Atmosfera para protestës ishte sinjal se ajo do ishte e qetë dhe pa tensione.

Sali Berishës iu mbyllen dyert e Parlamentit. Të njëjtin fat patën edhe deputet e përjashtuar;  Edi Paloka, Flamur Noka dhe Belind Këllici, të cilët tentuan të futen në sallën e seancave plenare, por u përballën me bllokadën e gardës.

Shkresa e tyre qe kërkonte te anulimin përjashtimit u refuzua nga Byroja.

Deputetët të cilët kaluan pragun e Parlamentit nisën shumë shpejt revoltën në parlament duke bllokuar foltoren dhe duke i rënë bilbilave.

“Ju edhe mund ta bëni këtë sjellje, nëse mendoni se i shkon thinjave tuaja, vazhdoni”- tha Ermonela Felaj.

“Ky është skenari i Berishës anti-kombëtar, përpjekje për të destabilizuar Shqipërinë”- tha Taulant Balla.

Protestuesit në rolin e spektatorit ndiqnin përmes ekranit  shfaqjen që ndodhte në sallën e  seancave plenare. Bashkë me ta edhe Sali Berisha.

“Rama struket në  Surrel, përdor Linda Ramën për të përjashtuar deputetët e PD. Mc Gonigal tradhtoi vendin e tij, u pagua si vrasës me pagesë për të shkatërruar opozitën“- tha Berisha.

McGonigal për Sali Berishën është kali i betejës së opozitës që do të rrezojë Edi Ramën, por për protestuesit sot ishte një kal tjetër , i cili tentoi bashke me të zotin e tij te çante kordonin e policisë.

Ky ishte ishte i vetmi  “kërcenim ” për policët të vendosur gardh para traut të parlamentit, pasi tymi i flakadanëve u shua shpejt.

Vendimi i socialisteve që i hapi rrugë mocionin me debat të kërkuar nga opozita me kryeministrin  më datë dy mars, shpërndau protestën.

“Tani, le të betohemi këtu, në emër të të gjithë atyre që përfaqësojmë, po nuk u bë mocioni me debat në parlament, do bëhet në Surrel. Paqësor, urtë e butë! Por simboli, shpella e të keqes është Surreli. Ai nuk pranon të vijë këtu, ndaj ne do shkojmë aty ku struket ai!”,  tha Berisha.

Top Channel