Ambasadori i Shteteve të Bashkuara në Tiranë, Donald Lu është takuar të martën me shkrimtarin shqiptar Ismail Kadare.
Ambasadori e ka vlerësuar maksimalisht shkrimtarin shqiptar, duke thënë se ‘Kadare është një nga shkrimtarët më të mëdhenj të kohës sonë dhe një thesar kulturor për Shqipërinë’.
“Ndihem i nderuar për mundësinë që mu dha për ta njohur nga afër”, tha Donald Lu.
Ambasada e SHBA në Tiranë ka konfirmuar se flamuri shqiptar do të valëvitet jashtë Kongresit të Shteteve të Bashkuara, në Washington D.C. në nderim të Ismail Kadare.
“Ceremonia është traditë në “Capitol Hill”, për të nderuar kongresmenë dhe senatorë të shquar, por këtë herë do të jetë e veçantë, pasi do të nderojë një personalitet të shquar të kulturës së një vendi të huaj”, thuhej në njoftimin e ambasadës. / Top Channel