Arkivi mujor: Nentor 2015

Bota
Komento

long beachShkencëtarët thonë se bota është duke përjetuar një mungesë të ujit të pastër, dhe kjo vetëm do të keqësohet për shkak të shtimit të popullsisë dhe ndryshimeve klimatike. Fotografitë që tregojnë se si mungesa e ujit është duke ndikuar tek njerëzit në mbarë botën mund të shihet në Akuariumin e Paqësorit në qytetin Long Beach, në Kaliforni. Ky është edhe vendi ku ekspertët diskutuan seriozitetin e problemit dhe zgjidhjet për të.

Uji është vazhdimisht në mendjet e njerëzve që jetojnë në pjesën perendimore të Shteteve të Bashkuara pasi ka patur mungesë të tij për disa vite.

Kjo është thatësira më e madhe në historinë e Kalifornisë. Por perëndimi amerikan nuk është i vetmi vend i etur për ujë.

“Më shumë se gjysma e popullësisë së botës jeton në zona me pakicë të ujit dhe sipas Kombeve të Bashkuara numri do të rritet me dy të tretat deri në vitin 2025, më pak se 10 vjet më pas.” thotë eksperti Jerry Shubel.

Sasia e ujit në tokë nuk ka ndryshuar për miliarda vjet. Por raporti mes ujit të pijshëm dhe atij të kripur ka ndryshuar, thotë Jerry Schubel me Akuariumin e Paqësorit. Ka edhe faktorë të tjerë që janë duke krijuar një mungesë të ujit të pijshëm:

“Në pjesën më të madhe të botës, mungesa e ujit të pijshëm është një krizë në rritje që do të shtohet nga ndryshimet klimatike dhe shtimi i popullësisë.”

Schubel thotë se shumica e popullësisë së botës jeton në vende që kanë ujra të përbashkëta, por shumë nga këto vende nuk kanë marrëveshje sesi ta ndajnë ujin.

“Dhe shumë nga këto rajoje janë në zona me trazira politike: Afrika Veriore, Gadishulli Arabik dhe Azia Qendrore, Jugore dhe Jugperendimore. Popullësia agregate në këto zona pritet të trefishohet deri në fund të shekullit. Kështu që mungesa e ujit mund të bëhet pikë konflikti rajonal dhe ndërkombëtar.”

Shkencëtarët thonë se diskutimet janë hapi i parë për të zgjidhur krizën e ujit. Shkripëzimi i ujit të detit është gjithashtu një opsion, por kjo vjen me një cmim, thotë Kevin Wattier i cili ka menaxhuar departamentin e ujit në Long Beach për 14 vite.

“Do të kushtonte të paktën dy ose tre herë më shumë të shkripëzojmë ujin e detit sesa kushton uji i importuar. Do të shtonim karbonin global përmes procesit të shkripëzimit,” thotë eksperti Kevin Wattier.

Ndërsa Schubel thotë se problemi i mungesës së ujit mund të zgjidhet vetëm në se vendet punojnë së bashku:

“Ne do të furnizonim të gjithë në këtë planet me ujë të pastër dhe ujë për të rritur drithërat e tyre. Por kjo kërkon para, teknologji, vullnet politik dhe bashkëpunim. Dhe përvoja e ndarjes kërkon vendime të përbashkëta në nivele ndër-qeveritare.”

Ai thotë se bashkëpunimi është i rëndësishëm pasi kriza e ujit vetëm do të keqësohet. (voa)

Bota

Turqi: Kush mbjell urrejtje, urrejtje edhe do të korrë!

Komento

AKP i ka fituar qartë zgjedhjet parlamentare në Turqi dhe e ka festuar pjesërisht në mënyrë të turpshme fitoren ndaj kundërshtarit politik. Megjithatë ka shkaqe për shpresa, mendon Daniel Heinrich.

festimetMenjëherë pas numërimit të votave në Stabmboll ka mundur të vërehet se niveli i kulturës politike në Turqi paraqet një problem. Simpatiznatët e AKP kanë festuar me me kolona automjetesh pranë një televizioni opozitar me flamuj të partisë, duke brohoritur dhe me një frymë triumfaliste. Ata kanë bllokuar trafikun dhe i kanë shtyrë nga rruga kalimtarët. Sipas tyre: shkëlqimi i fitores u jep të drejtë të tallen me kundërshtarët. Më pas filluan edhe me brohoritje fyese “Të bijtë e kurvës, ikni nga vendi”. Dhe atë shumë shpesh. Ka munguar shumë pak për të sulmuar edhe godinën.

Ka qenë e turpshme, keq dhe kurrsesi nuk mund të trajtohet si një incident i rastit. Disa simpatizantë të AKP e ndjenin veten sikur të kenë fituar ndaj një armiku. Këta njerëz nuk do ta kuptojnë kurrë sae në një demokraci, në një shoqëri pluraliste, humbësi nuk guxon të trajtohet në këtë mënyrë, pa asnjë respekt, dhe t’i futet në palcë madje edhe frika për jetën.

Përçarja e shoqërisë

Për hir të së vërtetës duhet thënë se tendenca të tilla ka pasur në Turqi edhe para erës së Erdoganit dhe AKP. E vërtetë është po ashtu që partitë opozitare varen shumë nga udhëheqësit e tyre dhe kanë mendime të polarizuara. Por AKP dhe presidenti Erdogan e kanë ngritur në maja këtë sistem të të mënduarit. Ata e kanë përçarë kaq shumë shoqërinë sa që kundërshtarët politikë e urrejnë njëri-tjetrin.

Ndonjëherë do të duhej thënë këtyre njerëzve, të cilët janë kaq miqësorë ndaj të huajve: a e keni të qartë në fakt se sa pa respekt silleni mes vete? Sa larg shkon kjo lojë e kundërshtimeve mes vete tregon edhe fakti që as një minut heshtjeje për viktimat e terrorizmit nuk është respektuar nga të gjithë dhe shumë njerëz kanë fishkëlluar në stadiumin ku luante kombëtarja. Kundër njerëzve të vdekur! Një grua shkruantë në Twitter madje se nuk duhet të pikëllohesh për vrasjen e një fëmije refugjati. “Ajo ishte një bebe kurde!”

Shpresat tek fjala përfundimtare

Por pikërisht në lartësinë e fitores së turqëve ekziston edhe pak shpresë për përmirësimin e gjendjes. Në një vend ku kaq shumë njerëz respektojnë vlerat patriarkale dhe kanë shkuar në drejtim të urrejtjes, mund të marrin edhe drejtimin e konsensusit. Megjithë zhvilimet e mëdha tragjike, mbetet shpresa pas këtyre zgjedhjeve se presidenti Erdogan, pas kësaj fitore, mund të sjellë qetësi në vend dhe se do të ndalet linja e përçarjes së vendit. Për shkaqe egoiste ai duhet të angazhohet për dialog me kundërshtarët politikë – për të mirën e popullit. Nxitësit e konflikteve duhet të kenë të qartë vetëm një gjë: ata që mbjellin urrejtje, urrejtje edhe do të korrin! (dw)

Kosova

Me gjithë pengesat e Kadri Veselit opozita fut peticionin me 203.746 nënshkrime në Kuvend

Komento

OpozitaKadri Veseli sot dha urdhër që deputetëve të opozitës të mos u lejohet mbajtja e një konference për medie në sallat e Kuvendit.

Kadri Veseli sot dha urdhër që të mos lejohet futja në Kuvend e dokumenteve që përmbanin mbi 200,000 nënshkrimet e qytetarëve kundër “Zajednicës” dhe demarkacionit me Malin e Zi.

Megjithatë, drejtuesit e subjekteve opozitare, nuk u ndalën para urdhrave të Veselit dhe u futën brenda pa lejen e sigurimit dhe po ashtu i futën brenda edhe nënshkrimet e qytetarëve. Konferenca u mbajt pa lejen e Veselit dhe aty u prezantuan ato nënshkrime para medieve.

Kadri Veseli nuk e do opozitën brenda Kuvendit. Kadri Veseli nuk i do as nënshkrimet e qytetarëve që shprehën pakënaqësinë e tyre me marrëveshjet me Serbinë dhe demarkacionin me Malin e Zi. Opozita dhe peticioni i qytetarëve i pengojnë Kadri Veselit sepse ia kujtojnë atij se sa në shpërputhje janë vendimet e këtij pushteti me vullnetin e qytetarëve.

Por, Kadri Veseli është i pafuqishëm përballë këtij vullneti.

Lëvizja VETËVENDOSJE!

Kosova

Kadri Veseli, letër publike partive opozitare

Komento

Kadri VeseliKryetari i Kuvendit të Kosovës, Kadri Veseli, u ka dërguar një letër publike partive opozitare të përfaqësuara në Kuvendin e Republikës së Kosovës. Letrën e tij mund ta lexoni të plotë më poshtë.

“Të nderuar deputetë të Kuvendit të Republikës së Kosovës, nga radhët e Lëvizja Vetëvendosje, Aleanca për Ardhmërinë e Kosovës dhe Partia Nisma për Kosovën.

Sikurse jeni në dijeni, nesër do të kemi një seancë të veçantë në Kuvendin e Kosovës. Në këtë seancë do të ratifikohet Marrëveshja e Stabilizim – Asociimit e nënshkruar të martën e kaluar në mes Kosovës dhe Bashkimit Evropian.

Me besimin e plotë se të gjithë pajtohemi se kjo marrëveshje shënon një hap të rëndësishëm pozitiv dhe konkret të vendit tonë në rrugën e integrimeve evropiane, si dhe me besimin e plotë se, përkundër dallimeve politike që kemi, e që janë legjitime në kontekstin e demokracisë, ne të gjithë bashkohemi rreth projektit tonë shtetëror të integrimit në familjen e demokracive evropiane. Ju ftoj që nesër të merrni pjesë në seancën kushtuar ratifikimit të MSA-së dhe të jepni kontributin tuaj në ecjen përpara të Republikës së Kosovës, ashtu sikurse e keni dhënë edhe në shumë e shumë raste dhe momente tjera, gjatë përpjekjeve tona të përbashkëta për lirinë, pavarësinë dhe shtetndërtimin.

Të nderuar deputetët të Kuvendit të Kosovës nga radhët e Lëvizja Vetëvendosje, Aleanca për Ardhmërinë e Kosovës dhe Partia Nisma për Kosovën.

Nesër duhet të jetë ditë e unitetit, ditë e bashkëpunimit dhe e veprimit të përbashkët, ditë kur të gjithë ne, që përfaqësojmë qytetarët e Kosovës në Kuvendin e Republikës së Kosovës. Duhet të dëshmojmë, para qytetarëve dhe para botës, se në veprimin tonë politik, mbi të gjitha, udhëhiqemi nga interesat madhore të vendit tonë dhe nga vizioni i përbashkët që kemi për të ardhmen e vendit tonë.

Ejani, të bëjmë së bashku historinë tonë”, thuhet në letër. (rtk)

Kosova

Daçiq:Marrëveshja e Brukselit kurrsesi s’mund të suspendohet

Komento

DacicMinistri i Punëve të Jashtme i Serbisë Ivica Daçiq ka thënë sot se absolutisht nuk ekziston kurrfarë mundësie e suspendimit të asaj që është arritur si marrëveshje në Bruksel.

Dhe se Beogradi kërkon përgjigje të qartë se cili është qëndrimi i Bashkimit Evropian për këtë çështje.

“Ne jemi shumë të pakënaqur nga situata në Kosovë lidhur me zbatimin e marrëveshjes së Brukselit… Kjo që tani po ndodh në Prishtinë është diçka e paparë”, ka thënë ai gjatë konferencës së rregullt mujore me gazetarë.

Sipas tij, në asnjë marrëveshje që e kanë nënshkruar ai ose kryeministri serb Aleksandar Vuçiq nuk ekziston mundësia që kushdo në nivel të Beogradit apo Prishtinës ta suspendojë atë që është arritur si marrëveshje.

Esenca e Marrëveshjes së Brukselit, ka thënë Daçiq, është Asociacioni i Komunave Serbe, kurse kjo, sipas tij, momentalisht po suspendohet.

“Kur do të marrë vendim Gjykata Kushtetuese dhe çka nëse ai do të jetë negativ? Kjo është lojë me stabilitetin e rajonit, njësoj si kërkesa e Kosovës për anëtarësim në UNESCO”, ka thënë ai.

Përgjigjja e BE-së ndaj kësaj situata, sipas tij, është “e vakët si gjithnjë”.

“Kur duhet kritikuar Serbinë, është shumë lehtë që të gjendet dikush që do ta bëjë atë. Kurse kur duhet thënë fjalë të rënda për Prishtinën, u prehet gjuha”, ka thënë ai, duke shtuar: “Nuk presim që dikush të na do, por jemi pjesëmarrës të barabartë në këtë proces dhe duhet patjetër të na respektojnë”.

Për votimin për anëtarësim të Kosovës në UNESCO, që, sipas tij, pritet rreth 9 nëntorit, Daçiq është shprehur optimist se rezultati i votimit do të jetë në favor të Serbisë dhe ka porositur se qeveria serbe do të luftojë deri në fund kundër këtij anëtarësimi.

“Ne s’kemi punë më urgjente se kjo”, ka thënë ministri i Jashtëm serb, duke shtuar se “lufta do të jetë e madhe dhe me rezultat të pasigurt”.

Ai, megjithatë, ka shprehur optimizëm se votimi në Asamblenë e Përgjithshme të UNESCO-s do të jetë i favorshëm për Serbinë, duke cekur se ndër anëtarë t ka shumë vende që janë të vogla dhe të largëta, por vota e të cilave numërohet.

“Ditë e natë bisedojmë me të gjithë. Jam i bindur se kjo s’do të jetë aq e lehtë për Kosovën dhe kjo do të më kënaqë më shumë se çdo gjë tjetër”, ka thënë Daçiqi.

Ai ka paralajmëruar se më 4 nëntor do të marrë pjesë në debatin gjeneral të UNESCO-s, pas ë cilit do të dihet se kush ka të drejtë vote dhe kur saktësisht do të mbahet votimi për propozimin për anëtarësim të Kosovës./KosovaPress/