Arkivi mujor: Qershor 2019

Shqipëria

Gjermania: 2 milionë euro asistencë teknike Shqipërisë për negociatat me BE

Komento

DE ALNënshkruhet marrëveshja ndërqeveritare Gjermani-Shqipëri për ofrimin nga Gjermania të asistencës teknike për të mbështetur përgatitjet e Shqipërisë për negociatat e anëtarësimit në BE.

Mes Qeverisë shqiptare dhe asaj Gjermane u nënshkrua në Tiranë, të mërkurën, (26.06.2019) marrëveshja për ofrimin nga Gjermania të asistencës teknike për të mbështetur përgatitjet e Shqipërisë për negociatat e anëtarësimit në BE, në kapituj të përzgjedhur ekonomikë të Acquis.

Në një deklaratë për mediat të Ambasadës Gjermane në Tiranë, bëhet me dije se programi i asistencës teknike ka një vlerë prej 2 milionë eurosh dhe zgjat tre vjet. Ai financohet nga Ministria Federale Gjermane për Bashkëpunim dhe Zhvillim dhe zbatohet nga GIZ, (Deutsche Gesellschaft für Internationale Zusammenarbeit, Shoqata Gjermane për Bashkëpunim Ndërkombëtar).

Asistencë teknike në 4 kapituj kryesorë ekonomikë

Synimi i asistencës teknike, thekson deklarata e Ambasadës Gjermane në Tiranë, është “të pajisë, anëtarët e strukturave të ardhshme përgjegjëse për negociatat e Shqipërisë, me aftësitë dhe njohuritë e nevojshme për të kryer negociatat e anëtarësimit në BE në katër kapitujt kryesorë ekonomikë.”

Kapitujt në fjalë kanë të bëjnë me cilësinë dhe garantimin e sigurisë së produkteve në treg, mbrojtjen e shëndetit dhe të drejtave të konsumatorëve, zhvillimin e konkurrueshmërisë së ndërmarrjeve të vogla dhe të mesme, mundësimin për shoqëritë tregtare dhe individët për t‘u vendosur apo ofruar shërbime lirisht dhe pa u diskriminuar kudo në BE.

Përtej 4 kapitujve të sipërpërmendur marrveshja ofron mbështetje për të avancuar në punën përgatitore të nevojshme për përmbushjen e kritereve të kërkuara në këta kapituj.

Rritje e pjesëmarrjes së shoqërisë civile – në zbatimin e marrveshjes

Marrëveshja ndërqeveritare Gjermani – Shqipëri synon edhe rritjen e pjesëmarrjes së organizatave të shoqërisë civile në procesin e përgatitjes për happen e negociatave. Sipas deklaratëss për shtyp të Ambasadës Gjermane në Tiranë, kjo do të realizohet përmes lehtësimit nga pala gjermane të  “konsultimeve dhe tryezave të diskutimeve me përfaqësues të komunitetit të biznesit, shoqatave të konsumatorëve dhe aktorëve të tjerë joshtetërorë”.

“Si një ofrues shërbimi me mbi 50 vjet eksperiencë në fushën e bashkëpunimit ndërkombëtar për zhvillim të qëndrueshëm, GIZ është përkushtuar në formësimin e një të ardhmeje të denjë për t’u jetuar në mbarë botën”, vë në dukje deklarata. Ekspertiza e GIZ mbulon një larmi fushash, duke përfshirë zhvillimin ekonomik dhe nxitjen e punësimit, energjinë dhe mjedisin, paqen dhe sigurinë. “GIZ  kërkohet në të gjithë globin – që nga Qeveria Gjermane, institucionet e Bashkimit Evropian, Kombet e Bashkuara, sektori privat deri tek  qeveritë e shteteve te tjera”, bën me dije deklarata e Ambasadës Gjermane në Tiranë.

GIZ në Shqipëri – projekte me vlerë 200 milionë Euro

Bashkëpunimi midis Republikës Federale të Gjermanisë dhe Shqipërisë filloi në vitin 1988. Gjatë këtyre viteve, GIZ ka realizuar projekte prej rreth 200 milionë euro. Bashkëpunimi me Qeverinë Shqiptare aktualisht është fokusuar në tre fusha prioritare: zhvillimi i qëndrueshëm ekonomik; uji, ujërat e zeza, mbetjet e ngurta dhe në një masë më të vogël efiçienca e energjisë, thekson deklarata për shtyp e >Ambasadës Gjermane në Tiranë.

dw

Shqipëria

Shqipëri: Këshilli i Evropës anulon vëzhgimin e Lokaleve 2019

Komento

flamujt e BEKëshilli i Evropës flet për paqartësi për organizimin e zgjedhjeve e mungesë sigurie. Kryetari i PD, Lulëzim Basha e sheh këtë një vendim politik, për t’u distancuar nga votimet farsë.

Këshillit i Europës (KiE) anuloi të mërkurën, (26.05.2019) në momentin e fundit, dërgimin në Shqipëri të delegacionit nga Kongresi i Autoriteteve Lokale, për vëzhgimin e zgjedhjeve lokale, që pritet të zhvillohen këtë të dielë më 30 qershor.

Anulimi vjen një ditë pas deklaratës së Presidentit Meta se „ ligjërisht nuk do të ketë zgjedhje më 30 qershor”.

Por zhvillimi i Lokaleve 2019  në Shqipëri, në prag të 30 qershorit, sa vjen dhe bëhet fakt real. Mazhoranca socialiste dhe partitë opoziatare parlamentare po vazhdojnë fushatën zgjedhore deri në ditën e heshtjes zgjedhore, 24 orë para ditës së zgjedhjeve. Ndërkohë, opozita jashtë sistemit politik, e kryesuar nga Partia Demokratike(PD) vijon të deklarojë e do të pamundësojë zhvillimin e zgjedhjeve. Një situatë e tillë sjell paqartësi dhe ngre pyetjen:  A do të ketë apo nuk do të ketë zgjedhje më 30 qershor? Pikërisht kësaj paqartësie dhe rreziqeve që mbart ajo i referohet KiE në vendimin e sapomarrë..

Në njoftimin e tij zyrtar KiE bën me dije se „ ka vendosur të mos dërgojë një delegacion të Kongresit të Autoriteteve Lokale të KiE, për vëzhgimin e zgjedhjeve lokaleve në Shqipëri për shkak të paqartësisë së vazhdueshme lidhur me organizimin e zgjedhjeve lokale në Shqipëri më 30 qershor si edhe rreziqet e mundshme të sigurisë në zona të caktuara ku do të mbahen zgjedhjet.”

Ndërkohë misioni i vëzhguesve ndërkombëtarë të OSBE/ODIHR-it, i ftuar nga qeveria e Tiranës, për vëzhgimin e procesit zgjedhor për Lokalet 2019,  më 30 qershor, vazhdon punën, i drejtuar nga Ambasadorja Audrey Glover.

Basha: Vendim politik i KiE për t’u distancuar nga votimet farsë

Lideri i PD dhe opozitës, Lulzim Basha e quajti anulimin nga KiE të dërgimit në Shqipëri të delegacionit vëzhgues, „sinjalin e parë, të qartë dhe të prerë se 30 qershori nuk është ditë zgjedhjesh në Shqipëri”.

Në një konferencë shtypi,  të mërkurën pasdite, Basha tha se „vendimi i KiE është fakt kuptimplotë se në 30 qershor nuk ka zgjedhje në Shqipëri.”

Sipas tij vendimi në fjalë është „distancim i qartë për votimet farsë, një partiake, antidemokratike dhe antikushtetuese që kërkon të bëjë kryemnistri Rama”

Basha i quajti votimet në 30 qershor „ tentativë për grusht shteti nga Rama” dhe përsëriti se opozita nuk do t’i lejojë votimet këtë të diel.

Miratohet ngritja e komisioni hetimor për shkarkimin e Presidentit Meta

Paqartësisë me thënie dhe kundërthënie për zhvilimin e zgjedhjeve më 30 qershor, iu shtua të mërkurën  edhe potenciali i një krize presidenciale. Komisioni parlamentar i Ligjeve miratoi propozimin e Parlamentit për ngritjen e komisionit hetimor për Presidentin Meta, për të hetuar atë që maxhoranca socialiste e konsideron, “shkelje të Kushtetutës” me dekretin e nxjerrë nga Presidenti Meta para dy javësh, që anulon 30 qershorin, si datë të zhvillimit të zgjedhjeve lokale 2019.

Sipas Komisionit të Ligjeve, Presidenti Meta ka cënuar parimin e zhvillimit periodik të zgjedhjeve, parimin e ligjshmërisë dhe të së drejtës së qytetarëve për të zgjedhur dhe për t‘u zgjedhur. Në seancën plenare të javës që vjen, më 4 korrik, ngritja e komisonit hetimor për shkarkimin e Presidentit Meta do të votohet në Parlament.

Procedura vijon me gjetjet e komisionit hetimor që i paraqiten Parlamentit. Nëse Parlamenti merr vendim për shkarkimin e Metës, fjalën vendimtare e ka Gjykata Kushtetuese që miraton ose hedh poshtë vendimin e Parlamentit. Gjykata  Kushtetuese nuk funksionon prej disa muajsh në Shqipëri, pasi ende mungojnë kandidaturat për të zëvendësuar gjykatësit konstitucionalistë, që reforma në drejtësi i  nxorri jashtë sistemit përmes vettingut. Por qeveria Rama, maxhoranca socialiste dhe Brukseli që asiston Shqipërinë në ngritjen e institucioneve të reja të Drejtësisë së reformuar deklarojnë qe Gjykata Kushtetuese do të jete funksionale së shpejti.

dw

Maqedonia

Shkup, debat në parlament për ndryshimet në kabinetin qeveritar

Komento

Talat ZaevNë parlamentin e Maqedonisë së Veriut ka nisur debati për ndryshimet në kabinetin qeveritar të kryeministrit Zoran Zaev. Por ende nuk është arritur të votohet shkarkimi i ministrave të cilët nuk do të jenë më pjesë e kabinetit, për t’i lënë radhën debatit mbi emrat e rinj të propozuar nga kryeministri maqedonas.

Propozimi i zotit Zaev që vetë ta drejtojë edhe ministrinë e Financave për një kohë të caktuar ka hasur në reagime të ashpra nga opozita maqedonase, ndërkohë që Komisioni për pengimin e korrupsionit e ka paralajmëruar Kryeministrin Zaev se sipas ligjit, bartja e dy funksioneve nga një individ paraqet konflikt interesash.

Si rrjedhojë, Zoran Zaev gjatë një fjalimi në parlament tha se do të tërhiqet nga planet për ta drejtuar edhe ministrinë e Financave, por pa propozuar një emër, kandidat për ministër i cili do të ulej në krye të këtij resori më të rëndësishëm qeveritar.

“Patjetër të dëgjohet opozita dhe Komisioni antikorrupsion, i cili dërgoi mesazhe serioze”, u shpreh Kryeministri Zoran Zaev.

Deputetët opozitarë të VMRO-DPMNE-së bënë kritika të ashpra ndaj kryeministit dhe qeverisë së tij lidhur me mburrjen, siç thanë ata, për rritjen ekonomike vitin e fundit, ndërsa këmbëngulën me pyetjet e shtruara atij se pse po e ndryshonte ministrin e Finanacave Dragan Tevdovski nëse gjendja ekonomike ishte përmirësuar dukshëm, siç thotë zoti Zaev. Opozita e ka quajtur një masë populiste atë të ndryshimeve në kabinetin qeveritar, ndërkohë që edhe në opinionin publik ka pasur mjaft kritika nga analistët, sipas të cilëve duheshin bërë ndryshime rrënjësore, të largoheshin ministrat e dyshuar për korrupsion e shpërdorim tenderash dhe jo ministri i Financave.

Nga qeveria do të largohen edhe Hazbi Lika, i cili drejtonte Sekretariatin për zbatimin e Marrëveshjes së Ohrit, por që rreth një vit nuk shkonte në punë; Lupço Nikollovski i Bujqësisë, i emëruar rishtazi për Sekretar organizativ të Lidhjes Social Demokrate në pushtet, Suhejl Fazliu i Pushtetit lokal, Zoran Shapuriq i Partisë Liberal Demokrate i cili ishte pa portofol, ndërkaq Sadulla Duraku i BDI-së e lë Ministrinë e Ambientit jetësor dhe e merr në drejtim atë të Sistemit Politik, një ministri e krijuar së fundmi si zëvendësim i Sekretariatit për Marrëveshjen e Ohrit. Në krye të ministrisë së Ambientit vjen Naser Nuredini, djali i biznesmenit Haki Nuredini nga Vjena. Pushtetin vendor do ta drejtojë Goran Milevski, kryetar i Partisë Liberal Demokrate, duke lëshuar njëkohësisht mandatin e tij të deputetit. Ministria e Bujqësisë i besohet Trajan Dimkovskit, (LSDM) një kuadër nga brenda ministrisë. Hysni Ismaili nga partia shqiptare Alternativa do ta zërë vendin bosh të ministrit të Kulturës, pasi disa javë më parë Asaf Ademi dha dorëheqjen nga ky post për shkaqe shëndetësore, siç pati thënë vetë.

Rioraganizimi i kabinetit qeveritar ka shqetësuar partinë Rilindja Demokratike Kombëtare, kryetari i së cilës, Vesel Memeti paralajmëroi se do të dorëhiqej nga posti i nën-kryetarit të parlamentit për shkak se iu mor ministria e Pushtetit vendor. Zoti Memeti ka paralajmëruar po ashtu se mund të largohej edhe nga posti i deputetit. Në atë rast vendi i tij do të plotësohej nga një përfaqësues i Aleancës për Shqiptarët, me të cilën ishin në koalicion gjatë zgjedhjeve të fundit parlamentare.

Miratimi i ndryshimeve në kabinetin qeveritar kërkon shumicën prej 61 votash në parlament dhe kjo mund të mos bëhet të mërkuren për shkak të listës së gjatë të ligjvënësve për pjesëmarrja në debat.

voa

Shëndeti

Trump nënshkruan urdhër ekzekutiv për kujdesin shëndetësor

Komento

TrumpPresidenti amerikan Donald Trump ka nënshkruar një urdhër ekzekutiv për të bërë transparente kostot e shërbimit në spitale. Presidenti tha se urdhëri i tij do të rrisë cilësinë e shërbimit dhe do të ulë koston e sistemit shëndetësor.

Presidenti tha se urdhëri ekzekutiv, që u kërkon spitaleve të bëjnë publike çmimet, do të çojë përfundimisht në kosoto më të ulët.

“Çmimet do të ulen me shifra të pabesueshme. Më shumë transparencë tek çmimet do të thotë më shumë konkurencë dhe kostoja e kujdesit shëndetësor do të ulet shumë.”

Në bazë të urdhërit ekzekutiv, pacientët duhet të vihen në dijeni që në fillim se sa pritet të jetë fatura dhe të gjitha shpenzimet e shërbimit në spital. Por për shkak të procesit komples të hartimit të rregullave të reja për urdhërin ekzekutiv të presidentit, mund të duhen vite para se pacientët të shohin ndryshime apo listë çmimesh në spitale. voa

Analiza, Bota

100 vjet më parë: Traktati i Versajës

Komento

Traktati i VersajesGeorge (angli), Clemenceau (France), Orlando (Itali) dhe Wilson (ShbA) – Etërit e Traktatit të Versajës

Armët kishin pushuar qysh në nëntorin e vitit 1918, por Lufta e Parë Botërore u mbyll zyrtarisht shtatë muaj më pas. Gjermania i quajti të padrejta vendimet e marra, por i miratoi me protesta të mëdha.

Shpresat e Philipp Scheidemann për rrethana lehtësuese mbetën të paplotësuara. Kancelari i shquar i Gjermanisë, i cili kishte dalë nga revolucini, i konsideronte të papranueshme vendimet e marra në Konferencën e Paqes në Paris. “Cila do të ishte ajo dorë që nuk do të ishte tharë nëse do ta vinte vendin në pranga të tilla?”, thoshte socialdemokrati. Scheidemann, i cili më 9 nëntor 2018 kishte shpallur Republikën e Vajmarit. Ai përshkruante me këto fjalë gjendjen mbisunduese në vendin  e tij.

Traktati i Paqes rezultoi si një hipotekë e rëndë për demokracinë e re. Rajhu gjerman ishte i detyruar të paguante miliarda si reparacione lufte, humbi kolonitë në Afrikë, Azi dhe Oqeanin Paqësor dhe duhej t’u  dorëzonte shteteve të tjera edhe 13 përqind të territorit: Alsace-Lorraine shkoi në Francë, një pjesë e madhe e Prusisë perëndimore iu dhanë Polonisë. E veç kësaj, fuqitë fitimtare të udhëhequra nga Shtetet e Bashkuara, Britania e Madhe, Franca dhe Italia, i shpallën Gjermaninë dhe aleatët e saj përgjegjësit e vetëm për luftën. Ata i kishin “detyruar” kundërshtarët e tyre të futeshin në luftë dhe ishin përgjegjës për “të gjitha humbjet dhe dëmet e tyre”.

Gjermania detyrohet të nënshkruajë

Më 28 qershor 1919, u vulos Traktati i Paqes në Pallatin e Versajës, pranë Parisit, pa nënshkrimin e kancelarit gjerman, Scheidemann, i cili sapo kishte dhënë dorëheqjen. Por Gjermania u detyrua më pas ta nënshkruante, edhe pse nuk pajtohej fare me të. Fituesit e luftës e kishin kërcënuar se do ta pushtonin me trupa.

Renania ishte tashmë e pushtuar që nga armëpushimi i 11 nëntorit 1918. Për shkak të kushteve të ashpra të Traktatit të Versajës, në perceptimin gjerman ishte një “paqe e diktuar”. Historiani nga Marburgu, Eckart Conze, thotë se gjermanët nuk u përfshinë fare në bisedimet e paqes dhe nuk kishin fare gisht në hartimin e traktatit.

Protesta Berlin kunder VersajesProtesta kundër Traktatit të Versajës në Berlin, 1919

Edhe pse Gjermanisë iu vunë kushte të vështira, ajo mundi të mbetej një shtet komb i fuqishëm në mes të Evropës. Përveç kësaj, reparacionet e vendosura në fillim u modifikuan për shkak të paaftësisë së Gjermanisë për të paguar. Gjermania arriti ta ulë shumën prej 132 miliardë Markash që vendosën fuqitë fitimtare në vitin 1921 deri në 36 miliardë. Në vitin 1932 pagesat u pezulluan komplet për shkak të Krizës Botërore, kujton Conze, një moment së paku pozitiv ky për Gjermaninë.

Djathtistët dhe Hitleri

Kundërshtarët djathtistë të Republikës e përdorën Traktatin e Versajës si një instrument “për të luftuar demokracinë dhe për ta shkatërruar atë”, thotë Conze. Vrasjet politike nuk ishin të rralla. Viktima më e famshme ishte Ministri i Jashtëm, Walter Rathenau, i cili u qëllua në 1922 nga ekstremistët e krahut të djathtë në Berlin. Për ta  liberaldemokrati ishte një simbol i urryer i të ashtuquajturës “politikë të përmbushjes” kundër fuqive fitimtare të Luftës së Parë Botërore.

Traktati i Versajës nuk e realizoi dot shpresën për paqe të qëndrueshme. Me ardhjen në pushtet të Adolf Hitlerit, koha e vetëpërmbajtjes së gjermanëve mori fund. Nazistët u armatosën, megjithëse nuk u lejohej, dhe krijuan aleanca të reja me vende fashiste si Italia dhe Spanja. Politika paqësuese e Britanisë nuk pati rezultat. Shtetet e Bashkuara të Amerikës nuk luanin më një rol aktiv në Evropë. Dhe Lidhja e Kombeve, e themeluar nën Traktatin e Paqes, u tregua shumë e dobët për të parandaluar katastrofën e ardhshme globale.

Conza thotë se së paku, pas Luftës së Dytë Botërore, u nxorën mësime më të mira: nën udhëheqjen e SHBA-ve u krijuan “organizata shumëpalëshe dhe një sistem ndërkombëtar me bazë rregullash”. Ky rend duket se u përhap në të gjithë botën pas rënies së Murit të Berlinit në vitin 1989 dhe në fund të Luftës së Ftohtë. “Sot, megjithatë, bota përballet me më shumë sfida se kurrë më parë.” Një nacionalizëm i ri dhe unilateralizëm, ushqyer nga populizmi dhe autoritarizmi, kërcënojnë stabilitetin e rendit ndërkombëtar. Presidenti francez Emmanuel Macron paralajmëron për “demonët e vjetër” të periudhës së dy luftërave, të cilët janë zgjuar sërish. “Kjo është një tjetër arsye pse ‘Versaja’ sërish na duket kaq afër” thotë Conze.

dw / Marcel Fürstenau

Konferenca e Paqes, Paris 1919, dhe Shqipëria

Me 18 janar 1919, filloi punimet Konferenca e Paqes e Parisit në një nga sallat luksoze të Ministrisë së Punëve të Jashtme të Frances. Konferenca e Paqes, e para e këtij lloji për nga formati i pjesëmarrësve dhe problemet që pritej të zgjidhte, u mblodh pas konfliktit të madh botëror 1914-1918. Fituesit e luftës u mblodhën për të vendosur një rregull të ri botëror që katastrofa të tilla mos të ndodhnin më. Për herë të parë mbërriti në Evropë Presidenti amerikan Wilson duke ballafaquar dy këndvështrime të ndryshme për rregullimet e pasluftës, atë amerikan mbështetur në 14 pikat e Willsoni ku spikaste parimi i vetvendosjes, dhe traditën e vjetër evropiane mbështetur në parimin e ruajtjes së ekujlibrave midis fituesve e shmangien e luftës. Në fakt në 20 vite filloi konflikti i dytë botëror duke nxjerrë në pah gabimet e vendimarrjes në Paris 1919. Zyrtarisht Konferenca e Paqes zgjati deri në vitin 1920, por në gjashtë muajt e parë të saj u morën vendimet kyçe dhe u vunë në lëvizje zinxhirët jetikë të ngjarjeve.
Në muajt që kaluan në Paris, në një hapësirë të re gjeopolitike të krijuar pas shembjes së 4 perandorive, paqbërësve iu desh; të vijëzonin kufij të rinj në hartën e Evropës, por edhe të mendonin për Azinë, Afrikën e Lindjen e Mesme, të përballeshin me nacionalizmat që lindën e u zunë vendin perandorive, të hartonin traktat paqeje me Gjermaninë, Austrinë, Hungarinë e Bullgarinë, por edhe të gjenin mjetet që të shmangnin një konflikt tjetër e të ofronin siguri kolektive. Një i tillë do të ishte krijimi i Lidhjes së Kombeve. Kryetari i Konferencës, kryeministri francez Klemanso, iu ankua një kolegu “ Eshtë shumë më e thjeshtë të bësh luftë se të bësh paqe”.
Shqipëria gjatë Luftës së Parë Botërore ishte kthyer në një shesh betejash midis paleve kundërshtare të cilat në fund të saj u ndanë në fitues e të humbur. Elita politike shqiptare u angazhua që atdheu i tyre të mos humbiste në pazaret e mëdha të Konferencës së Paqes, dhe të gjendej një mbështetës i madh dhe i interesuar për Shqipërinë midis Fuqive fituese të luftes. Më të interesuarat dhe simpatizante të pavarësisë së Shqipërisë ishin Italia dhe SHBA.
Në dhjetor 1918 nën kujdesin e Italisë, një ndër mbeshtetëset e pavarësisë së Shqipërisë në 1913, u krijua Qeveria e Përkohshme e Durrësit e cila do të dërgonte delegacionin e saj zyrtar si përfaqësuese në Paris, të kryesuar nga kryeministri Turhan Pasha. Në Paris mbërriti edhe një delegacion i kryesuar nga Esat Pasha në cilësinë e kryetarit të vetëshpallur të qeverisë shqiptare. Ky dualizëm në përfaqsim nuk i bënte dobi trajtimit të statusit të Shqipërisë i cili pas Luftës së Parë Botërore dhe ndryshimeve të ndodhura ishin vënë përsëri në diskutim. Në kryeqytetin francez, për të mbështetur qeverinë e Durrësit dhe të ardhmen e pavarësisë së Shqipërisë dhe kufijve të saj territorial, mbërritën edhe përfaqësues të kolonive shqiptare në SHBA, Rumani, Turqi, etj, të cilat herë pas here organizonin takime të përbashkëta me delegacionin zyrtar të Shqipërisë.
Në ceremonine e festimeve për Ditën e Pavarësisë së Amerikës, në 4 korrikut 1918, Fan Noli i ftuar si përfaqësues i shqiptarëve në Amerikë, arriti të takonte presidentin Willson dhe ti fliste për Shqipërinë dhe nevojën për mbështetje nga SHBA në Konferencën e Paqes. Pasi e dëgjoi me vëmendje Nolin, Willson u përgjigj “ Une do të kem një zë në Konferencën e Paqes dhe do ta përdor këtë zë edhe në emër të Shqipërisë”, .
Shqiptarët kudo ndodheshin, mbështetën platformën dhe qëndrimin e delegacionit shqiptar për rinjohjen e pavarësisë së Shqipërisë dhe paprekshmërinë se saj territoriale duke korrigjuar gabimet e së shkuarës. Ata demostruan kohezion e vitalitet, duke lënë mënjanë përkatësinë fetare e krahinore, duke demostruar në këtë mënyrë vlerat më të mira evropiane në mbrojtje të të drejtave të tyre .
Nga Konferenca e Paqes në Paris, Shqipëria doli pa një zgjidhje finale për çështjen e statusit të saj dhe kufijve tokësorë, por ama shpëtoi nga platformat copëzuese të trungut të saj të diskutuara në këtë Konferencë, e kjo falë mbështetjes së madhe të SHBA. Çështja shqiptare do të ridiskutohej përsëri në Konferencën e Ambasadorëve 1921, ku do të merrej vendimi final për Shqipërinë në kushte të reja pas krijimit të Lidhjes së Kombeve 1920.

punetejashtme.gov.al

Maqedonia

Babai i El Chekës Mustafa Ahmeti flet për TV21, “Erolld Musliu na njeh, por Sheqerimi s’i ka bombat prej tij”

Komento

 

Miqtë dhe përkrahësit e të birit të Mustafa Ahmetit, janë mbledh në njërën prej kafeterive skaj rektoratit në Tetovë, para se të nisen për protestën e paralajmëruar në mesditë, kundër siç thonë, Ali Ahmetit dhe Klanit të Zajazit.

Mustafa po rrin në krye vendi sepse i biri, Sheqerimi, që të gjithë e njohin si El Cheka, tash e sa javë përmes rrjeteve sociale po nxjerr përgjime të bisedave të Ali Ahmetit me vartësit e tij, për punë private por edhe të shtetit.

Baba i El Chekës, rrëfen për TV21 se mbrëmë ka ardh nga Shqipëria në Maqedoni për të treguar se s’ka asgjë personale mes El Chekës dhe kryetarit të BDI-së!

“E ke parasysh, në qoftë se është personale, Unë e kisha zgjidh problemin! Nuk është personale.

-Po thoni se s’është personale mes Sheqerimit dhe Ali Ahmetit?

“Jo, jo! Nuk ka personale! S’kemi ne asnjë gjë personale me askend o vëlla! Këto janë probleme gjithëkombëtare shqiptare”, thotë për TV21 i ati i El Chekës.

Kur pyetet se cila është e vërteta e Sheqerimit rreth publikimit të përgjimeve, Mustafa Ahmeti shpjegon motivin e të birit kështu:

“E vërteta e Sheqerimit…e vërteta e Sheqerimit, qëllimi jonë është të dekonspirojmë çdo shërbim të nëntokës që kanë vepruar me këto njerëz që sot janë instaluar-nëpërmjet LPK-së së dikurshme-janë instaluar brenda sistemit!”, rrëfen Mustafa për qëllimin e të birit që e bënë edhe të vetin njëkohësisht.

Me të birin shpjegon se fol por, më rrallë prej se ka nisur t’i publikojë përgjimet e bisedave telefonike ku protagonistë kryesor dëgjohen Ali Ahmetit me Musa Xhaferrin.

Mustafa Ahmeti rrëfen për TV21 se përgjimet që i ka i biri El Cheka, janë të njëjtat që i publikonte më 2015 Zoran Zaev, e që ia dorëzoj Katica Janevës prokurores speciale.

Por, këmbëngul se bombat nuk i kanë ra në dorë djalit të tij nga shefi i Shwrbimit tw Intelingjencws Erold Musliu, të cilin e ka bashkëfshatar në Tuhin të Kërçovës.

“…një katund, e pamundshme mos me u njoh secili mes vet!

“Ne me ato njerëz, me të atin e tij, kurrë nuk kemi pas marrëdhënie të mira! Baba i vet, Mehmet Musliu, me Rexhep Musliun, të atin që ka qenë kryetar i KOmitetit Qendror në ish sistemin Jugosllav. Një njëri që atëherë, s’e di a ju kujtohetnë vitet 85 e mbrapa që thoshte shqiptarët po përgatiten për Rezistencë kundër Jugosllavisë së atëhershme”, u shpreh Mustafa Ahmeti, babai i Sheqerim Ahmetit “El Cheka”.

“Erolld Musliu është njeri i shërbimeve shumë të hershme. Ka qenë edhe në kohën e Sasho Mijallkovit! Ne kemi të dhëna, e ke parasysh? Ky ka qenë ekzekutues edhe i shumë takimeve me këtë Grupin e Kumanovës, nëse don ta dish”, tha Mustafa Ahmeti, babai i Sheqerim Ahmetit “El Cheka”

-Po thoni se ka qenë i përfshirë në rastin e Kumanovës!

-Po edhe ka pas takime!

-Erolldi po thoni?

-Erolldi po, po!

Mustafa Ahmeti rrëfen se i biri Sheqerimi ka dy vjet që është shpërngul në Amerikë, ndërsa përgjimet thotë t’i kenë rënë në dorë pasi ka shkuar atje.

Kurse, për kërcënimet dhe telashet me partitë politike, pak flet, por në përgjithesi, baba i El Chekës, thotë se nuk i beson askujt, as pushtetit dhe as opozitës shqiptare.

“Telashet vazhdojnë! Telashet vazhdojnë…unë kam qenë 8 vjet i larguar nga këtu. Megjithëse me vendime të gjykatës. Me skenar të përgatitur në vitin 2010. 12 gusht të vitit 2010.

– Po por, pas publikimeve a po keni telashe! A ju ka thirrë dikush nga politika, ose kushdo për t’ju kërcënuar apo çkado?

-PO! Në fakt, kanë kërkuar takime, por me përgjegjës të partive politike nuk kam pranu.

-Kush u ka kërkuar takim?

-Disa parti kanë kërkuar të takohemi! Edhe në Shqipëri kanë ardh, edhe këtej. Unë në fakt u jam shmangur partive politike, sepse ky problemi i partive politike e njoh unë! Ne jemi vetëdijësuar. Partitë politike u intereson që të futet prapë në atë sistem.

-Mirëpo, pati parti politike që ju ka përkrah sot në protestë?

-Dëgjo, unë them se opozita shqiptare është e ngordhur! është e ngordhur. E vdekur. Le të thotë kushdo çkado!

rtv21

Maqedonia

Emrat e ministrave të rinj do të mësohen deri në fund të javës, më pas do të ndryshohen drejtorët

Komento

Qeveria-e-Maqedonisë-Propozimi i kryeministrit Zoran Zaev për ministrat e rinj nga rekonstruimi i paralajmëruar qeveritar duhet deri në fund të javës të dorëzohen në Kuvend, ndërsa propozimi të miratohet në javën e ardhshme.

Më së voni të martën deputetët do të duhet të votojnë për shkarkimin e tetë ministrave dhe po aq zëvendësministrave.

Më pas, Qeveria do të ndryshojë edhe mbi 20 drejtorë, por nuk dihet nëse me rekonstruimin do të preken edhe zëvendëskryeministrat.

Sipas informacioneve jozyrtare, Sadullah Duraku pritet të drejtojë ministrinë e re për Sistem Politik dhe Marrëdhënie Midis Bashkësive, e cila u krijua pas shpërbërjes së Sekretariatit për Zbatimin e Marrëveshjes së Ohrit./Telegrafi/

Kosova

Produktet e Kosovës në tregjet evropiane

Komento

Made in KosovaJo shumë biznese nga Kosova arritën që përmes lehtësirave që krijoi Marrëveshja e Stabilizim-Asociimit (MSA) të depërtojnë në tregun e gjerë të Bashkimit Evropian. Afaristë nga Kosova thonë se konkurrimi i produkteve nga Kosova me produktet e shteteve të zhvilluara, nuk është proces i lehtë.

MSA-ja, si marrëveshja e parë kontraktuale ndërmjet Kosovës dhe Bashkimit Evropian, ka hyrë në fuqi më 1 prill të vitit 2016. Kjo marrëveshje u hapi rrugë bizneseve të Kosovës, në veçanti atyre prodhuese për pjesëmarrje aktive në tregun prej 500 milionë banorësh.

Disa nga bizneset prodhuese në Kosovë, të cilat veçse ishin të pranishme në tregun evropian edhe para nënshkrimit të kësaj marrëveshjeje arritën të zgjerohen edhe në tregjet e vendeve tjera të Bashkimit Evropian, e disa vazhdojnë të ruajnë vetëm tregjet që i kishin para MSA-së.

Teuta Kurshumlija, menaxhere e shitjes në kompaninë ‘Stone Castle’ në Rahovec, kompani kjo e cila merret me prodhimin e rrushit dhe pijeve alkoolike, thotë për Radion Evropa e Lirë se MSA-ja nuk ka pasur ndonjë efekt të madh në shtrirjen e tyre në tregjet evropiane.

Ajo tregon për një konkurrencë të madhe në tregun evropian dhe vështirësitë e depërtimit në këtë treg.

“Ne kemi eksportuar në tregun e BE-së edhe para MSA-së, si në Kroaci, Zvicër dhe Gjermani, po ashtu në tregun e Anglisë kemi qenë në një kohë, eksportojmë edhe në Norvegji dhe jemi në diskutim e sipër për në Finlandë. MSA-ja nuk është se ka pasur ndonjë efekt në rritjen e eksportit. Bashkimi Evropian do të duhej të ndihmonte Kosovën në promovimin e produkteve në emër të Kosovës, pasi që si Kosovë, nuk jemi të njohur aq shumë për prodhim, duhet një kampanjë më e madhe”.

“Është e panjohur për të gjithë që Kosova prodhon verë dhe puna e parë që ne duhet të bëjmë si kompani, duhet t’u tregojmë traditën që ne e kemi në përpunimin e rrushit dhe të prodhimit të verës.

Konkurrenca është jashtëzakonisht e madhe dhe e fuqishme në tregun evropian. Kompanitë prodhuese të këtyre shteteve e kanë mbështetjen e madhe të shtetit sa i përket subvencioneve për atë edhe janë më konkurrente, ndërsa ne si kompani, nuk e kemi këtë mbështetje”, thotë ajo.

Shaqir Palushi, pronari i kompanisë përprodhimin e pijeve joalkoolike dhe energjike, “Frutex”, thotë për Radion Evropa e Lirë se MSA-ja është një marrëveshje, e cila mundësoi më lehtë shtrirjen e produkteve nga Kosova në tregun evropian.

Konkurrenca në tregun evropian, shton Palushi, është mjaft e madhe dhe është një sfidë për prodhuesit nga Kosova, por, që sipas tij, janë edhe qytetarët e Kosovës që jetojnë në këto vende dhe që i blejnë produktet “Made in Kosova”.

“Kompania jonë, edhe para hyrjes në fuqi të MSA-së ka pasur një eksport të theksuar në tregun evropian, por me hyrjen në fuqi të kësaj marrëveshjeje janë krijuar kushtet dhe mundësitë lehtësuese për të eksportuar në një treg prej 500 milionë banorësh, pra MSA-ja është derë hyrëse. Me produktet tona jemi në shumë vende si në Slloveni, Zvicër, Belgjikë, Britani të Madhe e në shumë vende tjera, ndërsa me hyrjen në MSA ne kemi arritur të depërtojmë edhe në Francë dhe Hungari”, thotë Palushi.

Sa i përket lehtësirave Palushi shton se më lehtë është të depërtosh në tregun evropian sesa në atë rajonal.

“Ne nuk mund të themi se jemi shumë të kënaqur me shtrirjen tonë apo shitjen në tregun evropian pasi që shohim një potencial të madh në tregun evropian dhe një konkurrencë të fuqishme me kompani të konsoliduara mirë, por procedurat janë më të lehta për hyrje në BE, nuk ka burokraci. Më lehtë është të depërtosh me një produkt në vendet e bashkimit Evropian sesa në Maqedoni, Mal të Zi apo në Serbi”, thotë ai.

Prodhuesit në Kosovë në vazhdimësi kanë theksuar se përballen me problem të shumta si tatimet e larta mbi vlerën e shtuar, ekonomia joligjore, financimi i vështirë për bizneset, normat e larta të interesit, jostabiliteti me energji elektrike, konkurrenca jo e barabartë.

Kosova vazhdon të ketë një industri jo konkurruese të prodhimit. Deficiti i lartë tregtar përbën një sfidë të rëndësishme për ekonominë e Kosovës.

Kontributi i eksporteve në volumin tregtar, sipas të dhënave të Agjencisë së Statistikave të Kosovës, në vit kap vlerën e rreth 380 milionë eurove, kurse importi mbi 3 miliardë euro.

rel

Shëndeti

Shkencëtarët zbulojnë “magjinë” e shegës

Komento

ShegaStudiuesit zviceranë kanë vërtetuar se antikosidanti tanina që gjenden tek shegë konvertohen në sistemin e tretjes në një kompleks që duket se ngadalëson plakjen mitokondriale – një proces natyral që dobëson qelizat dhe shkakton humbjen e masës dhe fuqisë së muskujve me vitet e kaluara.

Gjatë viteve janë bërë shumë kërkime shëndetësore për shegët dhe shumë prej tyre janë kundërshtuar. Në vitin 2016, Komisioni Federal i Tregtisë dhe një gjykatë federale amerikane ndaluan kompaninë “POM Wonderful” që prodhonte lëng shegë nga reklamimi, i cili thoshte se  produktet e saj mund të zvogëlonin rrezikun e sëmundjeve të zemrës, kancerit të prostatës dhe mosfunksionimit erektil.

Tani, megjithatë, të paktën një kërkesë shëndetësore është verifikuar. Ellagitanina, substanca që gjenden në një varietet të frutave dhe arrave, por veçanërisht të përqendruar tek shegët, konvertohen në një përbërje të quajtur urolithin A (UA) në zorrën e njeriut. Muskujt fillojnë të dobësohen dhe humbasin forcën dhe masën tek njerëzit mbi moshën 50 vjeç – por një studim i ri ka gjetur se UA mund të stimulojë biogjenezën mitokondriale – në fakt duke përmbysur efektet e pashmangshme të plakjes në qeliza.

Top Channel

Shqipëria

Ambasada e SHBA në Tiranë, thirrje për qetësi

Komento

USA AmbasadaShtetet e Bashkuara bënë thirrje për sundim të ligjit dhe për “sigurinë e procesit zgjedhor”, ndërkohë që bënë gjithashtu thirrje për qetësi në protestën që opozita në Shqipëri planifikon të mbajë të premten në mbrëmje.

Në një koment në Twitter të enjten mbrëma, ambasada e SHBA në Tiranë shkruante:

“Shtetet e Bashkuara duan atë që meriton populli shqiptar: sundim të ligjit që mbron punonjësit civilë dhe shkollat nga sulmet e pakuptimta, që mbron integritetin dhe sigurinë e procesit zgjedhor, dhe që mban premtimin e së drejtës së qytetarit për të protestuar paqësisht ndëkohë që bën që ata që përfshihen në dhunë të mbajnë përgjegjësi.”

“Nxisim të gjithë qytetarët dhe të gjitha institucionet kudo në Shqipëri që të mbështesin parimet e sundimit të ligjit, të refuzojnë dhunën në të gjitha format e saj, si dhe të ushtrojnë paqësisht të drejtat e tyre demokratike ndërkohë që lejojnë bashkëqytetarët e tyre të bëjnë të njëjtën gjë,” thotë ambasada në komentin e saj.

Ambasada u bën thirrje mbështetësve të opozitës që në tubimin e së premtes të mblidhen paqësisht dhe të refuzojnë energjikisht dhunën.

Thirrja vjen ndërkohë që tensionet mes opozitës dhe shumicës socialiste janë acaruar dhe janë shoqëruar me incidente të dhunshme.