Kryeministri Edi Rama këtë fund viti pa në terren punimet për finalizimin e ndërtimit të tunelit të Murrizit në Rrugën e Arbrit.

Tashmë janë bashkuar të dyja anët e tunelit pas gërmimesh intensive në kushte të vështira gjeologjike me vetëm 2 metra avancim në ditë.

“Një tunel i përbërë nga dy tuba. Ndodhemi në tubin kryesor ndërkohë që tubi tjetër është tubi ndihmës. Lidh njëri tjetrin me 11 nyje lidhëse që janë më të gjëra dhe kanë mundësi shkëmbimi. Gjatësia e këtij tuneli është 3.789 metra. Ndërkohë e tunelit ndihmës 3.781 metra. Lartësia këtu është 6.8 metra ndërkohë atij ndihmës është 4.2 metra. Ka qenë një vepër tepër sfiduese, nuk pasur asnjë kosto të shtuar. Shifra me të cilën është nënshkruar kontrata është ajo që është në ditën e sotme pavarësisht se janë thënë shumë për kosto ekstra për kosto të fshehura kështu s’kemi pasur asnjë kosto tjetër”, tha ministrja Belinda Balluku.

“Kjo ishte gjeologjia me shumë surpriza por edhe i ngeli kosto kompanisë, por nëse ne këtë nuk do ta kishim bërë me PPP, por me buxhet shteti, këtu nuk dilej nga tuneli për nja 15 vjet”, tha Rama.

Parashihet përfundimi të gjitha punimeve të nisura në 2018 dhe vënia në funksion e këtij tuneli gjatë vitit 2024. Nga ky tunel në veriun e Shqipërisë ministria Belinda Balluku foli edhe për një tjetër tunel në jug të vendit atë të Llogorasë.

“Në 30 qershor na është dhënë fjala nga kompania që po ndërton që do të dorëzojë gjithçka para nisjes së sezonit”, shtoi Balluku.

Top Channel