Një pjesë e mediave maqedonase opozitare theksojnë sot se nuk do të ketë marrëveshje midis kryeministrit Nikola Gruevski dhe liderit të opozitës maqedonase, Zoran Zaev për kapërcimin e krizës politike.

Gruevski nuk po pranon kërkesën kryesore të opozitës që të braktisë postin e kryeministrit 6 muaj para caktimit të zgjedhjeve të parakohshme. Shpresë për tejkalimin e krizës dhe arritjen e marrëveshjes pritet vizita e ndihmës – sekretares amerikane Viktoria Nuland, e cila më 13 korrik do të jetë në Shkup.

Kryeministri Gruevski deri tani ka bërë shumë kompromise, por ai nuk lëshon karrigen e kryeministrit. Gruevski pranon çdo marrëveshje tjetër, duke i ofruar ministritë kyçe opozitës maqedonase. Ai ka dhënë sinjale për mundësinë e tërheqjes vetëm 3 muaj para organizimit të zgjedhjeve të reja. (INA)