“Është përpunuar version i ri për ligjin e PSP-së, në të cilin në segmente të caktuara pranohen një pjesë e madhe e sugjerimeve të OBRM-PDUKM-së dhe tashmë janë dërguar deri te përfaqësuesi i partisë më të madhe opozitare”.

Këtë e theksoi sot kryeministri Zoran Zaev në punëtorinë “Garancion për rininë” në organizim të Agjencisë për Rini dhe Sport, përcjell Telegrafi Maqedoni.

Zaev pret sot të shqyrtohet nga ana e opozitës, ndërsa nesër të fillojnë negociatat në nivel të grupeve të punës.

“Pas këtyre sugjerimeve që i pranuam në bazë të amendamenteve të tyre, është bërë hap i rëndësishëm. Kjo në tërësi edhe ishte kërkuar nga Delegacioni Evropian dhe Komisioni i Venecias, ndërsa janë respektuar edhe linjat e kuqe për këto punë. Jo për shkak të asaj që Komisioni Venecias dhe Evropa atë e kërkuan nga ne, por për shkak të sistemit tonë juridik dhe parimet për të cilat mundohemi”, tha Zaev.

Kryeministri tha se i di të gjitha detajet në katër aspektet ku janë bërë ndryshimet të cilat, siç tha, kanë impakt serioz ndaj thelbit të amendamenteve të parashtruara nga OBRM-PDUKM. Zaev pret pas këtyre ndryshimeve procesi të arrijë dhe u lut të ndodh sa më shpejtë për shkak të procedurës parlamentare.

Në lidhje me kërkesën e opozitës për hedhje të “bombave” si dëshmi, kryeministri tha se ajo çështje është pranuar.

““Bombat”, ose materialet për përgjim të paautorizuar nuk do të jenë në këtë procedurë dëshmuese në punën e ardhshme të Prokurorisë Publike në Republikën e Maqedonisë së Veriut. Atje qartë qëndron në nenin 105, paragrafi 4, se “bombat”, më nuk do të jenë në procedurë dëshmuese, ndërsa dëshmitë e materialeve normalisht do të ekzistojnë”, ato janë të gjalla”, tha Zaev.

Ai sqaroi se “bombat”, që tashmë janë në procedurë gjyqësore në 18-të lëndët e PSP-së do të vazhdojnë edhe më tutje të shfrytëzohen, derisa për lëndët pas 30 qershorit të vitit 2017 ato nuk do të jenë dëshmi në procedurat./Telegrafi/