Presidenti i Republikës Bujar Nishani ka dekretuar ligjin për dekriminalizmin dhe ndryshimet kushtetuese në funksion të këtij ligji, katër ditë pas miratimit të tyre në Kuvend.

Edhe pse dekretimi është bërë publik këtë të hënë, sipas dekretit, firma e kreut të shtetit është hedhur që në 18 dhjetor.

Sipas të dhënave në faqen zyrtare të Presidencës, thuhet se “Presidenti Nishani dekreton shpallje ligji dhe dhënien e pëlqimit për hyrjen në fuqi menjëherë të ligjit”, për ndryshimet kushtetuese.

Presidenti ka hedhur firmën edhe mbi ligjin “Për garantimin e integritetit të personave që zgjidhen, emërohen ose ushtrojnë funksione publike”, i njohur gjerësisht si dekriminalizimi. (shekulli)