Kryeministrat e Maqedonisë dhe Greqisë, Zoran Zaev dhe Alexis Tsipras do të takohen pasdite në Davos të Zvicrës, në kuadër të forumit botëror ekonomik. Takimi i parë në nivel të kryeministrave vjen pas intensifikimit të kontakteve mes dy vendeve për zgjidhjen e kontestit të emrit.
“Kryeministri Zaev disa herë ka theksuar se është optimist se mes Maqedonisë dhe Greqisë do të gjendet zgjedhje për kontestin me qëllim që të ruhet dinjiteti i dy palëve. Takimi i sotëm është një hap para drejt gjetjes së zgjidhjes”, ka deklaruar zëdhënësi i Qeverisë, Mile Bosnjakovski.
Ndërkohë, drejtuesit e lartë shtetëror të Maqedonisë pritet së shpejti të shqyrtojnë propozimin për zgjidhjen e kontestit me Greqinë për çështjen e emrit.
Zëdhënësi i qeverisë, Mile Boshnjakovski ka thënë në takimin ku do të bisedohet për propozimin e ndërmjetësit të OKB-së do të marrin pjesë më shumë liderë politikë.
Ndërkohë, pjesëmarrjen në takim e ka konfirmuar edhe kabineti i presidentit, Gjorge Ivanov.
“Ministria e Punëve të Jashtme është iniciatore e mbajtjes së takimit koordinues, me qëllim të njoftimit të institucioneve relevante me propozimin e mediatorit, Metju Nimic, i cili është prezantuar në takimin e fundit të grupeve negociatore në Nju Jork. Presidenti Ivanov është u gatshëm të merr pjesë në një takim të tillë”, thuhet në njoftimin e kabinetit presidencial.
Pjesëmarrjen në këtë takim e kanë konfirmuar edhe nga VMRO-DPMNE-ja opozitare.
Në këtë takim pritet të merr pjesë edhe kryetari i Bashkimit Demokratik për Integrim, Ali Ahmeti.
Ndërmjetësi i OKB-së, Metju Nimic pas takimit me negociatorët në Nju Jork kishte shprehur optimizimin e tij për zgjidhjen e mundshme të problemit.
Ai nuk ka publikuar detaje nga propozimi, por mediat në Shkup dhe Athinë, duke u thirrur në burime të ndryshme, kanë njoftuar për pesë propozime për ndryshimin e emrit si: Maqedonia e Re, Maqedonia e Veriut, Maqedonia e Epërme, Maqedonia e Vardarit dhe Maqedonia e Shkupit.
Por, të gjithë këto emra, siç kanë transmetuar mediat, do të jenë një gjuhën maqedonase, si për përdorim të brendshme ashtu edhe në atë ndërkombëtar. (rel)