Gjykata e Hagës nuk do të lejojë ish-presidentin e Kosovës, Hashim Thaçi të marrë pjesë në ceremoninë mortore të babait. 

Turpërues, e cilësoi kryeministri Edi Rama këtë vendim.

“Një ulje e re nga një gjykatë turpëruese dhe e paturpshme, e cila e ka kthyer drejtësinë ndërkombëtare në një farsë, të drejtat demokratike në fjalë boshe, dhe vullnetin e Parlamentit të Kosovës në një boomerang të dhunshëm”, shkruan Rama përmes një reagimi në rrjetin social “X”. 

Haxhi Thaçi ndërroi jetë një ditë më parë, pasi prej kohësh po trajtohej në Qendrën Klinike Universitare të Prishtinës. Hashim Thaçi mundi ta takonte pak ditë më parë, me leje të Gjykatës Ndërkombëtare të Drejtësisë, por tashmë nuk lejohet në varrimin e të atit.

tch