Gjykata ia ka marrë pasaportën kryetarit të Manastirit, Vlladimir Talevski, i dyshuar i parë në rastin “Transporter”, që e hapi Prokuroria Speciale Publike. Kjo masë erdhi pas marrjes dy orëshe të talevskit në pyetje nga një gjykatës në Gjykatën Penale në Shkup. Gjykatësi megjithatë ka refuzuar propozimin e PSP-së që Talevskit t’i caktohet masë arresti. Pas këtij vendimi PSP ka afat 24 orësh për ta ankimuar deri te Këshilli gjyqësor penal, raporton “Lajm”.

Talevski në gjykatë u shoqërua nga Nikolla Dodovski, i cili nëjherit është edhe avokat i Nikolla Gruevskit, kurse prokurorët sollën në gjykatë disa kuti me dëshmi.

Rasti me transportin e nxënësve u përmend edhe në bombën 19 të opozitës, në të cilën ministri i financave Zoran Stavrevski në bisedë me ish ministren e punëve të brendshme Gordana Jankullovska, përmend se kryetari i komunës së Manastirit ka nënshkruar marrëveshje “korruptive deri në fund” për transport të nxënësve, me çmime dhjetë fish më të larta se çmimet standarde. (lajm)