Ministria e Shëndetësisë njoftoi se gjatë 24 orëve të shkuara janë bërë  145 teste dhe janë regjistruar 22 raste të reja të personave të infektuar me covid-19 .

13 të infektuar janë regjistruar në Shkup , 7 në Tetovë ,  2 në Prilep.

64 pacientë janë shëruar.

Sipas këtyre të dhënave numri i përgjithshëm i personave të diagnostifikuar me covid 19, arriti në 1664, 1200 pacientë janë shëruar, 91 kanë vdekur, ndërsa momentalisht numri i pacientëve aktiv është 373.

Në territorin e Tetovës, gjatë 24 orëve të shkuara janë regjistruar edhe 7 raste të reja, që do të thotë, se vazhdon të rritet numri i  personave të infektuar me Covid 19, kësaj padyshim i kontribon edhe mbështetja dhe propagandimi i teorive të ndryshme të konspiracionit, neglizhimi dhe mosrespektimi i masave mbrojtëse si dhe indiferenca dhe mosreagimi i organeve përgjegjëse veçanërisht të policisë. Mbetet të shihet se si do jenë pasojat në javët në vijim.