Skender Rexhepi, i njohur si Zejd, në themelimin e këshillit komunal të Lëvizjes Besa në Tetovë ka kërkuar debat, me atë që i ri pas Menduh Thaçit e ju e dini kush është ai, tha ai duke aluduar në Sasho Mijalkovin, ish drejtorin e drejtorisë për siguri kombëtare, njofton Telegrafi.

Në mes tjerash Rexhepi tha ‘Lëvizja BESA është modeste dhe për fat të keq këtë modesti po e keqpërdorin partitë tjera opozitare. Kur them opozitare këtu po e thej një rregull, po e fus edhe PDSH-në. Po çfarë keni me Besën bre burra, a pak keni me çka të merreni me partinë në pushtet që ju të merreni me Besën? Kryetari i PDSH-së Menduh Thaçi kërkon “patronat” e Besën, e po ja unë e them publikisht se pranoj përballje publike jo me Thaçin, por me atë që i rri mbrapa atij, e ju e dini shumë mirë se kush është ai!’ përfundoi Rexhepi. (ina)