Kryeministri Edi Rama njoftoi se bankat e nivelit të dytë ranë dakord që të lehtësojnë fermerët kredimarrës të zonave të përmbytura. Në një takim përpara gazetarëve, Rama theksoi se moti në dy ditët e ardhshme nuk do të jetë aspak i favorshëm, ndaj po merren masa të reja për të parandaluar fatkeqësitë në njerëz dhe dëmet e tjera ekonomike.

“Qeveria nuk do t’i shmanget asnjë detyrimi për personat e prekur nga përmbytjet. Dëmshpërblimi do të jetë në masën 100 për qind. Sulmet politike ndaj Qeverisë duhet të marrin fund, pasi për këtë emergjencë u morën masat pa filluar moti i keq”, tha Rama.

Sipas Ramës, kërkesa për shpalljen e gjendjes së jashtëzakonshme do të izolonte totalisht të gjithë qarkun. / Top Channel