Pranë selisë së BDI-së në Reçicë të Tetovës ka vazhduar prania e shtuar policore pas shpërthimit që ndodhi mbrëmë.

Burime të afëra partiake i kanë thënë portalit “TetovaSot” se dy persona me motoçikletë kanë hedhur mjetin shpërthyes pranë selisë së BDI-së në Reçicë të Vogël në Tetovë.

Në momentin e shpërthimit në ambientet e brendshme ka qenë vetëm një roje, dhe asnjë nga krerët apo shërbimet partiake.

Nga shpërthimi i fuqishëm është dëmtuar muri rrethues i selisë partiake.

Nuk raportohet për të plagosur, përveç një rasti të paraqitur në Klinikën e Tetovës. Banorët e zonës theksojnë se njëri nga fëmijët e fqinjëve i frikësuar nga shpërthimi i fuqishëm është rrëzuar pranë shkallëve të shtëpisë dhe ka pësuar lëndime të lehta dhe se pas trajtimit mjekësor ai po lëshuar për shtëpi.

Banorët e kësaj lagjeje nuk dijnë të shpjegojnë për detaje, përveç që kanë dëgjuar shpërthimin e fuqishëm. (INA)

03/05/2015 – 22: 15 - Një shpërthim i fuqishëm ka ndodhur sonte pranë selisë qendrore të BDI-së në Reçicë të Tetovës.

Ekipe të SPB-së së Tetovës kanë dalur në vendin e ngjarjes. Dyshohet se bomba e hedhur është e tipit ‘kashikara’.

Policia ka siguruar zonën për të kryer ekspertizën dhe se nuk janë lejuar lëvizje pranë selisë partiake të BDI-së. (INA)