Qendra për Menaxhim me Kriza (QMK) u kërkon qytetarëve të Ohrit dhe pushuesve që të mos u besojnë thashethemeve që kanë për qëllim të nxitin panikë, përcjell Telegrafi Maqedoni.

Nga kjo qendër thonë se tërmetet janë të paparashikueshme prandaj kërkojnë nga qytetarët që të jenë të qetë dhe të vëmendshëm. QMK-ja kërkon nga qytetarët që të respektojnë udhëzimet e veprimit në raste tërmetesh, duke shtuar se janë të gatshëm që të reagojnë për të gjitha rastet.

Nga kontrollet e kryera deri tani, janë ndaluar dy objekte të viteve të 30-ta të shekullit të kaluar që të përdoren si strehë. Deri tani janë paraqitur 205 dëme në numrin 195.

Kujtojmë se Ohri është goditur nga mëse 800 tërmete në këto dy javë të fundit. Më i fuqishmi ishte 5.1 shkallë Rihter që shkaktoi dëme të pakta sipërfaqësore. /Telegrafi/