Një “Marsh për Engjëjt” do të mbahet sot në Shkup, i organizuar nga familjet e viktimave nga zjarri tragjik në Koçan.

Organizatorët njoftojnë se marshimi do të fillojë para Prokurorisë në orën 12:05, si simbol i, siç thonë ata, reagimit të vonuar të institucioneve, do të vazhdojë drejt “Sheshit Maqedonia” dhe do të përfundojë para Kuvendit.

“Meritojmë përgjigje, nuk jemi ekspertë në ligj dhe procedurat ligjore dhe për këtë arsye nuk e kuptojmë se si ekspertët e ligjit i ndalojnë dhe më pas i lirojnë. A janë ata të vetëdijshëm për besimin tashmë tërësisht të tronditur në punën aktuale institucionale me “kap dhe liro”, pa një shpjegim të qartë për atë procedurë ligjore, dhe atë që po krijohet në mendjet tona që janë në prag të vetë-shkatërrimit”, thuhet në thirrjen e familjarëve.

Në thirrje, ata theksojnë se do të vazhdojnë të kërkojnë përgjigje në lidhje me vdekjet e fëmijëve të tyre, dhe u bëjnë thirrje të gjithë qytetarëve të vendit të marrin pjesë.

alsat

Për kryetarin e Lëvizjes Besa, Bilall Kasami, pesha e koalicionit VLEN është e njëjtë edhe pa Taravarin.

“Unë vlerësoj se VLEN peshon, të mos them më shumë, aq sa peshon pa Taravarin, apo sa vlente e peshonte me Taravarin. Sepse VLEN është këtu, të gjithë aktorët e tjerë janë këtu”, deklaroi Bilall Kasami – kryetar i Lëvizjes Besa.

Në intervistë për REL Kasami u shpreh optimist se ende ka shanse reale që VLEN të vazhdojë i bashkuar, sepse siç shprehet, vlera e secilës parti, pjesë e koalicionit, është shumë e madhe si pjesë e VLEN-it. Humbësi më i madh, sipas tij, do të ishte ai që del nga VLEN, gjersa rikujtoi edhe një shprehje popullore.

“Unë vlerësoj se humbësi më i madh do të jetë ai që del, pra në rastin konkret të koalicionit VLEN. Sepse jo rastësisht edhe thënia popullore është „ai që ndahet nga grupi, e han ujku”. Në këtë rast mendoj se VLEN do të vazhdojë edhe më fuqishëm”, shtoi kryetari i Lëvizjes Besa, Bilall Kasami.

I pyetur për një qëndrim rreth këtyre fjalëve të Kasamit, kreu i ASH-së që ende zyrtarisht është në VLEN, Arben Taravari, ishte i shkurtë në përgjigje, duke thënë se Kasami ngatërron numrat dhe ekuacionet.

“Lapsus linguae. Ngatërrim numrash dhe ekuacionesh”, deklaroi Arben Taravari – kryetar i Aleancës për Shqiptarët.

Një përgjigje të ngjashme Taravari dha edhe ditë më parë, pasi Kasami tha se nëse ai largohet, atëherë është zero sepse zero ka qenë para se të vijë në koalicionin VLEN. Kësaj Taravari iu përgjigj duke thënë se mendon se është lapsus lingua, kur sipas tij, goja flet më shumë se truri proceson. “Mendoj se nuk e kishte me qëllim të keq ose thjesht e gaboi radhitjen e fjalëve në fjali. Nuk mendoj se kishte prapavijë të keqe deklarata e z.Bilall Kasami”, përfundoi kreu i ASH-së.

Krejt këto zënka me fjalë mes partnerëve brenda VLEN-it kanë nisur që kur brenda tyre u hap debati se si të dilet në zgjedhje lokale. Të gjithë kryetarët ishin që të dalin me kandidatë për kryetar dhe lista të përbashkëta për këshilltarë, përveç Taravarit, i cili kërkon që të dalin me lista të veçuara për këshilltarët komunalë.

Dy ditë më parë liderët e VLEN-it u takuan, por pa një vendim përfundimtar. Bekim Qoku si përfaqësues i VV-së brenda këtij koalicioni tha se ende po diskutojnë detajet dhe se mendon që në lokale VLEN duhet të dalë me lista edhe me kandidatë të përbashkët.

tv21

Me moton “Reagim i vonuar” sot në Koçan është mbajtur marshi i dytë protestues, që e organizuan familjet e të pësuarve në zjarrin tragjik në diskotekën “Puls”.

Në mënyrë simbolike, pjesëmarrësit në marshin janë nisur nga Parku i Revolucionit në ora 12 e 5 minuta, me çka e kanë shprehur pakënaqësinë nga reagimi vonuar i institucioneve kompetente, si një nga shkaqet për tragjedinë e madhe.

Në qetësi dhe heshtje, kolona prej disa qindra qytetarëve, kaloi në Qendrën tregtare shkurt, duke u ndalur para kafenesë, pronari i së cilës e ka mbajtur edhe diskotekën, e prej aty u nisën para ndërtesës së Komunës së Koçanit, ku gjenden edhe hapësirat e Inspektoratit shtetëror të tregut.

Me një minutë heshtje para Stacionit policor, qytetarët e kanë shprehur pakënaqësinë nga reagimi jo me kohë për t’u penguar katastrofa, e pastaj para Gjykatës themelore dhe Prokurorisë themelore publike kërkuan informata për procedurën e deritanishme hetuese.

“Kërkojmë llogari për atë që është punuar”, ishte porosia e vetme e zëshme që e kanë brohoritur para Prokurorisë, ndërsa e njëjta ishte shkruar edhe në një nga pankartat.

Qytetarët në marsh mbanin pankarta me mbishkrime si “Engjëjt tanë meritojnë drejtësi”, “Stop drejtësisë selektive”, “Kjo nuk është fatkeqësi, kjo është vrasje” e të ngjashme. Pastaj ata u kthyen në pikën e tyre të nisjes në Park dhe paralajmëruan se protesta të tilla do të vazhdojnë deri në zbulimin dhe ndëshkimin e autorëve të ngjarjes tragjike.

Këto ditë Qeveria e Republikës së Maqedonisë së Veriut e ka emëruar për udhëheqës të Agjencisë për Fondet Arsimore Evropiane një njeri që shqiptarët i ka barazuar me kafshë më neveritëse që bëjnë seks me dhitë!

Dhe tani do ndodh ajo që ka ndodhur gjithmonë gjatë dekadave të shkuara në raste të tilla; Kryeministri do shtiret se nuk a ka ditur, e këta paçavuret e VLENIT do lëvdohen se e kanë çuar të kërkojë falje këtë monstër me fytyrë njeriu.

Ku ta dish, mbase edhe nuk ndodh asgjë e papritur në një shtet që i paguan shtrenjtë vasalët shqiptarë, që i shërbejnë për ta mbuluar antishqiptarinë që shpërblehet dhe mbështetet institucionalisht.

Pra ndodh ajo që pritet t’u ndodh atyre që ndjehen si të pa mëmëdhe, që kanë pas shpine Kosovën e Shqipërinë, por të cilat nuk e përkrahin popullin e vet, por qeverinë e këtij shteti të zgjebur.

Pra, është duke ndodhur diçka e pritshme nga një shtet ku çdo gjë është e përkohshme përpos antishqiptarisë, të cilën këta të VMRO-DPMNE’së e kanë në gjen!

Kim Mehmeti

Ai tha se brenda VLEN ka telashe dhe diskordinime, e që sipas tij janë evidente.

“Ne përveç se duhet të mendojmë për VLEN-in të jetë funksional, sa më funksional. Bindja ime vazhdon që të jetë se është dobët funksional në Qeveri, përformon pak dobët. Kemi telashe dhe kjo është evidente…P.sh reformat, ndryshime, sjellje ligjesh, pra ka një fare diskordinimi që është evident. Çdo kush prej katër miqve të mijë që jemi në VLEN mund edhe të mos e thotë, por praktikisht çdo qytetarë ta thotë dhe çdo anëtari i Qeverisë që është aty se disi nuk funksiononi siç duhet”, tha ai.

Më tej, ai ka thënë se ka zëvendësministra të margjinalizuar dhe kjo po ndikon edhe kryerjen e shumë proceseve.

“Zëvëndsministriat unë mendoj që jo pak, por pak si shumë kanë qenë të margjinalizuar në disa institucione. Kemi edhe super ministra… ka edhe të atillë që kanë qenë perfekt, por ka të atillë që kanë pasur telashe… Ka edhe disa zëvendësdrejtora që për arsyeje të asaj që e shohin që udhëheqësia e VLENI-it është disi e diskordinuar vonojnë shumë punë, procese të cilat do të na ndihmonin si koalicion që të dukemi shumë më mirë jashtë”, ka thënë ai në emision “Këndi i Debatit” në Tëvë1.

Taravari po ashtu ka shtuar se anketat tregojnë që qytetarët janë të pakënaqur me punët e VLEN në qeveri.

“Mua më dëshpëron fakti që kur i shoh anketat qytetarët nuk janë të kënaqur prej mënyrës si performojmë ne. Nëntë muaj është dhe nuk është një kohë për të thënë se çdo gjë është tragjike, unë nuk them që nuk ka rezultate se ka edhe rezultate të arritura por nga programi ynë zgjedhor nuk kemi arritur shumë gjëra ti ecim ama kemi mundur ta bëjmë, kemi pasur mundësi të ishim shumë më të koordinuar”, ka shtuar Taravari.

klan

Nga sonte në mesnatë do të ulen çmimet e derivateve të naftës, njofton  Komisioni Rregullator për Energjetikë.

Benzina 2.5 denarë më lirë ndërsa nafta për 2 denarë më lirë.

Nga data 12.04.2025 nga ora 00:01 çmimet ederivateve të naftës do të jenë: 

Benzinë EUROSUPER BS – 95      71,50 (denarë/litër)

Benzinë EUROSUPER BS – 98      74,00 (denarë/litër)

Naftë EURODIZEL BS (D-Е V)        64,50 (denarë/litër)

Vaj për djegie Ekstra i Lehtë 1 (EL -1)       64,50 (denarë/litër)

Mazut М-1 SU                                               37,70 (denarë/kilogram)

Çmimi i shitjes me pakicë të benzinës EUROSUPER BS – 95 ulet për 2,50 den/litër.

Çmimet e shitjes me pakicë të benzinës EUROSUPER BS – 98 si dhe të  EURODIZEL (D-Е V) dhe të Vajit Ekstra të Lehtë për amvisëri (EL-1) ulen për 2,00 den/litër.

Çmimi i shitjes me pakicë të Mazut M-1 SU, nuk ndryshon.

Sipas raportimeve mediatike del se vëllazëria VLEN o do copëtohet, o do bashkohet në një parti të vetme.

Nuk dua të përgjithësoj dhe nuk e di se çka do bashkojnë mes veti të tjerët, por sa i përket “Alternativës” dhe “Besës” së Klanit të Llërcës, ato sot mund ta bashkojnë vetëm paturpësinë e djeshme kur drejtuesit e tyre shkelën mbi vullnetin politikë të gjashtëdhjetë mijë votuesve, kur çka nuk thanë për njëri tjetrin, duke e copëtuar “Besën” e dikurshme si ta kishin arë të trashëguar nga gjyshërit e vet.

Por kjo paturpësi e tyre shpërfaq diçka edhe më të dhembshme se aq: fytyrën e disa votuesve që shtiren se nuk e mbajnë mend çka ndodhi dikur dhe që sot i votojnë këto dy parti, mbase duke iu i përmbajtur parimit: rrofshin hajdutët e partisë sime!

E sa i përket hajnokracisë që ndërton Maqedonia, shqiptarët e këtushëm gjithnjë e më shumë binden se sa për hajdutë, s’ke pse i ndërron ata të BDI-së më të VLEN-it, sepse shkathtësia e tyre shkon deri aty sa, përderisa me njërën dorë e zhvatin popullin, me tjetrën ia ledhatojnë kokën duke e bindur se ashtu e duan ndërkombëtarët dhe integrimet euroatlantike.

Kim Mehmeti

Lëvizja Demokratike, e udhëhequr nga Izet Mexhiti, po përballet me një tjetër goditje të rëndë morale dhe politike. Sejdi Jahiu, një nga anëtarët themelues të kësaj partie dhe njëherazi zëvendës-koordinator komunal, ka njoftuar largimin e tij të parevokueshëm, duke denoncuar ashpër mënyrën e drejtimit autokratik dhe përjashtues të strukturave të brendshme.

Në një deklaratë të hapur publike, Jahiu shprehet i zhgënjyer thellë nga ajo që ai e quan “tradhti ndaj parimeve themelore me të cilat nisi kjo lëvizje”. Ai kritikon ashpër degradimin e procesit të brendshëm partiak dhe nënçmimin e atyre që ngritën këtë subjekt nga themeli. “Ajo që u ndërtua në emër të meritokracisë, sot është kthyer në një diktaturë moderne”, shkruan Jahiu.

Përtej dorëheqjes së tij si themelues dhe zëvendës-koordinator, ai paralajmëron se shumë të tjerë ndajnë të njëjtat pakënaqësi, por zëri i tyre, sipas tij, po mbytet nga arroganca e lidershipit aktual. “Fatkeqësisht, mesazhet në adresat e duhura kanë hasur në veshë të shurdhër,” shprehet ai, me tone që dukshëm drejtohen ndaj Izet Mexhitit dhe rrethit të tij të ngushtë.

Në deklaratën e tij, Jahiu distancohet nga çdo përplasje personale, por thekson se nuk do të heshtë përballë padrejtësive dhe nënçmimeve që u bëhen atyre që dhanë gjithçka për këtë projekt politik. Ai e mbyll reagimin me një mesazh paralajmërues për të rinjtë që mendojnë t’i bashkohen Lëvizjes Demokratike: “Shumë shpejt do zhgënjeheni.”

Dorëheqja e Sejdi Jahiut vjen në një moment kritik për Lëvizjen Demokratike, e cila duket se po përjeton një krizë të brendshme të thellë, ku zërat e kundërshtimit ndaj mënyrës së udhëheqjes nga Izet Mexhiti po shtohen dita-ditës.

klan

Kryetari i Lëvizjes Besa, Bilall Kasami, ka komentuar zërat për një dalje të mundshme të Arben Taravarit nga koalicioni shqiptar VLEN. Në një intervistë në televizionin Koha, në emisionin ON TIME, Kasami ka qenë i prerë në deklaratën e tij, duke theksuar se largimi eventual i Taravarit nuk do të kishte ndonjë peshë reale.

“Nëse ai del prej VLEN, atëherë është ZERO, sepse ZERO ka qenë kur ka ardhur,” tha Kasami, duke nënkuptuar se forca politike që përfaqëson Taravari nuk ka pasur ndikim të rëndësishëm para bashkimit në këtë koalicion.

Deklarata e tij vjen në një kohë të tensionuar politike, kur spekulimet për çarje brenda VLEN-it janë shtuar, veçanërisht pas kontakteve të përfolura të Arben Taravarit me partnerë politikë jashtë këtij koalicioni.

Bilall Kasami përmes kësaj deklarate duket se i ka dërguar një mesazh të qartë Taravarit dhe opinionit publik, duke bërë të ditur qëndrimin e tij se forca reale qëndron në bashkimin e VLEN-it, dhe jo në individë që, sipas tij, pa këtë bashkim nuk kanë peshë politike. 

Valon Bela: Bilalli edhe kryqin e vendon në gjoks për pushtet 

“Shihe ti mosmirënjohësin me sexhade ndër sqetull. Këtij hipokriti, i cili përveç vjedhjes s’kishte ditur gjë tjetër, i duhet përkujtuar se duhet thënë të vërtetën pavarsisht pozicioneve të përkohshme dhe momentale.

Sa për deklaratën se Taravari ishte zero para VLEN-it, si e fitove Komunën more leshper?

Po të mos ishte ndihma e ASH-së ku si rrjedhojë e takimit mes Arianit Hoxhës dhe Arben Taravarit erdhi ndihma e ASh-së (Dega e Tetovës) për rrethin e dytë ku ti Bilall fitove Komunën e Tetovës.
Po ju del boja juve të VLEN-it se për pushtet edhe kryqin e vendosni në gjoks (përveç në Kodrën e Diellit).
Por Zoti është i Madh. Me qenë se keni mashtruar në emër të fesë së Tij, Ai u nxjerr hipokrizinë e plotë para popullit dhe ja sot kush keni ngelur, të korruptuar deri në palcë.
Shporruni hipokrita.” ka shkruar Bela

klan