Gomari i tha tigrit:

– “Bari është blu”.

Tigri u përgjigj:

– “Jo, bari është i gjelbër”.

Diskutimi u ndez dhe të dy vendosën ta paraqesin atë në arbitrazh, dhe për këtë ata shkuan para luanit, mbretit të xhunglës.

Tashmë para se të arrinte lëndina në mes të pyllit, ku luani ishte ulur në fronin e tij, gomari filloi të bërtiste:

– “Madhëria e juaj, Madhëria e juaj, a është e vërtetë që bari është blu?”.

Luani u përgjigj:

– “E vërtetë, bari është blu.”

Gomari nxitoi dhe vazhdoi:

– “Por, Tigri nuk pajtohet me mua dhe më kundërshton dhe më bezdis, të lutem ndëshkoje.”

Atëherë mbreti deklaroi:

– “Tigri do të dënohet me 5 vjet heshtje”.

Gomari u hodh i gëzuar dhe vazhdoi rrugën, i kënaqur dhe duke përsëritur:

– “Bari është blu”…

Tigri e pranoi dënimin e tij, por megjithatë e pyeti luanin:

– “Madhëria juaj, pse më dënuat mua?, bari është i gjelbër.”

Luani u përgjigj:

– “Në fakt, bari është i gjelbër”.

Tigri pyeti:

– “Po pra, atëherë, pse më dënon mua?”.

Luani u përgjigj:

– “Kjo nuk ka të bëjë me pyetjen nëse bari është blu apo jeshil.

Ndëshkohesh, sepse nuk është e mundur, që një krijesë e guximshme dhe inteligjente si ti, të humbasë kohë duke debatuar me një gomar, e mbi të gjitha, të vijë të më shqetësojë edhe mua me atë pyetje”.

Humbja më e keqe e kohës është debati me budallain dhe fanatikun, të cilit nuk i intereson e vërteta apo realiteti, por vetëm fitorja e besimit dhe iluzionit të tij. Asnjëherë mos humbisni kohë në argumentime që nuk kanë kuptim…

Ka njerëz që, sado prova dhe prova t’u paraqesim, nuk janë të aftë për të kuptuar ose janë të verbuar nga egoja, urrejtja dhe inati dhe gjithçka që duan është të kenë të drejtë edhe nëse nuk kanë.

Kur injoranca bërtet, inteligjenca hesht.

Paqja dhe qetësia juaj vlejnë më shumë.

Billionaire’s Wisdom