Delegacioni serb në Bruksel ishte shumë destruktiv. Në bisedimet e sotshme, serbët braktisën takimin në ora 16;30. Bisedimet u udhëhoqën nga ish shefi i kundërzbulimit usharak VOA, Dragan Vladisavlevic.

Ndërsa mediat raportuan për një përfarim qëndrimesh të raporteve mes delagacionit të Kosovës dhe atij të Serbisë, në bisedimet që u mbajtën sot në Bruksel. Kreyenegociatorja e Kosovës Edita Tahiri konfirmoi pas përfundimit të takimit të grupeve punuese se palët janë dakorduar me elementet e planit të zbatimit.

Sipas saj, Kosova do t’a merr kodin telefonik, ndërsa kërkesën në emër të vendit do e bëj Austria. Gjithashtu,sipas Tahirit ekziston pajtimi që Operatorët nga Kosova e Serbia të bashkëpunojnë në fushën e roamingut me qëllim të zbritjes së tarifave.

Gjithashtu, sipas kryenegociatores kosovare, do lejohet përkohësisht një kompani e re e telefonisë në Kosovë e cila do ketë fushëveprim të kufizuar. Tahiri insiston se këtu nuk bëhet fjalë për operator të ri të telefonisë, meqë ai merret në Kosovë vetëm me tender.

Zyrtarisht delegacioni kosovar ka informuar edhe faktin se Prishtina dhe Beogradi janë pajtuar që gjatë këtij muaji sërish të takohen në Bruksel dhe gjatë dy ditëve rresht të precizojnë secilin detaj të planit të zbatimit në lidhje me telekomin, në mënyrë që kjo gjë më pas të kaloj tek kryeministrat në takimin e tyre të ardhshëm.
Ndërsa burime pranë kryenegociatores Edita Tahiri, theksuan të kundërtën e asaj që u deklarua zyrtarisht. Bisedimet sipas tyre sot kanë shkuar keq.
Jozyrtarisht, këto burime theksuan se serbët kanë qenë desktruktiv gjatë gjithë takimit , saqë kanë nervozuar së tepërmi edhe zyrtarët e Bashkimit Europian.

” Serbët kanë qenë jashtëzakonisht destruktiv në takimin e sotshëm, cka është parë dhe nga zyrtarët e BE-së, të cilët të paknaqur me këtë fakt, janë nervozuar së tepërmi. Serbët nuk kanë pranuar asnjë kërkesë të palës kosovare, përfshirë edhe atë për kodin telefonik, për të cilin do të duhej të aplikonte Austria dhe Kosova ta merrte në shfrytëzim. Destruktiviteti i tyre shkoi aq larg saqë braktisën mbledhjen rreth orës 16 30″, tha për gazeten Blic,  ky burim, duke shtuar se serbet nuk kane pranuar asnje kerkese te Kosoves.

Bisedimet nga pala serbe gjatë ditës së sotshmë janë drejtuar nga Dragan Vladislavlevic, nga ish shefi i VOA, apo shërbimit të fshehtë ushtarak serb. i cili posedon gradën Gjeneral Brigade. Ai u emër drejtor i zyrës për Kordinim, që udhëheë me bisedimet me Kosovën nga qeveria e Serbisë, në muajin mars. /gazetablic/rtk/

Gazeta “Zëri” brenda burime në Maqedoni ka arritur të sigurojnë emrat e të arrestuarve gjatë aksionit të policisë maqedonase kundër grupit të armatosur shqiptarë në Kumanovë.

Më poshtë mund ti lexoni emrat e siguruar nga gazeta “Zëri” në Maqedoni:

1. Enver Klain, qytetarë i Kosovës njëkohësisht shtetas i Gjermanisë

2.Landrit Rustemi, i lindur më 24 janar 1991, me vendbanim në Gjakovë, Republika e Kosovës

3. Refki Dogani

4. Hjarush Avdia, i lindur më 20 janar 1974, me vendbanim në Gjakovë, Republika e Kosovës

5. Betim Kabashi, i lindur më 4 janar viti 1992, me vendbanim në Prizren, Republika e Kosovës

6. Shefqet Hallaqi, i lindur më 31 korrik viti 1981, me vendbanim ne adresën “Edin Duraku”, numër 134, Prizren Republika e Kosovës

7. Bek Bajra, i lindur më 16 shtator viti 1979, me vendbanim në Gjilan, Republika e Kosovës

8. Fatmir Reçica, i lindur më 01 maj 1986, me vendbanim në Lipjan, Republika e Kosovës

9. Fadil Elshani, i lindur më 6 nëntor viti 1975, me vendbanim në adresën “Zhavid Sula”, Suharekë, Republika e Kosovës

10. Ardian Bujari i lindur me 16 dhjetorë 1975, Duhël pn, në Suharekë

11. Esat Kafexholli, i lindur më 25 mars të vitit 1985, me adesë në Belanica, Malishevë, Republika e Kosovës

12. Lirim Krasniqi, i lindur më 10 shtator të vitit 1989, me vendbanim në Ferizaj, Republika e Kosovës

13. Valdet Zekaj, i lindur më 9 korrik të vitit 1978, më vendbanim në adresën “Maria Shllaku” nr.49, Pejë, Republika e Kosovës

14. Mirsad Qerimi, I lindur më 25 nëntor rë vitit 1986, me vendbanim në adresën “Muharem Fejza”, nr.15, Prishtinë, Republika e Kosovës

15. Demë Shehu, i lindur më 20 prill të vitit 1980, me adresë në Deçan –Junik, Republika e Kosovës

16. Sami Ukshini, i lindur më 15 tetor të vitit 1967, me vendbanim në adresën Nënë Tereza pn, Republika e Kosovës

17. Genci Sefa- i cili është nga Lushnja por ka shtetësi të Koosvës i lindur më 18 prill të vitit 1973, me vendbanim në Ferizaj, Republika e Kosovës

18. Andi Krasniqi ose Muhamet Krasniqi, i lindur më 10 prill  të vitit 1970, me vendbanim në adresën “Sali Nevica”, numër 14, Prishtinë, Republika e Kosovës

19. Bajram Elshani, i lindur më 15 korrik të vitit 1987, me vendbanim në Suharekë, Republika e Kosovës

Të gjithë këta të burgosur po mbahen në qendrën e paraburgimit Shutka në Shkup, dhe atyre ju është caktuar masa 30 ditshe paraburgimit nën dyshimin se kanë kryer vepër penale që ndërlidhen me terrorizmin.

Familjarët e këtyre të paraburgosurve që nga dita e djeshme kanë pasur mundësi ti vizitojnë të paraburgosurit dhe këtë mundësi e kanë deri ditën e premten.

Gjatë vizitave me të paraburgosurit,  sipas ligjit në Maqedoni familjarët kanë të drejtë të qëndrojnë deri 20 min dhe po ashtu kanë të drejtë ju dërgojnë produkte ushqimore si dhe veshmbathje. (zeri)

Skënder Krasniqi i cili e ka djalin në burg në Shkup, Muhamet Krasniqin, i njohur si Komandant “Malisheva”, tregon se si autoritetet maqedonase po i trajtojnë të arrestuarit.

Babai i komandant “Malishevës”, Skender Krasniqi kërkon ndihmën e shtetit.

Pas vizitës që i bëri djalit në burgun e Shkupit thotë se të arrestuarit nga konflikti i Kumanovës po mbahen në kushte jo njerëzore.

“Gjendja shëndetësore e të burgosurve është e rëndë si rezultat i rrahjeve që kanë pësuar nga organet e rendit në Maqedoni”, thotë Skender Krasniqi për RTK .

Sipas tij të burgosurit i ka vizituar vetëm një herë mjeku. (rtk)

Autoritetet e rendit në Maqedoni, kanë bërë të ditur se kërkesat që Kosova i ka dërguar Shkupit, përfshirë këtu edhe identifikimin e personave të vrarë gjatë aksionit në Kumanovë, do të procedohen me proces të përshpejtuar.

“Shumë shpejtë do të marrë një përgjigje ambasada e Kosovës, përmes linjës zyrtare pë të gjitha kërkesat, të cilat i ka adresuar drejt organeve kompetente”, bën të ditur për Radion Evropa e Lirë, Valdet Xhaferi, zëdhënësi i Ministrisë së Drejtësisë në Qeverinë e Maqedonisë.

“Kërkesa e parë ka të bëjë me sigurimin e listës së personave të vdekur. Kërkesa e dytë ka të bëjë me sigurimin e mundësisë që një grup ekspertësh nga Kosova të bëjë obduksionin e trupave të vdekur. Kërkesat e fundit kanë të bëjnë me transportimin e trupave të vdekur nga Maqedonia në Kosovë”, tha Xhaferi, duke shtuar se “ministria po bën maksimumin për të përshpejtuar procedurat” dhe se duhet pasur parasysh edhe faktin se bëhet fjalë për, siç tha, “çështje delikate”.

Në aksionin e 9 dhe 10 majit në një lagje në Kumanovë, gjatë një përleshjeje të armatosur me forcat e rendit, 9 shtetas nga Kosova thuhet të jenë vrarë dhe 21 të tjerë të jenë arrestuar. Që të gjithë dyshohen si pjesëtarë të grupit të armatosur me të cilin është përleshur policia maqedonase.

Të arrestuarit po mbahen në burgun e Shutkës në Shkup, të cilëve u është caktuar masa e paraburgimit prej 30 ditësh.

Ndërkohë, familjarët e të arrestuarve, të martën kanë vizituar për herë të parë të afërmit e tyre. Ata nuk kanë pranuar të flasin me mediat. Një pjesë e familjarëve të të burgosurve nga Maqedoniaakoma nuk kanë arritur të marrin asnjë informacion për fatin e të afërmve të tyre.

“Fejzi Rushitovskin e kam dhëndër. Qysh të premten nga gjyqi kemi kërkuar leje për ta vizituar, nuk kemi arritur ta sigurojmë. Edhe sot isha në gjykatë dhe sërish nuk arritëm të sigurojmë leje për ta vizituar Fejziun, por na u lejua vetëm t’i dërgojmë ushqimin që kishim marrë për të. Nga dita kur është arrestuar ne nuk kemi asnjë njohuri për të, pos asaj që kemi dëgjuar në lajme”, thotë një familjar i tij.

Avokati i Popullit Ixhet Mehmeti, sot për mediat ka theksuar se maltretimi i të burgosurve për rastin e Kumanovës ka ndodhur pasi që gjykatësi ka miratuar aktvendim që personat e ndaluar të barten në Burgun e Shutkës për ta vuajtur masën paraburgim.

“Deri më tani kemi vizituar disa nga ata. Dje unë lëshova fletëparaqitje penale ndaj policëve të panjohur, edhe pse në rastin konkret nuk bëhet fjalë për policë të panjohur pasi organi kompetent i njeh ata. Kemi prova të mjaftueshme të dyshimit me bazë se gjatë punës kanë maltretuar një të arrestuar. Prioritet e kemi gjendjen shëndetësore”, ka deklaruar avokati i popullit, Ixhet Memeti, i cili ka akuzuar drejtorinë e burgut në Shkup se ka penguar punën e institucionit të cilin e udhëheqë zoti Memeti.

Nga ana tjetër, avokatja mbrojtëse e gjashtë shtetasve nga Kosova, thotë se dy nga klientët e saj kanë nevojë të shtrihen në spital.

“Gjendja shëndetësore e klientit tim Beg Bajra është shumë e rëndë, ai ka nofullën e thyer, tek i cili është intervenuar edhe kirurgjikisht , andaj kam kërkuar nga gjykatësi hetues që të lejojë hospitalizimin e tij për shkak të dhimbjeve të padurueshme, po ende s`kam përgjigje ndaj kësaj kërkesë. Gjendja shëndetësore edhe e Valdet Xhekajt është e rëndë, kurse për katër të tjerët nuk mund të flas akoma sepse skam aritur t’i vizitoj”, thekson avokatja mbrojtëse e 6 shtetasve të Kosovës, Ajtene Iseini. (rel)

Nevoja për arritjen e një konsensusi politik, ka shtyrë institucionet e Kosovës që të zvarrisin miratimin e Amandamentit Kushtetues për themelimin e Gjykatës Speciale për Krime Lufte.

Amandamenti Kushtetues i propozuar nga Qeveria e Kosovës, i cili ka marrë dritën jeshile edhe nga Gjykata Kushtetuese, ka mbetur ende në procedurë në Kuvend, ngaqë ai nuk do të shqyrtohet as në seancën e radhës më 21 maj.

Kryetari i Kuvendit të Kosovës, Kadri Veseli, ka thënë të martën pas mbledhjes së kryesisë, se do të jetë e nevojshme që për këtë çështje të ketë një konsensus politik.

“Procesi është duke lëvizur. Ajo çka është ma kryesore se do të kemi një partneritet me partnerët tanë ndërkombëtarë edhe është shumë më rëndësi të kemi konsensus të plotë nacional. Kjo është edhe një thirrje që bashkërisht të ulemi si spektër politik dhe përmes konsensusit politik ta kalojmë edhe këtë sfidë e cila i paraqitet shtetit tonë”, ka deklaruar Veseli.

Në anën tjetër, deputetët nga partitë opozitare kanë hedhur dyshime se koalicioni qeverisës është duke zvarritur me qëllim themelimin e Gjykatës Speciale për Krime Lufte, deri në arritjen e ndonjë kompromisi politik me Listën Serbe.

Opozita ka ngritur dyshimet për kompromiset që Qeveria e Kosovës mund të bëj me Listën Serbe në pazaret që mund të ndërlidhin Gjykatën Speciale dhe Forcat e Armatosura të Kosovës.

Nënkryetari i Kuvendit nga radhët e Lëvizjes Vetëvendosje, Glauk Konjufca, ka thënë se Gjykata Speciale për Krime Lufte është e dëmshme dhe ajo nuk do të mbështetet nga forcat opozitare.

“Për shkak të kundërshtimeve të Beogradit dhe të Listës Serbe e cila është në Qeverinë e Kosovës dhe e cila ka hyrë aty me kushte të caktuara, mendoj se ata (Lista Serbe) e kanë si kusht që së pari të krijohet një tribunal i veçantë ku persekutohet Ushtria Çlirimtare e Kosovës e pastaj të shikojmë se si do t’ia bëjmë me krijimin e Ushtrisë së Kosovës”, ka thënë Konjufca.

Ndaj vlerësimeve të deputetëve opozitar ka reaguar deputeti i Partisë Demokratike të Kosovës, Adem Grabovci, duke thënë se asnjë gjykatë nuk do të mund të njollos luftën e drejtë të UÇK-së.

“Ne nuk kemi nevojë të frikësohemi prej askujt. Ne jemi në të drejtën tonë. Askush nuk e njeh vetveten më mirë sesa e ai vet. Ne jemi dëshmitarë të drejtpërdrejtë të së kaluarës sonë dhe luftës sonë të lavdishme”, është shprehur Grabovci.

Themelimi i Gjykatës Speciale për Krime Lufte mbështetet edhe nga partia tjetër në koalicionin qeverisës, Lidhja Demokratike e Kosovës.

Deputeti i LDK-së, Ismet Beqiri, ka theksuar se kjo Gjykatë do t’i heq disa dyshime që janë ngritur për luftën në Kosovë.

“Asnjë gjykatë dhe asnjë instancë nuk mund ta devalvojë dhe denigroj luftën e Ushtrisë Çlirimtare të Kosovës. Unë e kam thënë se ne do të votojmë pro-gjykatës dhe duhet që këto çështje që kanë ngritur të spastrohen”, ka deklaruar Beqiri.

Themelimi i Gjykatës Speciale për Krime Lufte, fillimisht kalon përmes amandamentimit të Kushtetutës së Kosovës me dy të tretat e votave të të gjithë deputetëve të Kosovës dhe dy të tretat e votave të deputetëve nga radhët e pakicave.

Kjo Gjykatë pritet që të hetojë dyshimet e supozuara në raportin e Këshillit të Evropës lidhur me pretendimet e senatorit zviceran Dick Marty për trafik organesh të disa civilëve serbë nga ana e disa ish-pjesëtarëve të Ushtrisë Çlirimtare të Kosovës të cilat u hetuan më pas nga një Task Forcë speciale ndërkombëtare. (rel)