Rrjeti i njohur televiziv Euronews raporton siç thuhet se “policia maqedonase ka nisur një operacion në qytetin etnikisht të përzier verior të Kumanovës kundër njerëzve të armatosur dhe të uniformuar që besohet të jenë shqiptarë etnikë”.

Një fotograf i Reuters tha se njësi speciale policore dhe automjete të blinduara kanë mbyllur një zonë të tërë të Kumanovës, rreth 40 km në veri të kryeqytetit të Shkupit, ku kjo zonë njihet që ka pasur luftime gjatë kryengritjes shqiptare në 2001.

“Tensionet kanë qenë në rritje në vend pasi që opozita fajësoi koalicionin qeverisës konservatore e një përgjimin masiv të fushatës.  Një parti shqiptare etnike është pjesë e koalicionit qeverisës, por ekstremistët brenda në zonën e Kumanovës kanë kërkesa se pakica etnike  nuk gëzon të njëjtat të drejta si sllavët maqedonas. Muajin e kaluar një grup i armatosur që pretendojnë të jenë anëtarë të një force rebele etnike shqiptare mori një post kufitare në kufirin me Kosovën dhe pastaj u tërhoq nga zona”, raporton Euronews. (INA)

Ushtria Çlirimtare Kombëtare mbrëmë pas mesnatës ka dalë edhe me një deklaratë, përmes se cilës konfirmon pjesëmarrjen në konfliktin e armatosur me forcat policore maqedonase, por mohon të jenë “grup terrorist”, siç i ka cilësuar ministrja e Brendshme e Maqedonisë, Gordana Jankullovska.

Ushtria Çlirimtare Kombëtare, duke konfirmuar numrin prej 5 policëve të vrarë dhe mbi 20 të plagosur kërkon nga Jankullovaska që të mos mashtrojë opinionin se kinse pjesëtarët e UÇK-së janë dorëzuar, duke thënë se të dorëzuarit janë civilë të mashtruar nga Qeveria maqedonase.

Nga qeveritë shqiptare në Tiranë dhe në Prishtinë kërkohet që të rrinë larg fjalëve diplomatike të pavlera për këtë situatë, të kthejnë vëmendjen me reagimin pozitiv drejt organizatave ndërkombëtare europiane, për ndaljen e dhunës policore mbi popullsinë civile të pafajshme.

Lexojeni të plotë kumtesën e UÇK-së:

KOMUNIKATË NR. 4
Opinionit shqiptar.
Në këtë kohë të vështirë letrat janë hapur me shtetin policor antidemokratik të IRMJ.

Konflikti i armatosur në qytetin e Kumanovës, dhe rrethinat e tij është një reagim i vendosur i strukturave të Ushtrisë Çlirimtare Kombëtare dhe jo “i grupeve terroriste”, sipas variantit zyrtar të Ministrisë së Brendshme të IRMJ.

Deklarimet e Jankullovskës janë të sakta për dëmet që kanë pësuar forcat e saj kriminale. Rezultojnë 5 policë të vrarë dhe mbi 20 të plagosur. Kjo është pasoja e reagimit tonë të ashpër, të cilin nuk do ta ndalim në ditët që vijnë.

Jankullovska tu vërë emrin e vërtetë “të arrestuarve” pas “dorëzimit të tyre”, të mos mashtroje opinionin e vëmendshëm shqiptar dhe më e pakta, t’i kthejë edhe një herë prapa ata civilë të paguar dhe t’i veshë me uniformën ushtarake.

Ne hedhim poshtë me përbuzje këtë inskenim të turpshëm dhe amator, pre e të cilave janë bërë një numër i madh portalesh dhe gazeta e agjenci lajmesh, të cilat në mënyrë jo profesionale janë përpjekur të dezinformojnë opinionin shqiptar. Jemi mësuar me veprime e qëndrime të tilla policore në një qeveri policore.

Mashtrimi sipas versionit zyrtar të Ministrisë së Brendshme të IRMJ tregon qartë frikën që ka kapur strukturat shtetërore, përballë reagimeve tona dhe valës në rritje të protestave paqësore të shqiptarëve kudo, brenda dhe jashtë IRMJ. Mbështetja e vëllezërve tanë brenda dhe jashtë territoreve shqiptare është e ndjeshme dhe vazhdon të jetë në rritje.

Shtabi i drejtimit bën me dije se, forcat tona janë plotësisht të organizuara në zonën e tyre të aksionit, të disponueshme dhe të afta, me mjete të mjaftueshme që të vazhdojnë luftën kundër strukturave kriminale të shtetit të IRMJ. Shpifjeve “zyrtare” të Jankullovskës u doli ngjyra edhe në këtë rast.

I bëjmë me dije qeverisë shqiptare në Tiranë dhe në Prishtinë, larg fjalëve diplomatike të pavlera për këtë situatë, të kthejnë vëmendjen me reagimin pozitiv drejt organizatave ndërkombëtare europiane, për ndaljen e dhunës policore mbi popullsinë civile të pafajshme.

Ne nuk do të mbajmë më përgjegjësi për ata shqiptarë që vazhdojnë të qëndrojnë brenda strukturave policore dhe ushtarake të shtetit të IRMJ.

Strukturat e Ushtrisë Çlirimtare Kombëtare janë në mbrojtje të popullatës dhe ju bëjnë thirrje qytetarëve të jenë të kujdesshëm dhe rrinë larg vatrave të përplasjes me armë.

Të gjithë bashkë, kundër shpifjeve, gënjeshtrave, përçarjes dhe akuzave pseudopatriotike, me besim se do ta rrëzojmë këtë regjim kriminal, për ti hapur rrugën lirisë dhe dinjitetit kombëtar.
Rroftë Kombi Shqiptar
Zëdhënësi i Ushtrisë Çlirimtare Kombëtare
Gostivar 
9 maj, ora 01. 30v

Qeveria e Maqedonisë ka shpallur dy ditë zie pas vrasjes së pesë policëve në aksionin policor në Kumanovë.

Kështu, data 10 dhe 11 Maj do të jenë ditë zie dhe flamujt e Maqedonisë do të ulen në gjysmë shtyzë ndërsa mediat nuk do të transmetojnë muzikë dhe programe argëtuese. (INA)

Maqedonia nuk do të mundë të ekzistojë si shtet, nëse shqiptarëve nuk u jepet më shumë pushtet politik.

Kështu ka deklaruar në pjesën e dytë të intervistës ekskluzive për gazetën “Zëri” ish-kongresisti amerikan, Joseph DioGuardi, duke shtuar se nëse nuk ndërmerren veprimet e duhura për 800 mijë shqiptarët që jetojnë atje, harroni shtetin që quhet Maqedoni.

Ish-kongresisti amerikan me prejardhje shqiptare thotë se nuk planifikon ta vizitojë Kosovën në një të ardhme të afërt, pasi që, siç thotë ai, jeta e tij do të ishte në rrezik.

“Nuk ka siguri për mua më në Kosovë. Jeta ime do të ishte në rrezik. Edhe Millosheviqi më ka fajësuar mua që e kam dërguar në Hagë. A nuk mendoni se disa serbë apo disa shqiptarë të çmendur mund të marrin disa para dhe të bëjnë ndonjë çmenduri”, shprehet mes tjerash ai…

Tre ushtarë të Ushtrisë Çlirimtare Kombëtare kishin mbetur deri para pak qastesh në Kodrën e Trimave në Kumanovë, nga mëngjesi kur edhe kishin filluar luftimet në këtë vend.

Pjestarë të UÇK-së kanë konfirmuar për Gazetën Fjala se një grup është kthyer për ti nxjerrë nga luftimet ushtarët e mbetur në Kumanovë.

“Asnjë pjestar nga radhët tona nuk janë dorzuar. 3 prej tyre kanë mbetur atje por edhe ata janë nisur tash për me i nxerr. Ata të cilët janë arrestuar janë civil”, thotë ky pjestar për Gazetën Fjala.

Sipas tij, Qeveria e Maqedonisë ka përhapur dezinformata se janë arrestuar pjestarë të UÇK-së.

“Këtë situatë e kanë inskanuar shteti Maqedon për arsye se ata e humbën luftën në ora 11, e për tu nxerr ata me fitore kanë vazhdu me popullatë, e për ti mbuluar vrasjet e tyre në popull civil ata i kanë paraqitur si UÇK edhe civilët. Kështuqë nga pjestarët e UÇK-së s’ka as të vrarë as të dorëzuar, veç të plagosur dy persona dhe askush tjetër”, ka thënë ai për Gazetën Fjala.

Sipas tij, “beteja” e Kumanovës i është dedikuar “Komadantit Harun Aliu që u vra 5 vite më parë me Xhafer Shalën në Radushë të Shkupit. Dhe kjo luftë ka pasur me ndodhë me datën 12, pikërisht në datën kur u vranë Komadant Harun Aliu me 12.05.2010 në Radush të Shkupit”, ka thënë ai./Gazeta Fjala/

Një anëtar i UÇK-së në Maqedoni ka mohuar lajmin e përcjellë nga mediat maqedonase për dorëzimin e 20 personave të armatosur, të cilët kanë shkëmbyer zjarr me policinë.

Në një lidhje telefonike për “News 24”, anëtari i UÇK thotë se nuk është dorëzuar asnjë pjesëtar nga radhët e tyre.

Sipas tij, situata në Kumanovë vijon të jetë e tensionuar, duke u shprehur se përplasjet me policinë maqedonase do të vijojnë edhe më tej, duke u bërë më të ashpra gjatë natës.

Ndërsa thekson se “nuk jemi dorëzuar dhe nuk do të dorëzohemi”, anëtari i UÇK-së thotë se ata janë vënë në mbrojtje të popullatës civile.

Duke komentuar situatën e sotme të krijuar në Kumanovë, ai thotë se nga shkëmbimet e zjarrit kanë humbur jetën 3 civilë, dhe 4 policë. Ndërsa flet edhe për mbi 20 policë të plagosur.

Ministrja e Punëve të Brendshme Gordana Jankullovska në një konferencë për shtyp shpalosi të dhëna zyrtare lidhur me përleshjen e sotme të armatosur në qytetin e Kumanovës.

Ajo tha se, personat të cilët janë përleshur me policinë e Maqedonisë kanë qenë të përgatitur dhe të armatosur fortë.

Sipas saj nga ky incident i armatosur janë vrarë pesë policë ndërsa 30 janë plagosur.

Jankullovska pohoi se nuk ka të dhëna zyrtare dhe të konfirmuara për numrin e të vrarëve nga grupi i armatosur dhe të civilëve.

Ajo tha se, situata në këtë qytet akoma është alarmante dhe se njësitet policore në terren janë ende në një situatë të vështirë dhe të rrezikshme për jetën e tyre. (INA)

Një pjesëtar i Ushtrisë Çlirimtare Kombëtare, grupit të armatosur në Kumanovë ka rrëfyer për Gazetën Fjala atë që ndodhi mëngjesin e së shtunës në “Lagjen e Trimave” në qytetin e Kumanovës.

“Në mesin e djemve që ishin aty isha edhe unë”, rrëfen një pjesëtarë i Ushtrisë Çlirimtare Kombëtare për Gazetën Fjala.

“Ka qenë diçka e paplanifikuar. Aty ishim vetëm 10 veta. Ndërsa, rreth banimit tonë ishin edhe 64 tjerë. Ishim në kurth. Por, ishte fati qe disa prej personave nga ne ishim zgjuar”, thotë pjesëtari i UÇK-së, që deklarohet se mban edhe pozitë të lartë në strukturat udhëheqëse të UÇK.

Ai bënë me dije për Gazetën Fjala se në sulmin e palës maqedonase janë të plagosur vetëm dy pjesëtarë të UÇK-së ndërsa nga pala maqedonase së paku pesë janë të vrarë.

Ky pjesëtar bën me dije se në këtë vend pjesëtarët e Ushtrisë Çlirimtare Kombëtare kanë filluar të grumbullohen dy ditë më parë, por se dikush e ka njoftuar Policinë maqedonase pasi që ishte planifikuar që një aksion i pjesëtarëve të UÇK-së të bëhet në javën e ardhshme mbi Policinë dhe Ushtrinë maqedonase.

“Këtu kemi filluar të afrohemi qe dy ditë. Por, dikush i ka njoftuar Policinë pasi ne kemi planifikuar që aksionin ta bënim me datën 12”, bën të ditur ai.

Pjesëtari i UÇK bën me dije se të gjithë shokët e tij janë tërhequr nga lagjja e sulmuar qysh në mesditë.

“Ne jemi tërhequr nga vendi ku ishim në ora 11, kur kanë filluar maqedonasit t’i sulmojnë civilët”.

Ai bënë me dije se pas ndarjes në dy grupe kanë arritur të dalin nga rrethimi.

“Njëri grup që katër orë kemi arritur në shtab, ndërsa grupi tjetër ku ishte edhe Fadil Fejzullahu ende nuk ka mbërritur”, tregon.

Ky pjesëtar thotë se Fadil Fejzullahu, që u raportua se është vrarë është gjallë.

“Deri në ora 11 Fadili ka qenë gjallë, unë jam përshëndet me të”. /Gazeta Fjala/