseudo-flamuj kombëtar në vizita zyrtare jashtë vendit.

Kujtojmë që vizita e Xhaçkës në Shkup vjen pas nënshkrimit të Protokollit të Anëtarësimit me NATO-n dhe pas ratifikimit në Kuvendin e Shqipërisë. (shekulli)