Përsëri prishet ashensori në spitalin e Tetovës, pacientët/të vdekurit barten shkallëve.

Ashensori në objektin e bllokut internistik në Spitalin e Tetovës, përsëri disa ditë është jashtë funksionit, kjo i detyron familjarët, që pacientë dhe të vdekurit ti bartin përmes shkallëve të spitalit.

Në një video të siguruar nga Klan Maqedoni shihen momente teksa familjarët me personelin mjeksor me vështirësi bartin pacientët duke i shfrytëzuar shkallët e spitalit si zgjidhje alternative.

Jo rrallë ndodh që të takoni edhe familjarët, duke bartur pacientët që kanë ndërruar jetë, nëpër shkallë me barela të dëmtuara, jo t; përshtatshme, personat e ndjerë jo të mbuluar si duhet, që jep një pamje për trajtim pa dinjitet.