Arkivi mujor: Shkurt 2020

Bota, Shëndeti

Itali, raportohen raste me koronavirus

Komento

Koronavirus italiNjë shpërthim i koronavirusit në veri të Italisë u përkeqësua të premten.

Zyrtarët njoftuan për 14 raste infektimi në rajonin e pasur të Lombardisë, ndërsa dy raste u raportuan në rajonin e Venetos aty pranë.

Fillimisht, autoritetet zbuluan se gjashtë persona ishin prakur nga virusi, rastet e para të njohura në Itali. Disa orë më pas, zyrtarët thanë se tetë të tjerë ishin testuar pozitivë për sëmundjen, duke përfshirë pesë punonjës shëndetësie.

Ndërkohë, agjensia e lajmeve ANSA tha se dy persona ishin diagnostikuar se vuanin nga kjo sëmundja tepër ngjitëse në Veneto, megjithëse nuk është e qartë nëse rastet kishin lidhje me njëri-tjetrin.

Ministri italian i shëndetësisë Roberto Speranza tha se në zonat e prkura nga koronavirusi do të pezullohen të gjitha aktivitetet publike, duke përfshirë shkollat, zyrat dhe veprimtaritë sportive.

NË SHBA, 34 RASTE ME KORONAVIRUS

Ndërkohë, të paktën 34 njerëz në Shtetet e Bashkuara janë të infektuar me koronavirusin e ri, thanë të premten zyrtarë amerikanë të shëndetësisë.

Trembëdhjetë nga këto raste u diagnostikuan tek udhëtarët që u sëmurën pas kthimit nga jashtë vendit, dhe 21 në persona të “riatdhesuar” nga Departamenti i Shtetit.

Të tjera raste infektimesh priten në mesin e personave që ishin udhëtarë të anijes Diamond Princess dhe janë në karantinë, tha në një konferencë shtypi Dr. Nancy Messonnier, drejtore e Qendrës Kombëtare për Imunizimet dhe Sëmundjet e Frymëmarrjes.

Për shkak se mund të kenë qenë në kontakt me njerëz të infektuar në anije, “ata konsiderohen me rrezik të lartë infektimi,” tha Dr. Messonnier.

Dhjetë pasagjerë të tjerë nga anija Diamond Princess testuan pozitivë në Japoni, por ende nuk llogariten në mesin e të infektuarve, sepse testet nuk janë konfirmuar nga autoritetet. Ata ka të ngjarë t’i shtohen numrit të personave të llogaritur si të infektuar, tha Dr. Messonnier.

voa

Bota

Si i stimulon interneti terroristët e ekstremit të djathtë

Komento

TerrorNë studimet për ekstremizmin e djathtë dukuria e dorasit që vepron i vetëm është relativisht pak e studiuar. Për këtë tip terroristi interneti luan një rol vendimtar.

E papërpunuar dhe plot racizëm është ideologjia, që përhapte në internet Tobias R. përpara kryerjes së sulmit terrorist në Hanau. Në të ashtuquajturin manifesti i tij dhe videot në internet qarkullojnë teori komploti, që me sa duket atentatori i ka gjetur në inernet dhe i ka përvetësuar ato. Në këtë mënyrë terroristi bën pjesë në grupin e atyre dorasve që veprojnë si individë, radikalizimi i të cilëve është përshpejtuar prej internetit.

Mbrojtja Kushtetuese që në fillim të vitit 2019 në një analizë shkruan, se skena e ekstremistëve të djathtë që veprojnë si individë është e vështirë të zbardhet. Shumë radikalizohen jashtë grupimeve të njohura. Në verë Mbrojtja Kushtetuese angazhoi një njësi për “zbulimin eksplorativ” të rrjeteve sociale. Ka një rrezik të lartë për radikalizim përmes interaksionit të ekstremistëve të djathtë. Skena e ekstremizmit të djathtë shumë shpejt e ka zbuluar për vete internetin.

Në të njëjtin konkluzion arrin edhe fondacioni Amadeu-Antonio me seli në Berlin, që angazhohet kundër ekstremizmit të djathtë. Pas një monitorimi dyvjeçar të rrjeteve sociale drejtuesi i studimit, Miro Dittrich shpjegon: “Përmes një rrjeti të degëzuar fort me oferta adresohen grupe të ndryshme që joshen drejt një bote alternativë online.”

Që nga fillimi i internetit ekstremistët e djathtë kanë mësuar përmes “Trial and Error”, se cilat tema dhe forma paraqitjesh i tërheqin njerëzit dhe cilat jo. Menjëherë janë vënë në provë platforma të reja. Madje përmes tyre janë nxjerrë edhe para – p.sh. përmes reklamave në YouTube, app-eve për donacione apo Crowdfunding. Gjithnjë e më e rëndësishme bëhet “Dark Social”, hapësira në rrjet, në të cilat përdoruesit shkëmbejnë mes tyre pa qenë të hapura për opnionin e gjerë.

Teknika mbështet radikalizimin dhe futjen në rrjet

Në varësi nga platforma ka faktorë specifikë, që e favorizojnë një radikalizim, shpjegohet në studimin e fondacionit. Edhe nëse – p.sh. – YouTube ndërkohë e ka dobësuar algoritmin, ai ka tendencën që përmes funksionit “Autoplay” të të sugjerojë video me përmbajtje gjithnjë e më të forta.

Në shërbimin Messenger Telegram limiti i Gruppenchat është deri në  200.000 anëtarë dhe jo si në WhatsApp me vetëm 256. Kjo e rrit numrin e atyre që marrin informacionin. Po ashtu në një radar pas tjetrit përdoruesit mund të kërkohen brenda një rrethi real. Kjo ofron një mundësi të mirë për t’u futur në rrjet personat me bindje të njëjta.

Në Instagram aktorët përdorin pikërisht Hashtags të anoncuar, për të përcjellë mesazhet e tyre në Timeline të shumë përdoruesve. Ka qenë kryesisht lëvizja “Identitare” në Gjermani që përpiqej ta paraqiste si fare normale mënyrën e jetesës së përditshme të ekstremistëve të djathtë përmes forografive nga festimet apo regjistrimet gjatë lojërave sportive. Përveç kësaj ato krijuan edhe disa platforma, në të cilat nuk kishte më asnjë mundësi për të votuar kundër. Me këtë u rrit funksioni i identifikimit. Shumë prej tyre e ndjejnë veten si “kalorës kryqëzatash”, që duan të shpëtojnë “botën perëndimore”.

Ndjenja e marrëzisë prej dëshpërimit

Përmes kësaj bote të futur në rrjet mund të përhapen mirë narrativat e ashtuquajtura toksike si p.sh. shuarja e gjermanëve. Sa më shumë mesazhe ta konfirmojnë këtë, aq më e fortë bëhet ndjesia e të qenit i kërcënuar, gjë që çon tek një “ndjenjë marrëzie si pasojë e dëshpërimit”.

Si “tipike për internetin” është edhe rrjetëzimi ndërkombëtarisht i kësaj skene. Pothuajse flitet vetëm në anglisht në grupet përkatëse, konstaton fondacioni në studimin e tij. Dorasit që ushtrojnë dhunë gjatë atentateve i referohen njeri-tjetrit, mësojnë prej njeri-tjetrit dhe motivojnë të tjerët. Anders Brevik më 2011 la një manifest. Elementët e drejtpërdrejtë nga atentatori i Christchurch kanë lënë gjurmë. “Qëllimi nuk është në radhë të parë vetëm që të vriten njerëz, por tërheqja e vëmendjes në media dhe përmes internetit”. Dorasit vërtetë përshkruhen si “ujqër të vetmuar”, por ata janë të futur në rrjet në luftën kundër shoqërisë.

dw

Shëndeti

Koronavirusi, vazhdon ulja e numrit të të infektuarve

Komento

Koronavirusi KineKina njoftoi sërish një rënie të numrit të personave të diagnostikuar rishtazi si bartës të COVID 19. Të premten zyrtarët kinezë që menaxhojnë shëndetin publik u shprehën optimistë se po vazhdojnë ta kenë situatën nën kontroll. Por për autoritetet e Organizatës Botërore të Shëndetësisë kriza nuk ka mbaruar. Koronavirusi i ri ka shkaktuar deri tani më shumë se 2,236 vdekje ndërsa 24 orët e fundit e kanë çuar totalin e personave të prekur në 75.465.

Në qytetin e Wuhanit, ku mendohet se shpërtheu për herë të parë virusi, numri i rasteve të kuruara e tejkaloi për herë të parë numrin e rasteve të diagnostikuar si bartës të COVID 19. Sipas autoriteteve kineze që drejtojnë Komisionin Kombëtar për Shëndetin, numri i rasteve të kuruar në një ditë në shkallë vendi, u rrit në mbi 2,000 për herë të parë. Një zyrtar i ministrisë së Drejtësisë Hë Ping tha se disa persona janë larguar nga detyra në një prej provincave të goditura më rëndë, Hubei si dhe zona të tjera, pas diagnostikimit të më shumë se 500 rasteve të personave të prekur në burgje.

“Do të mbahen përgjegjës të gjithë ata që nuk kryejnë një proces ekzaminimi të plotë apo që nuk kryejnë njoftimet në kohë dhe ku masat e karantinës nuk janë ato që duhen. Nëse kjo ndodh, masat ndëshkimore do të jenë të ashpra“, tha zoti He Ping.

Për autoritetet e Organizatës Botërore të Shëndetësisë rënia e numrit të rasteve të reja me koronavirus në Kinë është inkurajues, por ata paralajmëruan se kriza nuk ka mbaruar.

“Ky është momenti për ta sulmuar virusin ndërsa situata është e menaxhueshme. Një numër i vogël rastesh janë njoftuar edhe në vende të tjera të botës. Nëse nuk e godasim fort tani, duke përdorur këtë dritare mundësie që na është dhënë, mund të përballemi me një problem serioz“, tha drejtori i përgjithshëm i OBSH-së Tedros Adhanom Ghebreyesus.

OBSH-ja njoftoi se po kryen dy prova klinike që mund të çojnë në luftimin e virusit vdekjeprurës dhe se rezultatet paraprake priten të dalin brenda tre javësh.

Ndërkaq Koreja e Jugut njoftoi 52 raste të reja, që e ka çuar numrin e të prekurve në vend në 152. Të paktën 25 vende krahas Kinës kanë raportuar më shumë se 1000 raste personash bartës të koronavirusit dhe 11 vdekje.

voa

Maqedonia

Zaev: Për herë të parë pres koalicion parazgjedhor me partitë shqiptare

Komento

ZaevKryetari i LSDM-së Zoran Zaev, sot nga Vinica paralajmëroi përparësi të partisë së tij në lidhje me marrëveshje për koalicion parazgjedhor me të gjitha partitë tjera, sidomos me ato shqiptare.

Në mesin e funksionarëve të lartë të LSDM-së, por edhe Lëvizjes Besa dhe PDSH-së flitet për një koalicion të mundshëm të këtyre partive për zgjedhjet e 12 prillit.

Edhe pse nuk ka asgjë zyrtare, asnjëri nga kryetarët e partive nuk e kanë hedhur poshtë këtë mundësi.

“Pres të gjejmë forcë që për herë të parë të bëjmë koalicion parazgjedhor me parti nga blloku shqiptar. Koalicionet do të jenë përmbajtësor dhe më të gjerë, ndërsa kjo nuk do të jetë më vonë se 9 marsi, kur është caktuar edhe kongresi i LSDM-së. Kjo na jep të drejtë të jemi favorit për zgjedhjet. Personalisht jam i kënaqur nga bisedimet, pasi flasim për vlera, programe dhe diçka që mund të na lidhë, si dhe për marrjen e përgjegjësive edhe në pushtetin ekzekutiv edhe në atë ligjvënës”, tha Zaev.

Ndërsa në lidhje me listat e kandidatëve, Zaev tha se ka përfunduar propozimi i kandidatëve të mundshëm./Telegrafi/

Maqedonia

Sela dhe Gashi nënshkruajnë marrëveshjen për koalicion në zgjedhjet e 12 prillit

Komento

Ziadin-Sela-Afrim-GashiKryetari i Aleancës për Shqiptarët Ziadin Sela dhe ai i Alternativës Afrim Gashi, sot e kanë nënshkruar marrëveshjen për koalicion në zgjedhjet e parakohshme të 12 prillit.

Pas nënshkrimit të marrëveshjes për koalicion, Ziadin Sela tha se është moment i rëndësishëm, duke shtuar se ky është hap i fuqizimit të votës shqiptare, njofton Telegrafi Maqedoni.

“12 prilli nuk duhet të jetë dita e cila do të bëjë që kjo marrëveshje e jona do të duhet të pushojë së ekzistuari, por 12 prilli duhet të jetë dita kur kjo marrëveshje të merr fuqi. Marrëveshja jonë është mbi parimin – shteti për të gjithë”, tha Sela.

Ndërsa kryetari i Alternativës Afrim Gashi, tha se ky koalicion nuk e ka për qëllim hakmarrjen, ose nxitjen e urrejtjes ndëretnike.

“Jemi këtu për t’ju thënë se pas 12 prillit do të kujdesemi për të gjithë shqiptarët. Ne do t’u shërbejmë atyre, pavarësisht bindjeve të tyre politike. Për ne më e rëndësishme dita pas 12 prillit, se sa ditët deri atëherë”, tha Gashi.

Ai u shpreh i bindur për fitore në zgjedhjet e parakohshme të cilat do të mbahen më 12 prill.

Koalicioni në mes Aleancës për Shqiptarët dhe Alternativës është koalicioni i parë parazgjedhor./Telegrafi/

Shqipëria

“Ky është momenti”/ Çelja e negociatave, raportuesja e PE-së: Aktorët politikë të bëhen bashkë

Komento

Raportuesja e PE SantosNë një konferencë për shtyp, raportuesja e Parlamentit Evropian, Isabel Santos u shpreh se për të munduar çeljen e negociatave për Shqipërinë duhet që të gjithë aktorët politikë të bëhen bashkë.

“Kemi nevojë për sinjale të mira dhe të forta që të ecim përpara në këtë proces anëtarësimi. Ne të gjithë duam çeljen e negociatave dhe kjo duhet të jetë objektivi kryesor i kësaj. Ka ardhur koha që të gjithë të bëhen bashkë për të arritur këtë. Ky është momentin për t’u bërë bashkë. Aktorë të ndryshëm politikë, ju thashë se për të mbrojtur Shqipërinë unë do ta bëj këtë, por dua që të gjithë aktorët politik të jenë me mua”, u shpreh Santos.

Më tej shtoi:

“Nuk do komentoj çështjet e brendshme të politikës, është momenti për të qenë të bashkuar. Kjo është thirrja ime për të gjithë aktorët politikë. Ua kam shpjeguar rëndësinë e këtij momenti. Askush nuk mund të thotë që është përgjegjësia e BE-së. Thirrja ime është të jeni të bashkuar për të përmbushur këtë objektiv dhe për të arritur reformat e duhura.

Top Channel

Kosova

Thaçi: Xhamajka njeh Kosovën – MPJ e Xhamajkës e mohon

Komento

XhamajkaMinistrja e jashtme e Xhamajkës, Kamina J. Smith, shkroi në rrjetin twitter se vendi i saj nuk e ka njohur Kosovën, disa orë pasi që presidenti i Kosovës, publikoi lajmin për njohjen.

“Deri tash Xhamajka nuk e ka njohur Kosovën si shtet të pavarur”, shkroi zonja Smith në llogarinë e saj në Twitter.

Presidenti i Kosovës, Hashim Thaçi, shkroi të enjten mbrëma për njohjen nga Xhamajka.

“Lajm i mirë, sapo u njoftova nga ambasadorja jonë në Shtetet e Bashkuara, Vlora Çitaku se Xhamajka ka njohur Kosovën si shtet të pavarur dhe sovran. E di se kjo është rezultat i punës së madhe dhe lobimit për vite të tëra, përfshirë edhe ndihmës së kongresistit amerikan Eliot Engel. Faleminderit miqve tanë nga Kingston”, shkroi presidenti Thaçi në rrjetet sociale.

Më pas gjatë së enjtes mbrëma edhe kryeministri Albin Kurti edhe ministri i Jashtëm, Glauk Konjufca, mirëpritën njoftimin për njohjen.

Por, të premten ministri i Jashtëm shkroi në rrjetet sociale se “mbrëmë, Ambasadorja e Republikës së Kosovës në Shtetet e Bashkuara të Amerikës, znj. Vlora Çitaku, përmes postës elektronike e ka njoftuar Ministrinë e Punëve të Jashtme dhe Diasporës për njohjen nga Xhamajka. Në rrafshin profesional, informata zyrtare e një Ambasadori/eje, drejtuar Ministrisë së Punëve të Jashtme, konsiderohet si akt i mirëqenë dhe merret në konsideratë si e tillë. Ne jemi në kontakt të vazhdueshëm me Ambasadën tonë në SHBA, për të sqaruar situatë e krijuar” shkroi ai duke theksuar se pas shqyrtimit të situatës, “shumë shpejt do të ndërmarrë veprime në përputhje me përgjegjësitë e secilit”.

I fundit që e ka njohur pavarësinë e Kosovës është Barbadosi në shkurt të vitit 2018, i cili ishte bërë atëbotë vendi i 116-të që njeh shtetin e ri evropian.

Autoritetet serbe thonë se përveç që i kanë ndalur njohjet kanë arritur të sigurojnë tërheqjen e saj nga 16 vende të botës.

Kosova të hënën shënoi përvjetorin e pavarësisë së vet të shpallur më 17 shkurt të vitit 2008, më mbështetjen e Shteteve të Bashkuara dhe vendeve kryesore të Bashkimit Evropian, ndërsa kundërshtohet nga Serbia dhe aleatja e saj Rusia.

Aspiratat e të dyja vendeve për anëtarësim në Bashkimin Evropian janë të kushtëzuara me një marrëveshje normalizimi marrëdhëniesh ndërmjet tyre dhe së fundmi administrata amerikane është angazhuar për ripërtëritjen e procesit te bisedimeve ndërmjet tyre.

Procesi i bisedimeve mes Kosovës e Serbisë është bllokuar që kur qeveria e kaluar e Kosovës vendosi tarifa prej njëqind për qind ndaj mallrave serbe, në përgjigje të siç është thënë fushatës së egër kundër shtetësisë së Kosovës. Beogradi kushtëzon rifillimin e bisedimeve me heqjen e tarifave, derisa qeveria e ish kryeministrit Ramush Haradinaj i kishte kundërshtuar edhe thirrjet e komunitetit ndërkombëtar për heqje ose pezullim të këtyre tarifave.

I dërguari i posaçëm i presidentit amerikan Donald Trump për bisedimet e paqes mes Kosovës e Serbisë, ambasadori Richard Grennell, gjatë vizitës së fundit në Prishtinë dhe Beograd bëri thirrje që Kosova të heq tarifat ndërsa Serbia të ndalë fushatën kundër shtetësisë së Kosovës.

Qeveria e kryeministrit të Kosovës, Albin Kurti ka paralajmëruar ndërkohë që do të heq tarifat dhe do t’i zëvendësojë ato me masat e reciprocitetit me Serbinë.

voa

Kosova

BE-ja pranë vendimit për një të dërguar të posaçëm për bisedimet Kosovë-Serbi

Komento

Shefi i politikës së Jashtme të Bashkimit Evropian, Josep Borrell, ka diskutuar në biseda telefonike me presidentin e Kosovës, Hashim Thaçi e kryeministrin Albin Kurti si dhe me presidentin e Serbisë, Aleksandër Vuçiç, lidhur me vendimin për të emëruar një Përfaqësues të Posaçëm të Bashkimit Evropian për Dialogun dhe Ballkanin Perëndimor.

Në një njoftim të zyrës së zotit Borrell thuhet se gjatë bisedave ai theksoi se “emërim pasqyron rëndësinë që BE-ja dhe ai personalisht i kushtojnë stabilizimit të rajonit dhe përparimit në rrugën drejt BE-së”.

Ai ritheksoi se “mbetet personalisht i angazhuar dhe i përkushtuar fuqimisht për të mbështetur ardhmërinë evropiane të Ballkanit Perëndimor dhe për të luajtur rolin e tij si lehtësues i bisedimeve Beograd-Prishtinë’, thuhet në një komunikatë të zyrës së zotit Borrell.

Por, ai nuk ka përmendur ndonjë emër që mund të jetë në postin e të dërguarit të posacëm. Deri tash emri më i përmendur është ai i ministrit të Jashtëm të Sllovakisë, Miroslav Lajçak.

Më herët zoti Borrell kishte deklaruar se në atë post duhet të jetë “dikush që e njeh rajonin”, ndërsa ministri Lajçak as nuk e ka mohuar dhe as pohuar mundësinë që ai të jetë i dërguari i Bashkimit Evropian.

Propozimi duhet të miratohet nga të gjitha vendet e bllokut mes të cilëve ka rezerva rreth zotit Lajçak, i cili sikurse zoti Borrell, ish ministër i Jashtëm i Spanjës, vjen nga një prej pesë vendeve që nuk e njohin pavarësinë e Kosovës.

Ideja për një përfaqësues të posaçëm ishte hedhur që në vitin e kaluar pasi që departamenti amerikan i Shtetit emëroi zotin Mathew Palmer të dërguar të posaçëm për Ballkanin Perëndimor, ndërsa më pas presidenti Donald Trump emëroi ambasadorin Richard Grenell të dërguar të posaçëm për bisedimet e paqes Kosovë – Serbi.

Ideja u fuqizua sivjet, meqë Bashkimi Evropian u ndje i lënë anash pasi që ambasadori Grenell siguroi dy marrëveshje për linjën ajrore, linjën hekurudhore dhe autostradat ndërmjet Kosovës dhe Serbisë, pa përfshirjen evropiane.

Procesi i bisedimeve i ndërmjetësuar nga Bashkimi Evropian i filluar që në vitin 2011 janë pezulluar që nga vjeshta e vitit 2018, kur qeveria e Kosovës vendosi tarifat prej 100 për qind ndaj mallrave serbe në shenjë kundërshtimi ndaj qasjes së Beogradit ndaj shtetësisë së Kosovës. Beogradi kushtëzon vazhdimin e bisedimeve për normalizim marrëdhëniesh me Kosovës me heqjen e këtyre tarifave.

Përballë angazhimit energjik amerikan, Bashkimi Evropian është vënë në përpjekje që të sigurohet se do të luajë rolin e tij në proces. (b.a.)

Shqipëria

Fshati që serbët nuk i prishën dot bukurinë dhe traditën, Rabdishti Peshkopisë

Komento

Keni shkuar ndonjëherë të vizitoni fshatin Rabdisht në Peshkopi?

Rabdisht PeshkopiHistoria dhe bukuria që do të shihni aty, do t’u zvogëlojë pritshmëritë. Gazetarja Ilnisa Agolli, na tregon se si ky fshat ka qenë një nga qëllimet kryesore të serbëve për ta djegur. Shfarosur!

Në vitin 1913 dhe 1915. Madje sikur mos mjaftonte, masakra kriminale vijoi dhe më 1918 ndërsa lidhën, torturuan e vranë 75 burra. Më pas e dogjën sërish bashkë me fëmijë, gra, e pleq nëpër banesa. Pasi ti dëgjon këtë, e vetmja gjë që të vjen ndërmend është se si vazhdoi më pas jeta. Aty, në bjeshkët madhështore pasi shkel ajo që të kyç gojën është bukuria e Rabdishtit.

Shtëpitë e gjitha të punuara me mjeshtëri nga zanatçinj të gurit. Një arkitekturë perfekte me banesa tradicionale. Me sokakë dhe infrastrukturë që të mahnit.

Dhe aq më tepër trashëgimia që ruajnë banorët, duke mos e braktisur këtë vend e bërë krushqi me njëri tjetrin të çudit. Në këtë mënyrë mbetet i vetmi fshat në Shqipëri me popullsi në rritje. Shihni për më shumë videon poshtë në “Fshatrat e Shqipërisë”.

topchannel

Bota

Pas paralajmërimeve për Rusinë, Presidenti Trump shkarkoi kreun e Zbulimit Kombëtar

Komento

TrumpMediat amerikane njoftojnë se Presidenti amerikan Donald Trump mori vendimin për të larguar zyrtarin e tij më të lartë të shërbimeve të zbulimit, pas një seance të klasifikuar informimi të ligjvënësve për sigurinë e zgjedhjeve.

Washington Post dhe New York Times thanë të enjten se presidenti ishte i irrituar pasi mësoi për informimin e javës së kaluar për anëtarët e Komitetit të Zbulimit, i shqetësuar se zyrtarët kishin dhënë informacione që mund të përdoren kundër tij.

Presidenti Trump më pas e thirri Drejtorin në detyrë të Sigurisë Kombëtare Joseph Maguire në zyrën e tij të nesërmen, kur përfundimisht vendosi ta zëvendësojë.

“Ishte një zhveshje” e Maguire, i tha një burim, duke folur në kushtet e anonimitetit, gazetës The Washington Post. “Kjo ishte katalizatori“.

Sipas New York Times, zemërimi i presidentit u nxit nga një vlerësim i njërës prej ndihmëseve të larta të zotit Maguire, Shelby Pierson, e cila u tha ligjvënësve se Rusia ka qenë duke ndërhyrë në fushatën presidenciale amerikane për vitin 2020, duke synuar rizgjedhjen e tij.

Zyrtarët pranë Zyrës së Drejtorit të Inteligjencës Kombëtare dhe zyrës së saj të sigurisë zgjedhore nuk pranuan të komentojnë kur u kontaktuan nga Zëri i Amerikës.

Një kërkesë për koment drejtuar Shtëpisë së Bardhë gjithashtu nuk mori përgjigje, por reagimi nga ligjvënësit demokratë ka qenë i shpejtë.

“Jam shumë i shqetësuar,” tha Kryetari i Komitetit të Sigurisë Kombëtare të Dhomës së Përfaqësuesve, Bennie Thompson në një deklaratë të enjten vonë.

“Presidenti e vendos egon mbi vendin“, shtoi ai. “Duke shkarkuar drejtorin në detyrë të zbulimit kombëtar, Maguire, sepse stafi i tij i dha Kongresit konkluzionet e sinqerta të Komunitetit të Inteligjencës në lidhje me ndërhyrjen ruse në zgjedhjet presidenciale të vitit 2020, presidenti nuk po refuzon vetëm të mbrohet kundër ndërhyrjeve të huaja, ai po e fton atë.”

Marrëdhënia e ashpër midis Trump dhe agjensive të inteligjencës amerikane daton në zgjedhjet presidenciale të vitit 2016, kur komuniteti i inteligjencës konkludoi se, “[Presidenti rus Vladimir] Putin dhe qeveria ruse aspiruan të ndihmojnë shanset për t’u zgjedhur të presidentit Trump me çdo mundësi“, kanë shkruar në një raport jo të klasifikuar të publikuar në vitin 2017, agjensitë kryesore të zbulimit amerikan.

Këto përfundime u mbështetën nga një raport në Prill 2019 nga këshilltari special Robert Mueller, i cili konstatoi se, “qeveria ruse konkludoi se do të përfitonte nga një presidencë Trump dhe punoi për ta siguruar këtë rezultat“.

Por, Presidenti Trump vazhdimisht ka mohuar çdo ndërhyrje ruse, duke iu referuar mohimeve të Putinit.

“Ai tha që nuk ndërhyri (në zgjedhje)”, u tha Trump gazetarëve pas një bisede me Putinin në Vietnam. “Ai tha që nuk ndërhyri. Unë e pyeta përsëri. Nuk mund ta pyes pa fund“.

Megjithatë, zyrtarët e inteligjencës amerikane kanë thënë, në mënyrë të përsëritur, se jo vetëm që Rusia ndërhyri në zgjedhjet e vitit 2016, por se e bëri këtë përsëri në 2018 dhe se do të ndërhynte gjithashtu në zgjedhjet presidenciale të vitit 2020.

voa