Si Shqipëria dhe Kosova renditen të fundit në Evropë (pa përfshirë vendet e ish-Bashkimit Sovjetik) për të ardhurat për frymë, sipas të dhënave të fundit të Fondit Monetar Ndërkombëtar, që ka përditësuar shifrat në “Pasqyrën Ekonomike Globale” të tetorit 2018.

Për vitin 2018, Shqipëria vlerësohet të ketë të ardhura për frymë prej 5261 dollarësh, në vend të 102 nga 191 shtete, duke u përmirësuar me katër vende në raport me 2017-n, kur ishte në pozicionin e 106. Kosova, me të ardhura prej për frymë prej 4324 dollarësh, renditet e 112-a.

Në rajon, të ardhurat më të larta i ka Mali i Zi, me  8,644 dollarë për frymë, duke u renditur e 79-a në botë, e ndjekur nga Serbia me  6,815 dollarë (vendi 88); Maqedonia, me 5,953 dollarë (95) dhe Bosnjë Hercegovina me  5,704 dollarë (e 100).

Prej vitesh Shqipëria, një vend i bekuar me shumë pasuri natyrore e pozicion të lakmueshëm gjeografik, nuk po arrin që të rrisë të ardhurat me ritme më të shpejta se fqinjët dhe shtetet e zhvilluara të BE-së (i ashtuquajturi procesi i konvergjencës), duke mbetur më e varfra në Evropë, se bashku me Kosovën.

Nivelin më të lartë të PBB-së për frymë në rajon e ka Mali i zi, sa 45 për qind e mesatares së BE-së. Pas Mali të Zi, renditet Serbia dhe Maqedonia, ku të ardhurat për frymë janë sa 37 për qind e mesatares europiane.

Edhe për Konsumin Aktual Individual (ACI), një tregues i mirëqenies materiale të familjeve në Evropë, Shqipëria është e fundit, me 37 për qind të mesatares së Bashkimit Evropian. Nivelin më të larte të këtij treguesi në rajon e ka Mali i Zi, ku Konsumi Aktual Individual është sa 56 për qind e mesatares se BE-se (dyfish më shume se Shqipëria). Më pas renditet Serbia, ku treguesi ACI është sa 47 për qind e mesatares europiane. Maqedonia dhe Bosnja kane të njëjtin nivel të treguesit të Konsumit aktual Individual më 41 për qind.

Shteti që ka të ardhurat për frymë më të lartat në botë është Luksemburgu, me rreth 114 mijë dollarë të vlerësuara për 2018-n, sipas shifrave të FMN-së.

Në vend të dytë është Zvicra, me 83.5 mijë dollarë, e ndjekur nga Norvegjia me 82 mijë dollarë, Makao në Kinë me 81.5 mijë, Islanda me 75.7 mijë dollarë.

Më pas në listë renditen Irlanda, Katari, Shtetet e Bashkuara, Singapori dhe dhjetëshja mbyllet nga Danimarka, shkruan ‘monitor’.

Në kontrast, shtetet me të ardhura më të ulëta për frymë janë Burundi dhe Sudani i Jugut, me rreth 307 dollarë për frymë, raporton Kosova Press.

Top Channel

Dorëheqja e ministrit të Brendshëm, Fatmir Xhafaj, u bë e ditur të shtunën (27.10) nga një njoftim i kryeministrit Edi Rama, në median sociale, që bën me dije, se ka pranuar dorëheqjen e ministrit të Xhafaj.

Nga postim i kryemnistrit të Shqipërisë, Edi Rama duket se arësye për dorëheqjen e ministrit të Brendshëm, Fatmir Xhafaj,  është kërkesa për  “shpejtësi, energji dhe rezultate të reja”. Kryemnistri Rama njofton në postimin e tij, se në vend të Fatmir Xhafajt është emëruar Gjenerali Sandër Lleshi, për të cilin  Rama shkruan, se “do të sjellë një energji  të  re, pozitive në krye të Punëve të Brendshme. Tani duhet  rritur shpejtësia dhe duhen arritur rezultate edhe më domethënëse.”

Ministri i ri i Punëve të Brendshme i kualifikuar në Gjermani

Gjenerali Sandër Lleshi, që do të jetë tani ministër i Brendshëm në Shqipëri, ka kryer kualifikime  të larta  ushtarake në Gjermani. Ai ka qënë Atashe Ushtarak në Ambasadën e Shqipërisë në Berlin, nga viti 2003-2006.  Më herët ka përfunduar kursin e avancuar të gjuhës gjermane në  Institutin Federal të Gjuhëve, (Bundessprachenamt) , kursin e  Shtabit të Përgjithshëm dhe kursin e Sigurisë Europiane në Akademinë e Drejtimit, në Hamburg. Gjeneral Lleshi ka kryer edhe  Seminarin e Lartë  Ekzekutiv në Qëndrën për Studime të Sigurisë Europiane George C. Marshall , në Garmisch  Partenkirchen, në Gjermani.

Xhafaj një nga arkitektët e reformës në Drejtesi. Pse dha dorëheqjen?

Dorëheqja e Fatmir Xhafës nga posti i ministrit të Brendshëm vjen e papritur.  Vetëm një javë më parë Policia e Shtetit , strukturë e Ministrisë së Brendshme, zhvilloi me sukses Mega-Operacionin e parë në Shqipëri për nga përmasat dhe rezultatet:  në 12 qytete të Shqipërisë, në të njëjtën kohë, u arrestuan anëtarët e 4 grupeve kryesore kriminale të trafikut të drogës, që bashkëpunonin mes tyre si një organizatë kriminale. U shkatërrua laboratori i përpunimit  të heroinës, në Has, të qarkut  të Kukësit. U arrestuan dy ish-deputetë socialistë, Arben Ndoka dhe Arben Çako, për bashkëpunim me  krimn e organizuar të trafikut të drogës. Pse dha dorë heqjen Fatmir Xhafaj pas suksesit të fundit? Kjo mbetet ende e panjohur. Vet të ish-ministri Xhafaj, në një pronocim për mediat, të shtunën  (27.10)paradite nuk dha  asnjë shkak për dorëheqjen e tij. “Sfidat kanë qënë tepër të mëdha , por jam krenar që në krye të një ekipi  me integritet dhe përkushtim në Ministrinë e Brendshme dhe Policinë e Shtetit, kemi arritur suksese shumë të rëndësishme në forcimin e rendit dhe sigurisë në vend, disa prej  të cilave, të konsideruara të pamundura për vite të tëra”, tha Fatmir Xhafaj.

Në Maj të këtij viti, Xhafaj hodhi poshtë kërkesën e opozitës për të dhënë  dorëheqjen, që pretendonte se ai kishte fshehur dënimin e vëllait  të tij, Agron Xhafaj, në vitin 2002  në Itali për trafik droge dhe e kishte mbrojtur nga drejtësia në Shqipëri, ku i vëllai ishte ekstraduar  nga autoritetet italiane.

Para marrjes së postit të Ministrit të Brendshëm në shtator 2017, në qeverinë Rama 2, Fatmir Xhafaj, si kryetar i komisionit  të ligjeve ka qënë një nga arkitektët e reformës në drejtësi, kushtit kryesor të BE për hapjen e negociatave të pranimit me Shqipërinë.

Opozita e konsideron dorëheqjen e Fatmir Xhafës si: “hap të rëndësishëm të përpjekjeve të sa për të pastruar politikën nga krimi”.  Kryetari i PD, Lulzim Basha, shkruan në median sociale se: “largimi i Fatmir Xhafës është fillimi i shkërmoqjes së bashkëqeverisjes së Edi Ramës me krimin”. (dw)

Andreas Scheuer, ministër i Transportit dhe Infrastrukturës Dixhitale të Republikës Federale të Gjermanisë, përfundoi të premten ( 26.10.2018 ) një vizitë zyrtare, një ditore, në Tiranë.

Gjermania dhe Shqipëria konfirmojnë interes ë përbashkëtë për të thelluar bashkëpunimin në infrastrukturë dhe energji, kjo doli në ,pah gjatë vizitës në Tiranë (26.10) të ministrit gjerman të Transpportit dhe Infrastrukturës Dixhitale të Republikës Federale të Gjermanisë, Andreas Scheuer. Ministri nga Gjermania zhvilloi takime me homologun shqiptar, Damian Gjiknuri, ministër i Infrastrukturës dhe Energjisë si edhe me presidentin, Ilir Meta.

Gjermania mbetet partner i rëndësishëm i Shqipërisë 

Burime zyrtare nga Ministria e Infrastrukturëss dhe Energjisë, në Tiranë, citojnë ministrin gjerman, Scheuer të ketë vlërësuar potencialet e Shqipërisë për investitorët gjermane.,

“Gjermania vazhdon të mbetet një partner mjaft i rëndësishëm i Shqipërisë. Ajo ka përvojën dhe investitorë të rëndësishëm. Gjermania është një donator i rëndësishëm i Shqipërisë në mënyrë të vetëdijshme, sepse shikon potenciale të mëdha që ky vend ofron në sektorin e ekonomisë, energjisë, bujqësisë dhe sigurisht të turizmit. Në të gjithë këta sektorë nevojitet infrastruktura e nevojshme”, theksoi ministri gjerman Scheuer në takimin me homologun shqiptar, Damian Gjiknuri,

Shqipëria fton biznesin gjerman të zhvillojë infrastruktutën aero-portuale në vend

Zhvillimi i infrastrukturës dixhitale është një nga prioritetet aktuale të Shqipërisë. Zyra e shtypit në Ministrinë e Infrastrukturës dhe Energjisë, në Tiranë, citon mnistrin Damian Gjiknuri të ketë thënë që bisedimet me ministrin gjerman, Andreas Scheuer ” u fokusuam në bashkëpunimin e  Shqipërisë në fushën e infrastrukturës dixhitale. Jemi duke diskutuar  disa projekte të përbashkëta, pasi egziston interesi i kompanive gjermane për të zhvilluar infrastrukturën aero-portuale në Shqipëri. I kërkova ministrit Scheuer të ftojë kompanitë gjermane në potencialet e mundshme që do të hapen në zhvillimin e kësaj infrastrukture aeroportuale sidomos në jug të Shqipërisë, Çdo kompani gjermane që vjen këtu është një besim dhe një forcë për zhvillimin e ekonomisë shqiptare, një garanci për të ardhmen” , citohet të ketë thënë Ministri, Damian Gjiknuri

Edhe ministri gjerman, Scheuer i ka vlerësuar “shumë të rëndësishme edhe për Gjermaninë” diskutimet për zhvillimin e transportit në Shqipëri. „Dëshirojmë që Shqipëria të shënojë zhvillime të mëtejshme jo vetëm përsa i përket proceseve integruese në Bashkimin Europian, ku Gjermania sigurisht ofron mbështetjen e vet, por dëshirojmë që të mbështesim këtë zhvillim edhe në interes të vetë Gjermanisë. Ne bashkëpunojmë shumë mirë me njëri –tjetrin,” tha në Tiranë, Andreas Scheuer.

Interes për ardhjen e biznesit gjerman për të investuar në infrastrukturën dhe transportin e Shqipërisë shprehu edhe presidenti Ilir Meta, në takimin me ministrin gjerman Scheuer. Meta citohet nga zyra e shtypit në Presidencë, se: “Ekonomia dixhitale dhe teknologjia e informacionit janë bazat e një modeli ekonomik, ku Shqipëria ka shumë për të mësuar nga eksperienca gjermane”.

Vizita e ministrit Andreas Scheuer në Tiranë, bëhet kur Shqipëria po planifikon zhvillimin e infrastrukturës për transportin ajror në Jug të vendit. Projektet janë për ndërtimin e  aeroporteve në Vlorë dhe Sarandë, zona me intensitet të lartë turizmi. Aeroporti i Vlorës do të ndërtohet në terrenin e ish-aerodromit ushtarak, që u përdor në vitet 1957-1990 për kursantët e shkollës së aviacionit, që stërviteshin aty për avionët MIG. Fjala është për një aeroport ndërkombëtar në Vlorë, më i madh se aeroporti “Nënë Tereza ” në Rinas, i cili vitin e kaluar pati 2,8 milionë pasagjerë. Ndërsa Aeroporti i Sarandës do të jetë turistik.

Këtë të enjte Kuvendi i Shqipërisë me 75 vota pro vendosi mbylljen më 31 dhjetor të këtij viti të lojërave të fatit. Për të folur për këtë vendim në studion e “Open” i ftua ka qenë ministri i Financave, Arben Ahmetaj, i cili theksoi një nga dy arsyet e këtij vendimi ka qenë edhe lufta kundër krimit.

Ahmetaj vuri në dukje se historia e lojërave të fatit ka qenë problematik ndër vite në Shqipëri dhe e cilësoi si të suksesshëm për kohën aksionin “Fundi i Marrëzisë” në 2013-ën.

Vendimi i sotëm historik. U vendos mbyllja e kazinove elektronike, bastet sportive, bastet për garat, sallat për bingot dhe lojërat online. Nuk ka asgjë të fshehtë, çdo gjë është publike. Historia e lojërave të fatit ka qenë ndër vite shumë e vështirë. Në 2013-tën pamë dhe certifikuam një situatë shumë të vështirë të lojërave të fatit. Aksioni “Fundi i Marrëzisë” në atë kohë ishte një sukses i plotë.

I pyetur nga Eni Vasili se përse lojërat e fatit nuk u mbyllën në 2013-ën, Ahmetaj u përgjigj se ka një reflektim shoqëror, por një fakt i rëndësishëm për marrjen e kësaj nisme këtë vit janë edhe raportimet nga agjencitë e inteligjencës, të vendit e të huaja, se një pjesë e lojërave të fatit kishin rënë në duart e krimit.

“Ka një reflektim shoqëror, ka një reaksion ndaj përhapjes së fenomenit dhe kthimit të tij në një plagë sociale. Një pjesë e lojërave të fatit ranë në duar që ishin të papërshtatshem, në duar të elementëve kriminale. Këtë e vumë re gjatë këtij viti, nga sondazhet, por edhe nga të gjitha institucionet e inteligjencës të vendit dhe të huaja, për terrenin që gjenin elementët kriminalë në Lojërat e Fatit. 2018-ta kulmoi në atë angazhim që ka qeveria edhe në luftën kundër krimit. Mos e shikoni thjesht si një mbyllje e një industrie, por ta shohim edhe si një reflektim të qeverisë. Ka dy korsi kryesore, njëra është pjesa sociale dhe pjesa tjetër është lufta kundër krimit”, u shpreh Ahmetaj.

Top Channel