Arkivi mujor: Shtator 2020

Analiza, Maqedonia

Njësitë administrative të Maqedonisë së Veriut

Komento

Komunat MK

Gjatë periudhave të ndryshme historike të IRJM-së, ndarja  territoriale e IRJM-së është bërë në varësi nga interesat statistikore dhe ekonomike të pushtetit të IRJM-së – gjegjësisht të RSFJ-së, duke e kombinuar me shpërngulje të popullatës shqiptare nën etiketën e religjionit, si popullatë muslimane (“turq”), kryesisht nga viset perëndimore të IRJM-së, si dhe me popullimin e viseve perëndimore të IRJM-së me popullsi joshqiptare (“Egejci”). Ja si duket ndarja territoriale e  IRJM-së gjatë viteve: 

Ndërsa prej 11 gusht 2004 nga ndarja e fundit territoriale Maqedonia e Veriut është e ndarë në 84 komuna, dhe qytetin e Shkupit, si komunë e veçantë e vetëqeverisjes lokale.

37 Komuna kanë më pak se 10.000 banorë dhe janë kryesisht me popullsi sllave psh. :

Sipas numrit të banorëve Komuna e Kumanovës është komuna më e madhe me 105.840 banorë, kurse më e vogla është Komuna e Vraneshticës me 1.322 banorë.

Sipas sipërfaqes Komuna e Përlepit është komuna më e madhe me një sipërfaqe prej 1.194 km², ndërsa më e vogla është Komuna e Çairit me një sipërfaqe prej 3,5 km².

Ja lista e komunave me sipërfaqe dhe banorë:

Nr. Emri i Komunës Sipërfaqja Numri i Banorëve (2002)
1. Qyteti i Shkupit, me 10 nënkomunat* 1818 km² 515 419
2. Komuna e Zhelinës 201,04 km² 24 390
3. Komuna e Sopishtit 222,1 km² 5 656
4. Komuna e Studeniçanit 276,16 km² 17 246
5. Komuna e Zelenikovës 176,95 km² 4 077
6. Komuna e Belimbegut 97,02 km² 15 894
7. Komuna e Likovës 267,82 km² 27 058
8. Komuna e Çuçerit 240,78 km² 8 493
9. Komuna e Jegunovcit 176,93 km² 10 790
10. Komuna e Tearcës 136,54 km² 22 454
11. Komuna e Tetovës 261,89 km² 86 580
12. Komuna e Bërvenicës 164,3 km² 15 855
13. Komuna e Brodit 888,97 km² 7 141
14. Komuna e Çashkës 819,45 km² 7 673
15. Komuna e Velesit 427,45 km² 55 108
16. Komuna e Ibrahimovës 201,93 km² 8 255
17. Komuna e Kumanovës 509,48 km² 105 484
18. Komuna e Nagoriçit të Vjetër 433,41 km² 4 840
19. Komuna e Rankocit 240,71 km² 4 144
20. Komuna e Kriva Pallankës 480,81 km² 20 820
21. Komuna e Kratovës 375,44 km² 10 441
22. Komuna e Sveti Nikollës 482,89 km² 18 497
23. Komuna e Probishtipit 325,57 km² 16 193
24. Komuna e Koçanit 360,36 km² 38 092
25. Komuna e Kamenicës 190,37 km² 8 110
26. Komuna e Dellçevës 422,39 km² 17 505
27. Komuna e Vinicës 432,67 km² 19 938
28. Komuna e Çeshinovës-Obleshevës 132,2 km² 7 490
29. Komuna e Karbincës 229,7 km² 4 012
30. Komuna e Zërnocit 55,82 km² 3 264
31. Komuna e Shtipit 583,24 km² 47 796
32. Komuna e Llozovës 166,32 km² 2 858
33. Komuna e Grackës 236,19 km² 3 760
34. Komuna e Rosomanit 132,9 km² 4 141
35. Komuna e Negotinës 426,46 km² 19 212
36. Komuna e Konçës 233,05 km² 3 536
37. Komuna e Radovishtit 497,48 km² 28 244
38. Komuna e Peçevës 208,2 km² 5 517
39. Komuna e Berovës 598,07 km² 13 941
40. Komuna e Vasilevës 230,4 km² 12 122
41. Komuna e Bosilovës 161,99 km² 14 260
42. Komuna e Novosellës 237,83 km² 11 567
43. Komuna e Strumicës 321,49 km² 54 676
44. Komuna e Vallandovës 331,4 km² 11 890
45. Komuna e Dojranit 129,16 km² 3 426
46. Komuna e Bogdancës 114,54 km² 8 707
47. Komuna e Gjevgjelisë 483,43 km² 22 988
48. Komuna e Demir Kapisë 311,06 km² 4 545
49. Komuna e Kavadarit 992,44 km² 38 741
50. Komuna e Përlepit 1194,44 km² 76 768
51. Komuna e Dollnenit 412,43 km² 13 568
52. Komuna e Krushevës 190,68 km² 9 684
53. Komuna e Vraneshticës 109,13 km² 1 322
54. Komuna e Pllasnicës 54,44 km² 4 545
55. Komuna e Kërçovës 49,14 km² 30 138
56. Komuna e Osllomejit 121,09 km² 10 420
57. Komuna e Zajazit 161,08 km² 11 605
58. Komuna e Vrapçishtit 157,98 km² 25 399
59. Komuna e Bogovinës 141,65 km² 28 997
60. Komuna e Gostivarit 513,39 km² 81 042
61. Komuna e Mavrovës dhe Radostushës 663,19 km² 8 618
62. Komuna e Dibrës 145,67 km² 19 542
63. Komuna e Zhupës 107,21 km² 6 519
64. Komuna e Drugovës 383,24 km² 3 249
65. Komuna e Strugës 483 km² 63 376
66. Komuna e Veçanit 22,8 km² 2 433
67. Komuna e Debërcës 425,39 km² 5 507
68. Komuna e Ohrit 389,93 km² 55 749
69. Komuna e Resnjës 550,77 km² 16 825
70. Komuna e Murgashovës 480,13 km² 9 497
71. Komuna e Manastirit 787,95 km² 95 385
72. Komuna e Krivogashtanit 93,57 km² 6 150
73. Komuna e Mogillës 255,62 km² 6 710
74. Komuna e Novacës 753,53 km² 3 549
75. Komuna e Haraçinës 31,3 km² 11 597

Qyteti i Shkupit Komunat Komunat e Qytetit të Shkupit

Nr. Emri i Komunës Sipërfaqja Numri i Banorëve(viti 2002)
1. Komuna e Qendrës 7,52 km² 45 362
2. Komuna e Gazi Babës 110,86 km² 72 617
3. Komuna e Aerodromit 21,85 km² 72 009
4. Komuna e Çairit 3,52 km² 64 823
5. Komuna e Kisella Vodës 34,24 km² 57 236
6. Komuna e Butelit 54,79 km² 37 371
7. Komuna e Shutkës 7,48 km² 20 800
8. Komuna e Karposhit 35,21 km² 59 666
9. Komuna e Gjorçe Petrovit 66,93 km² 41 634
10. Komuna e Sarajit 229,06 km² 35 408

 

Maqedonia

Vazhdojnë protestat – të premten, më 04.09.2020, në ora 19:00

Komento

Marshi BOLL MË

Pasi që me kërkesën e parë besoj se të gjithë jeni të njoftuar, po vazhdojmë me e pikën e dytë:
Kërkojmë që vlera e TVSH-së për energjinë nga 18% në 5% si eliminimi i monopolit të EVN-së, për t’i dhënë fund sjelljes së tyre jokorrekte dhe jonjerëzore ndaj konsumatorëve.
Gjithashtu si vazhdimi i kësaj pike është edhe nacionalizimi i rrjetit të shpërndarjes së energjisë elektrike dhe krijimi i politikave lehtësuese në funksion të faljes së borxheve të cilat i kanë familjet sociale.
BOLL MË!!!
PJESËMARRJA JUAJ NË PROTESTË, I FAKTORIZON DHE E PËRSHPEJTON REALIZIMIN E KËRKESAVE TONA
Shëndeti

Mungesa e kaliumit nxit depresionin, zbuloni ushqimet ku mund ta gjeni

Komento

UrmaKaliumi është një mineral thelbësor për organizmin. Ai është i domosdoshëm për shëndetin e zemrës, veshkave dhe organeve të tjera.

Kaliumi i lejon muskujt të lëvizin, nervat të transmetojnë mesazhet e trurit dhe veshkat të filtrojnë gjak. Trupi duhet të ketë ekuilibrat e duhur të kaliumit që zemra të jetë e shëndetshme.

Mungesa E Kaliumit Dhe Depresionit
Nivelet e ulëta të kaliumit rrisin rrezikun e depresionit dhe shqetësimeve nervore. Sipas një studimi të fundit, një regjim ushqimor i pasur me kalium zbut simptomat e depresionit. Gjetjet e studimit të publikuara në revistën britanike Për Ushqyerjen, konfirmuan se kaliumi është i nevojshëm për trajtimin e luhatjeve të humorit dhe se mungesa e tij lidhet fort me simptomat e depresionit.

Kaliumi Kundër Dhimbjeve
Mungesa e kaliumit shkakton nervozizëm, lodhje, plogështi të muskujve, kontraktime dhe dhimbje kronike. Dhimbja me depresionin janë të ndërthurura ngushtë dhe intensifikojnë njëra tjetrën. Sipas të dhënave njerëzit që vuajnë nga dhimbjet kronike janë tre herë më të rrezikuar nga problemet psikiatrike.

Kaliumi Dhe Serotonina
Studimet e publikuara në revistën Nature Neuroscience konfirmojnë se kaliumi luan një rol të rëndësishëm në rregullimin e nivelit të serotoninës. Kaliumi lehtëson përdorimin e serotoninës nga truri.

Nëse një person depresiv ka ndjenja negative për veten dhe botën përreth, kaliumi aktivizon nervat që nxisin ndjenjat pozitive dhe të bukura. Kjo është arsyeja përse edhe një ulje e vogël në nivelin e kaliumit në trup ndez ankthin.

Shkaktarët E Mungesës Së Kaliumit
Një nga shkaktarët më të mëdhenj të mungesës së kaliumit në trup është pirja e tepërt e pijeve të gazuara. Prishja e ekuilibrave hormonalë mund të shkaktojë rënie të nivelit të kaliumit që nga ana tjetër nxit shfaqjen e depresionit. Njerëzit që pijnë shumë kafe, alkol dhe hanë gjëra të kripura të përpunuara janë gjithashtu të rrezikuar nga mungesa e kaliumit.

Burimet Më Të Mira Ushqimore Të Kaliumit
Barishtet, patatet e ëmbla, kungulli i verdhë, kosi, salmoni, avokado, bananet, arrorët, agrumet, qumështi, kumbullat e thata, rrushi i thatë, hurmat e Arabisë, karrotat dhe fasulet janë disa prej burimeve më të mira të kaliumit. Kaliumi është një mineral që tretet në ujë, ndaj barishtet, karrotat dhe patatet duhen pjekur dhe jo zier për të marrë më shumë kalium. Nëse ju do t’i zieni ato, atëherë duhet të siguroheni që ujin do ta përdorni për supë dhe nuk do ta hidhni.

AgroWeb

Shëndeti

Stinë e re, shportë e re produktesh/ Njihuni me produktet më të mira të shtatorit

Komento

shegaNga shegët me kokrra gjithë lëng që të gëzojnë vetëm me pamjen, tek dardhat e Peshkopisë e Korçës apo kungujt që të sjellin aromën e zjarrit në fshat me amvisat që gatuajnë byrekun me kungull. Shtatori është te dera dhe bashkë me të dhe produktet më të mira të këtij muaji. Pesë frutat dhe perimet që duhet të blini këtë muaj.

Speci i kuq
Edhe pse specat i kemi gjatë të gjithë vitit në treg, specat e kuq e kanë pikun e prodhimit pikërisht tani. Dhe nuk ka asgjë më shumë së specat e kuq për të na treguar se po i afrohemi vjeshtës. Speci i kuq, për t’u pjekur e skuqur, ai më i plotë për t’u mbushur, ju duhet vetëm të zgjidhni. Janë aq të shijshëm sa dhe të bukur.

Si t’i zgjidhni
Zgjidhni speca që janë të fortë dhe me ngjyra të forta. Ah dhe një gjë tjetër: zgjidhni ata që janë më të shtrembër, sepse janë dhe ato më bio e natyralë.

Si t’i ruani
Mbajini specat në frigorifer, të mbyllur në mënyrë hermetike në qese plastike.

Këshilla shtesë
Për t’i qëruar vendosini në zgarë dhe piqni aq sa lëkura të nisë të nxihet. Pastaj vendosini në një enë dhe mbuloni me qese, paskëtaj lëkura do të bjerë menjëherë.

Dardha
Dardha thonë e ka bishtin mbrapa. Dhe ashtu është. Dardhat fillojnë të piqen që në muajin gusht, por ato të shtatorit dhe të tetorit janë dardhat më të ëmbla dhe të shijshme që mund të keni provuar.

Si t’i zgjidhni
Dardhat më të mira janë ato të verdha, me aromë dhe pak të buta tek pjesa e qafës. Mos u shqetësoni nëse vijnë pak në ngjyrë të kuqërremte, pasi është thjesht lëkura dhe nuk ndikon fare në shije.

Si t’i ruani
Dardhat vazhdojnë të piqen edhe pasi këputen nga pema (në të vërtetë ato piqen më mirë nëse këputen më parë nga pema për të evituar një shije më të fortë. Kështu, nëse dardhat janë pak jeshile dhe të forta, thjesht i lini në temperaturën e ambientit dhe do të piqen mirë dhe shumë shpejt. Më pas mund t’i fusni në frigorifer.

Këshilla shtesë
Pothuajse të gjithë dardhat që shihni në treg janë kryesisht varietete të vjetra. Zona e Peshkopisë dhe Korçës përveç mollëve shquhen dhe për dardha shumë të mira.

Rrushi
Rrush i zi apo i bardhë. Zgjedhja ju takon ju, sipas shijes dhe preferencave tuaja, të dy këto lloje i gjeni me bollëk në treg.

Si t’i zgjidhni
Zgjidhni rrush të formuar mirë dhe me lëkurë të fortë.

Si t’i ruani
Vendoseni rrushin të mbyllur në mënyrë hermetike në qese plastike në frigorifer. Mos i lani, derisa të jetë momenti për t’i ngrënë. Nëse ato kanë lagështi në momentin që i blini, vendosini një kartë-pecetë brenda në qese për të thithur lagështirën e tepërt.

Këshilla shtesë
Në fund të sezonit shihni për rrush që anon pak nga ngjyra e artë. Është rrush mjaltë i ëmbël.

Shegë
Shegët kërkojnë pak punë dhe shpesh bëhet një rrëmujë, por ato kokrrat e kuqe si rubin që dalin pasi kemi hapur në mënyrë aspak delikate shegën, ja vlejnë për shijen dhe vlerat e larta ushqyese.

Si t’i zgjidhni
Zgjidhni shegë, që peshojnë më shumë krahasuar me madhësinë, pasi janë dhe më të shijshmet. Mos u shqetësoni shumë për ngjyrën e tyre, pasi ato mund të jenë nga komplet të kuqe në një të kuqe të kafenjtë, pa ndikuar fare në cilësi. Gjithsesi zgjidhni shegë të cilat kanë një ngjyrë të fortë.

Si t’i ruani
Shegët duhet të futen në frigorifer, pasi mund të zgjasin tre deri në katër javë. Pasi të keni nxjerrë kokrrat futini në një qese plastike të mbyllur në mënyrë hermetike dhe vendosini në frigorifer tek ngrirja.

Këshilla shtesë
Për ta hapur shegën pa bërë rrëmujë, ndajeni lëvozhgën në katër pjesë, pastaj futeni frutin në një enë me ujë dhe ndani lëkurën, duke bërë që kokrrat të dalin menjëherë.

Erëza të freskëta
Cila është mënyra më e shpejtë dhe e lehtë për t’i dhënë jetë një pjate të vakët? Shtojini një dorë me erëza të freskëta si borzilok, majdanoz apo mente pak para se të servirni ushqimin dhe magjia u krye duke i dhënë më shumë shije ushqimit.

Si t’i zgjidhni
Kur të zgjidhni erëzat, freskia është e një rëndësie kyçe. Borziloku dhe mentja fillojnë të bien dhe të humbasin aromën e tyre menjëherë pasi janë këputur. Majdanozi është pak më i fortë, por sërish nuk këshillohet të mbahet gjatë.

Si t’i ruani
Në mënyrë të veçantë me borzilokun dhe menten, është t’i trajtoni si lule të sapo këputura- vendosini në një gotë me ujë, vendosni mbi to një qese plastike dhe futini në frigorifer.

Këshilla shtesë
Një nga gjërat më të mira që mund të bëni me erëzat e buta është të bëni salcë, si pesto për shembull. Përzieni erëzat me pak hudhër dhe kripë dhe vendosini në blender, hidhini dhe pak vaj ulliri dhe ja ku keni një super salcë. Po të dëshironi mund t’i hidhni dhe pak lëng limoni. Me këtë recetë, nuk mund të gaboni.

Kungull
Nuk po flasim për kungujt e vegjël, por ato të mëdhenjtë me lëkurë të trashë. Kungujt janë ndër të paktat zarzavate me lëkurë të trashë që mund të ruhen gjatë muajve të dimrit.

Si t’i zgjidhni
Zgjidhni kunguj që kanë ngjyra të forta dhe që nuk kanë piesë të buta e të çara. Kërcelli duhet të jetë gjithashtu i fortë.

Si t’i ruani
Kungujt duhen mbajtur në një vend të errët dhe nuk është e nevojshme që të mbahen në frigorifer.

Këshilla shtesë
Për të gatuar kungullin, ndajeni në gjysmë dhe hiqini farat. Mund ta zieni ose ta piqni në furrë në një tavë. Kungulli është një mrekulli nëse bëhet byrek, siç është dhe traditë e shumë amvisave shqiptare. AgroWeb

Bota

Mosmarrëveshjet detare Turqi-Greqi dhe rreziku i një lufte

Komento

anijet luftarakeKanë kaluar shumë vite nga përplasja ushtarake e grekëve me pushtuesit e tyre, turqit, e para që kur kishin fituar pavarësinë nga Perandoria Osmane gjysmë shekulli më parë.

Për tridhjetë ditë në 1897-n, dy rivalët në Mesdheun lindor u përleshën mbi statusin e Kretës, popullsia e së cilës me shumicë greke gjithashtu dëshironte pavarësinë. Konflikti u njoh si “lufta e panevojshme” dhe alarmoi fuqitë e mëdha perëndimore, duke kërcënuar një konflikt shumë më të gjerë në një pjesë të botës ku aspiratat nacionaliste, mosmarrëveshjet historike dhe rivaliteti i fuqive të mëdha ndezën 17 vite më vonë Luftën e Parë Botërore. Austro-Hungaria, Franca, Gjermania, Italia, Rusia dhe Britania dërguan anije luftarake në Kretë në një përpjekje për të ruajtur paqen. Megjithëse ishin kryesisht miqësore ndaj grekëve, me përjashtim të gjermanëve, ata i paralajmëruan grekët e papërgatitur që të mos përfshiheshin në luftime. Paralajmërimet e tyre ranë në vesh të shurdhër dhe grekët pësuan humbje.

Grekët dhe turqit janë përfshirë sërish në një mosmarrëveshje lidhur me sovranitetit territorial në Mesdhe si dhe të tabanit nënujor, ku më e rëndësishmja lidhet me rezervat e naftës dhe gazit. Potenciali energjetik i Mesdheut lindor e ka rritur rrezikun. Fuqitë fqinje në Evropë, Afrikën e Veriut dhe Lindjen e Mesme po tërhiqen në një ngërç ndërsa po rritet rreziku për një konflikt të hapur mes aleatëve të NATO-s.

Mundësitë për luftë

Nëse Ankaraja dhe Athina përplasen, këtë radhë, ngrenë shqetësimin analistët, konflikti mund të hyjë në histori si “lufta më e panevojshme”.

“Mos përjashtoni mundësinë për një konflikt të madh në Mesdheun Lindor, qoftë edhe rastësisht“, paralajmëron Marc Pierini, analist në institutin studimor Carnegie Europe.

Në 1897, fuqitë e mëdha ishin në gjendje të kontrollonin efektet anësore. U gjet një zgjidhje e pa peshuar mirë, sa për sy e faqe: Kreta fitoi autonominë, por nën mbikëqyrjen e Perandorisë Osmane, me Turqit që kontrollonin marrëdhëniet e jashtme të ishullit ndërsa Princi George i Greqisë u bë komisioneri i lartë i ishullit. Në vitin 1913 Greqia aneksoi zyrtarisht ishullin. Fuqitë perëndimore shpresojnë se mund të arrijnë një zgjidhje tjetër afatshkurtër për të shmangur një përplasje si ajo e 1897-s. Ata kanë dërguar anije luftarake si një paralajmërim ndaj Ankarasë, të cilën e fajësojnë për nxitjen e mosmarrëveshjeve detare gjithnjë e më të rrezikshme. SHBA-ja ka dërguar gjithashtu një luftanije.

Flota Amerikane thotë USS Hershel “Woody” Williams ndodhet në Mesdhe në një mision të planifikuar më parë kryesisht për të mbështetur operacionet e Komandës amerikane të Afrikës, por që është në dispozicion nëse do të jetë e nevojshme.

Presidenti amerikan Donald Trump ka zhvilluar biseda telefonike me udhëheqësit grekë dhe turq. Franca ka zhvilluar stërvitje të përbashkëta ushtarake me Italinë, Greqinë dhe Qipron, e cila u nda në 1974 pas një pushtimi turk të shkaktuar nga një grusht shteti i frymëzuar nga Greqia. Bashkimi Evropian po përgatitet të vendosë sanksione ndaj Turqisë.

“Ne jemi të qartë e të vendosur në mbrojtjen e interesave dhe solidaritetit të Bashkimit Evropian me Greqinë dhe Qipron“, tha të premten Shefi i Politikës së Jashtme të BE-së Josep Borell.

“Një vijë e hollë na ndan mes ruajtjes së një hapësire të vërtetë për dialog dhe në të njëjtën kohë, të tregojmë forcë kolektive“, shtoi ai.

Mosmarrëveshjet mbi energjinë

Megjithatë as Athina, dhe as Ankaraja, nuk po tregojnë ndonjë shenjë tërheqjeje mbi mosmarrëveshjet e tyre lidhur me të drejtat e shpimit. Greqia dhe vendet evropiane perëndimore thonë se ligji detar është në anën e Athinës dhe akuzojnë Turqinë për shkelje dhe agresion. Greqia dhe Turqia kanë mobilizuar forcat e tyre detare dhe ajrore.

Turqia akuzoi të hënën Greqinë për “pirateri” dhe paralajmëroi se do t’i përgjigjet përpjekjeve për të cilat e akuzon Athinën se po përforcon ushtarakisht ishujt pranë bregdetit të saj. Grekët i kanë mohuar akuzat se po vendosin trupa në ishullin Kastellorizo në shkelje të traktateve. Ishulli ndodhet vetëm dy kilometra larg bregdetit turk.

Zëdhënësi i partisë turke në pushtet Omer Çelik, tha se: “të drejtosh armët drejt brigjeve të Turqisë është marrëzi”. Javën e kaluar, parlamenti i Greqisë ratifikoi një marrëveshje detare me Egjiptin, vetëm disa orë pasi Turqia njoftoi se do të zgjaste aktivitetin e një anijeje që vëzhgon aktivitetet sizmike në Mesdheun Lindor dhe turqit këtë javë do të zhvillojnë manovra me municion luftarak në ujërat pranë bregut verilindor të Qipros.

Marrëveshja Athinë-Kajro shihet si një përgjigje ndaj një marrëveshjeje turko-libiane të nënshkruar në 2019-n mbi depozitat e mëdha nënujore të hidrokarbureve. Sipas traktatit të tyre, Egjipti dhe Greqia do të kërkojnë përfitime maksimale nga burimet natyrore të disponueshme në një zonë ekskluzive detare. Një marrëveshje e ngjashme është arritur mes Italisë dhe Greqisë. Mosmarrëveshja mbi kufijtë detarë të Turqisë me Greqinë dhe Qipron si dhe të drejtat e shpimit në Mesdheun lindor, vijnë mes të tjera mosmarrëveshjesh të forta mes Turqisë dhe aleatëve të saj të NATO-s, përfshirë çëshjen e refugjatëve sirianë, inkursionet ushtarake turke në Sirinë veriore dhe Libi, si dhe mbi blerjen nga Turqia të raketave ruse tokë-ajër.

Muajin e kaluar, marinarëve në anijet luftarake turke iu bë thirrje të qëndrojnë në gadishmëri për luftë kur një fregatë franceze u përpoq të ndalojë një anije që dyshohej se po transportonte armë tek aleatët e Turqisë në Libi. Papritmas rajoni duket sikur është kthyer pas, në shekullin e nëntëmbëdhjetë, me rivalët gjeopolitikë që kundërshtojnë me vendosmëri njëri-tjetrin.

Ndërsa zgjerimi i burimeve për të dalë nga varësia aktuale e energjisë prej gazit rus dhe atij iranian do të ishte i dobishëm për Turqinë, analistët thonë se shfrytëzimi i fushave të gazit nuk është nxitësi kryesor i reagimit të Turqisë. “Në nxitjen e mosmarrëveshjeve aktuale në Mesdheun Lindor, udhëheqja po përdor një retorikë që rrotullohet rreth temave të tilla si pushtimi, duke iu referuar pushtimit osman të 1453 të Konstandinopojës, Stambollit të sotëm, betejave e luftra, një komploti të madh e të papërcaktuar të huaj dhe një kthimi tek lavdia”, sipas zotit Pierini, analist në Carnegie Europe. Ai thotë se “objektivi i brendshëm politik është mjaft i qartë: “për ta bërë udhëheqjen të shfaqet si një spirancë e domosdoshme e stabilitetit në një vend të rrethuar nga forcat armiqësore”. Disa komentatorë thonë se qëndrimi i ashpër i Turqisë është një parathënie për negociata të vërteta.

Loja me zjarrin

Zyrtarët e BE-së besojnë negociatat. Por një vizitë javën e kaluar nga ministri i Jashtëm gjerman Heiko Maas në Ankara, dhe një ndalesë në Athinë, rezultoi jo e frutshme. Gjermania ka bërë thirrje që të ndalen manovrat detare në Mesdheun lindor.

“Me siguri palët nuk do të ulen në tryezë ndërsa anijet luftarake qëndrojnë përballë njëra-tjetrës në Mesdheun lindor“, tha zoti Maas. Ai shtoi se situata aktuale në Mesdheun lindor ishte e ngjashme me një “lojë me zjarrin” ku “çdo shkëndijë e vogël mund të çojë në katastrofë”.

Disa pyesin nëse përzierja e diplomacisë me sinjale të forta ushtarake do të ishte e mjaftueshme për të bindur Presidentin turk Rexhep Tajip Erdogan, i cili javën e kaluar paralajmëroi Athinën se nëse “dëshiron ta paguajë çmimin, le të vijë të përballet me ne”, siç tha ai.

Ai shtoi se “Turqia do të marrë atë që i takon me të drejtë në Mesdhe, në Egje dhe në Detin e Zi”.

Zoti Pierini shqetësohet se një “zgjidhje kompromisi mbi kufijtë detarë do të dukej si një humbje për qeverinë turke pas retorikës ekstreme të përdorur në javët e fundit”.

Mësimet që jep historia

Nga lufta e Krimesë (1853-1856), e cila u bë famëkeqe nga aksionet donkishoteske e të dështuara luftarake të trupave britanike (njohur si Çmimi i Brigades së Dritës) dhe puna e infermieres Florence Nightingale, e cila mori famë legjendare, deri tek e shtënat në Sarajevë që vranë Arqidukën Franz Ferdinand të Austrisë, konflikti në Mesdheun lindor ka pasur një fund të pakëndshëm duke u hapur rrugën ngjarjeve shkatërruese që kanë ndryshuar hartën e Evropës dhe Lindjes së Mesme, riorganizuar aleancat dhe riformësuar vendet. Këto ngjarje kanë pasur kosto të mëdha njerëzore. Lufta greko-turke e viteve 1919–1922, zhvilluar gjatë shpërbërjes së Perandorisë Osmane pas Luftës së Parë Botërore, përfundoi me masakra dhe zhvendosje masive me forcë të popullsisë, prej dëbimit të të krishterëve ortodoksë nga Turqia në Greqi tek dëbimi i myslimanëve nga Greqia në Turqi. Më shumë se dy milionë njerëz u përfshinë në atë që u bë e njohur si “çrrënjosja e madhe” kur refugjatët kalonin para e mbrapa përgjatë detit Egje, i cili në vitet e fundit është përshkuar nga sirianët dhe irakianët, në përpjekjen e tyre për t’iu larguar konflikteve të vazhdueshme dhe krizave në rajonin e Levantit.

voa

Kosova

Shtëpia e Bardhë: Takimi Kosovë-Serbi në Shtëpinë e Bardhë, për çështje ekonomike. SHBA nuk ka plan sekret

Komento

Shtepia e BardheNjë këshilltar i posaçëm i Presidentit Donald Trump tha të martën se bisedimet mes Kosovës dhe Serbisë këtë javë do të përqendrohen tek zhvillimi i bashkëpunimit ekonomik mes dy vendeve, si një stimul për t’i shtyrë politikanët e dy vendeve të zgjidhin problemet mes Prishtinës dhe Beogradit.

Këshilltari që foli me gazetarët me kusht që të mos identifikohej tha se gjithkush mund ta shohë se “kemi ngecur tek aspekti politik, duke folur gjithmonë për të njëjtat çështje, pa ndonjë përparim”.

“Presidenti Trump donte të shihte nëse duke u përqendruar tek zhvillimi ekonomik dhe krijimi i vendeve të punës për të rinjtë, kjo do të ndryshonte disi dinamikën e gjendjes, kështu që për më shumë se një vit, ne jemi përqendruar krejtësisht tek normalizimi ekonomik, për të gjetur një mënyrë që t’i nxisim palët që t’i lënë mënjanë çështjet politike”.

Ai përmendi marrëveshjet për transportin ajror, hekurudhor dhe rrugor si shembuj, duke i quajtur ato “historike”.

Këshilltari i posaçëm i Presidentit tha se në bisedimet me Kosovën dhe Serbinë të enjten dhe të premten Shtetet e Bashkuara do të përpiqen “t’i çojnë më përpara këto marrëveshje.

“Dhe pastaj do të shtojmë edhe tema të tjera në diskutim për të krijuar tregti, zhvillim ekonomik dhe vende pune”, tha ai.

Në përgjigje të një pyetjeje të Zërit të Amerikës, nëse parashikon se kur ky proces ekonomik do të gërshetohet me atë politik, ai tha se nuk donte të bënte parashikime.

“Nëse palët nënshkruajnë diçka që mendojnë se është e drejtë, ndoshta mund të përdorja fjalën balancë. Nëse palët besojnë në fjalën balancë, se po marrin diçka më shumë se sa po japin, dhe mendojnë se është një marrëveshje e mirë, atëherë do të nënshkruajnë. Ne nuk kemi plan sekret, nuk kemi parakushte. I takon palëve”.

Këshilltari i Posaçëm i Presidentit tha se ai mendon se komuniteti politik i të dyja vendeve nuk ka arritur të sigurojë përparim dhe komunitetet e bizneseve të të dyja vendeve janë të zhgënjyer.

Ai tha se Shtetet e Bashkuara nuk kanë asnjë paragjykim për çfarëdo zgjidhje për të cilën do të bien dakord palët. I pyetur nëse Presidenti Donald Trump do të marrë pjesë në një farë mënyre në takim, këshilltari i posaçëm, nuk u përgjigj në mënyrë përfundimtare, por tha se ai është i përfshirë në proces dhe në diskutimet lidhur me çfarë mund të bëjë pala amerikane për t’u dhënë përparësi projekteve ekonomike.

“Por në fund të fundit, mendoj se palët duhet të jenë në gjendje të shënojnë përparim, në mënyrë që Shtetet e Bashkuara të vazhdojnë t’i përdorin këto mekanizma në mënyrë të fuqishme”, tha ai.

“Ne do ta përmbysim skenarin, të shkojmë fillimisht tek njerëzit, të ngjallim entuziazëm për rritjen e ekonomisë dhe të lëmë këto çështje politike të dalin dytësore”, tha këshilltari.

I pyetur nëse njohja reciproke do të jetë një nga temat, këshilltari përsëriti tha se nuk ka ndonjë temë të paracaktuar por se bisedimet do të jenë një provë nëse palët janë të hapura për bashkëpunim dhe për ta përmbysur mënyrën e të menduarit por tha se “duhet shënuar përparim në zhvillimin ekonomik që Shtetet e Bashkuara të vazhdojnë ta përqendrojnë vëmendjen” në këtë çështje.

“Është në dorë të palëve nëse duan apo jo të ecin përpara dhe çfarëdo që të ketë thënë media, Shtetet e Bashkuara nuk kanë një plan sekret, nuk do të kërkojnë diçka”, duke shtuar se se e vetja kërkesë është se nëse duan paratë e Shteteve të Bashkuara duhet të shënojnë përparim në frontin ekonomik.
Këshilltari i Posaçëm tha se ai nuk ka marrë asnjëherë pjesë në ndonjë bisedë për shkëmbim territoresh.

voa

Shqipëria

“Mësimi do të zhvillohet edhe me 3 turne”/ Rama: Në çdo shkollë do të ketë nga një punonjës të Shëndetit Publik

Komento

Nuk na ndajnë shumë ditë nga nisja e vitit të ri shkollor 2020-2021, nën kushtet e pandemisë së COVID-19.

Kryeministri Edi Rama ka mbledhur në një takim online drejtuesit e Drejtorive Rajonale dhe zyrave arsimore vendore. Në fjalën e tij ai u ka dhënë një mesazh të qartë dhe të prerë drejtuesve të arsimit, ndërsa iu bëri të ditur atyre se duhet të respektojnë gërmë për gërme udhëzuesin e përgatitur nga Ministria e Arsimit, për të ruajtur shëndetin e nxënësve, por dhe të prindërve të tyre.

Më tej, ai zbuloi se mësimi do të zhvillohet në 1997 shkolla me nga një turn, në 472 të tjera me 2 turne dhe 183 shkolla do të kenë nga tre nënturne.

Të gjithë shkollar po marrin masat për fillimin e vitit të ri shkollor dhe janë në një sfidë të jashtëzakonshme, thotë kryeministri, duke shtuar se në çdo shkollë do të ketë nga një punonjës të shëndetit publik.

Edi Rama: Vështirësia është sfida më e madhe për tu kapërcyer në këtë vit shkollor, të gjithë së bashku duke pasur parasysh se çfarë rëndësie madhore ka shëndeti i të gjithëve dhe duke pasur parasysh që fëmijët nuk janë të imunizuar plotësisht nga ky virus dhe pavarësisht faktit se marrja e virusit nga fëmijët është më pak e rrezikshme se sa për të mëdhenjtë.

 

Duke parë se çfarë ndodh nëpër botë, padiskutim që jemi të shqetësuar lidhur me domosdoshmërinë për një nivel maksimal performance të gjithë zinxhirit të drejtimit të shkollave për këtë arsye MAS ka kryer një punë të thelluar dhe ka vënë në dispozicionin tuaj një udhëzues goxha të detajuar për fillimin e vitit shkollor, por përtej çfarë është studiuar dhe duke u analizuar me shumë përgjegjësi dhe përgjegjshmëri që është hedhur në këtë udhëzues, suksesi lidhet me shumëfishimin e energjive që ju dhe gjithë skuadrat tuaja së bashku me drejtuesit e shkollave duhet të vini në dispozicion të këtij viti, Duhet ta bëni natën ditë pa u lodhur dhe pa pushim dhe të jeni në krye të detyrës në terren, ju personalisht dhe të gjithë ata që ju punoni çdo ditë dhe për të ndjekur me rigorozitet udhëzuesin. Që nga drejtuesit e shkollave deri tek çdo mësues përfshirë edhe prindërit.

 

Kjo do të thotë që udhëzuesin jo vetëm duhet ta mbani mirë parasysh në çdo paragraf të tijin po duhet ta mishëroni ju të parët. E dini shumë që funksionimi i shkollës do të jetë ndryshe nga vitet e tjera dhe shkollat do të funksionojnë me 1, 2 dhe 3 turne. Ashtu sikur e di se, 1997 shkolla kanë 1 turn, 472 me 2 turne, 183 shkolla kanë tre nënturne. Mësimi do të zhvillohet me turne dhe në klasa duhet të respektohen rregullat dhe s’duhet të ketë asnjë klasë me më shumë se 20 nxënës. Javën e parë do të zhvillohet në klasa dhe 1 javë online. Dje u hapën 600 klasa nëpër shkollat publike për 4500 nxënës që e kishin të pamundur gjatë karantinës të ndiqnin mësimin online.

Të gjithë institucionet arsimore që po marrin masat për fillimin e vitit të ri shkollor janë në një sfidë të jashtëzakonshme jo thjesht për të filluar por për të vazhduar dhe përfunduar këtë vit shkollor. Pas trajnimeve të vazhdueshme me drejtuesit arsimorë, pajisjen me bazë material të nevojshme ku shtohen këtë vit dorezat alkool termometër etj, do të ketë një person nga sistemi I shëndetit publik pranë shkollës, ju lutem duhet të jenë kontakt I juaji I përditshëm, për t’ju gjendur pranë për të këmbyer një informacion. Në dijeninë time procesi I vijëzimeve nëpër shkolla po përfundon dhe sigurimi I distancës fizike në të gjitha mjediset e tyre është domosdoshmëri por thënë kjo është absolutisht e domosdoshme që të kuptohet nga të gjithë ju që nuk bëhet fjalë për të vendosur në rresht persona adult por burra dhe gra, djem dhe vajza që janë në moshën e tyre të pjekurisë, bëhet fjalë për të disiplinuar sjelljen në mjedisin social të një grupi moshash shumë delikate dhe prandaj është e domosdoshme që ky proces të kryhet me kujdes dhe përkushtim.

Top Channel
Kosova

Kosova – shpresa të mëdha për takimin në Shtëpinë e Bardhë

Komento

Shtepia e BardheKryeministri i Kosovës, Avdullah Hoti e cilëson të një rëndësie të lartë shtetërore takimin e Uashingtonit Kosovë-Serbi. Sipas tij, njohja reciproke Kosovë-Serbi, është qëllimi i vetëm i Kosovës në kuadër të dialogut.

Një delegacion me përbërje të madhe i Kosovës merr pjesë në takimin e datës (04.09) në Shtëpinë e Bardhë në Uashington në kuadër të dialogut Kosovë-Serbi. Delegacioni i Kosovës që kryesohet nga kryeministri Avdullah Hoti ndodhet në Uashington me ftesë të Shtëpisë së Bardhë, takim ky i organizuar nga Këshilltari i Sigurisë Kombëtare, Robert O’Brien dhe i ngarkuari special i presidentit Trump në dialogun Kosovë-Serbi,  Richard Grenell. Në takimin në Shtëpinë e Bardhë diskutohet për çështjet ekonomike ndërmjet Kosovës dhe Serbisë, ndërsa çështjet politike thuhet, se diskutohen në Bruksel. Sipas kryeministrit Hoti, pala kosovare është e përgatitur për këtë takim që e cilëson të një rëndësie të lartë shtetërore. Çfarëdo  që të jetë agjenda e bisedave brenda Shtëpisë së Bardhë, kryeministri Hoti, thotë se “njohja reciproke Kosovë-Serbi, është qëllimi i vetëm i Kosovës në kuadër të dialogut”.

Dialog që çon në njohje reciproke

“Vetëm njohja reciproke në mes të Kosovës dhe Serbisë i normalizon marrëdhëniet në mes të dy vendeve dhe e qetëson këtë pjesë të Ballkanit dhe Evropës. Në çfarëdo takimi që kam pasur dhe do të kem me përfaqësuesit e Serbisë, njohja reciproke është tema e vetme. Çdo gjë që bisedohet me ta është në funksion të arritjes së marrëveshjes për njohje reciproke, pa cënuar integritetin teritorial apo karakterin unitar të shtetit të Kosovës. Kosova mbetet e përkushtuar për dialog, sepse është vend evropian, me orientim të qartë euro-atlantik”, shkruan në profilin e tij kryeministri Hoti.

Sipas Hotit, “nisur nga kjo qartësi e plotë e procesit”, ai nuk do hezitojë të dialogojë me Serbinë dhe fton edhe opozitën që të jetë pjesë e procesit. “Prandaj, i ftoj forcat politike në Kosovës, pozitë dhe opozitë, të jemi të unifikuar në këtë proces. Gara politike në mes nesh, që duhet të jetë demokratike dhe mbi baza të kushtetutës, mund dhe duhet të zhvillohet për tema të tjera të politikës, ekonomisë, arsimit, shëndetësisë dhe fushave të tjera”, shkruan Hoti.

Opozita kundër pjesëmarrjes në delegacion

Dy partitë opozitare, Partia Demokratike e Kosovës, (PDK) dhe lëvizja Vetëvendosja, nuk kanë pranuar t’i bashkohen delegacionit të Kosovës. Lëvizja Vetëvendosja e kryesuar nga Albin Kurti, si partia më e madhe opozitare refuzoi pjesëmarrjen në këtë delegacion, duke thënë se këto bisedime nuk mund të udhëhiqen nga një qeveri siç e quajnë “jolegjitime dhe jolegale”. “Pozicioni ynë në këtë çështje është i qartë. Kosova mund të dialogojë me Serbinë vetëm pas zgjedhjeve të parakohshme, kur do të kemi qeveri me legjitimitet të plotë, që harton, prezanton dhe siguron unitet përmes një platforme që merr mbështetjen e 2/3 të deputetëve në Kuvend si dhe duke u nisur gjithnjë nga reciprociteti si parim i marrëdhënieve të barabarta ndërshtetërore”, thuhet në reagimin e lëvizjes Vetëvendosje.

Kurti kundër Grenell

Angazhimi i ambasadorit amerikan Richard Grenell në kuadër të dialogut Kosovë-Serbi, i cili vazhdimisht ka kërkuar që Kosova ta heqë reciprocitetin me Serbinë dhe të rifillojë dialogu, nuk i ka pëlqyer dhe vazhdon të mos i pëlqejë liderit të opozitës në Kosovë, Albin Kurtit. Në një postim të mëhershëm në profilin e tij, Kurti bëri thirrje që njëzëri të kundërshtohet Richard Grenell. “Sa i përket të dërguarit të posaçëm Grenell, meqenëse ai ka thënë se Kosova duhet ta heqë reciprocitetin me Serbinë, mendoj se duhet të veprojmë me të njësoj siç vepruam me ambasadorin Gelbard kur në 1998 tha se UÇK-ja është terroriste, pra ta kundërshtojmë njëzëri, në mënyrë që ta kuptojë se kjo qasje është e papranueshme për ne. Asokohe kundërshtimi ynë bëri që Gelbard të zëvendësohet nga Holbrooke, pra, ia pamë hajrin kundërshtimit. Edhe sot na duhet që Richard Grenell të zëvendësohet me një Richard Holbrooke të ri”, shkroi Kurti.

Shpresat tek SHBA

Angazhimi amerikan në kuadër të dilaogut Kosovë-Serbi, sipas analistëve kosovare  është jetik për vendin, për faktin që sipas tyre, dialogu i Brukselit tash edhe 10 vjet nuk ka prodhuar shumë rezultate. Prandaj, në këtë kuadër analisti Blerim Burjani, i tha DW-së, se shpresa e vetme mbetet SHBA. “Shpresa e vetme mbetet SHBA për t’i dhënë fund konfliktit të ngrirë dhe pengesës së Kosovës që të jetë pjesë e OKB-së, NATO-s dhe integrimit të BE. Pra kosovarët duan SHBA si ndërmjetësues të fortë dhe të qëndrueshëm sepse, SHBA di të përdorë diplomacinë edhe me sanksione dhe amerikanët nuk lejojnë zvarritje të përjetshme të dialogut pa zgjidhje përfundimtare”, thotë Burjani.

Sipas analistit Burjani, SHBA mund të ofrojnë zgjidhje të shpejtë, por, problemi kryesor janë njohja së pari e kufijve ndërmjet Kosovës dhe Serbisë, ndërsa, të tjerat janë procese teknike. “Kosovarët besojnë fuqishëm në SHBA dhe kjo është e sinqertë për të gjithë kosovarët, sepse ata e dinë se pa SHBA s’ka asgjë që e ndal Serbinë, pra Kosova beson në diplomacinë e SHBA dhe qëndrueshmërinë e zgjidhjes së problemit. Gjasat teorike janë që në shtator të ketë marrëveshje, ndërsa, de fakto gjasat më të mëdha mund të jenë që deri në fund të vitit 2020 të ketë marrëveshje të plotë” thotë Blerim Burjani.

Serbia nuk përjashton surprizat

Nga ana tjetër, pala serbe shkon në Uashington e përgatitur për një seri temash, ndërsa nuk e përjashton mundësinë e ndonjë “surprize”, në Shtëpinë e Bardhë, është shprehur Marko Gjuriq, koordinator i Serbisë në dialogun Prishtinë-Beograd. “Ekipi negociues i Serbisë shkon në Uashington me projekte konkrete të lidhjes ekonomike, propozime për projekte infrastrukturore, mbështetje për të rinjtë, fermerët dhe biznesmenët e të gjitha kombësive në Kosovë. Delegacioni serb do të bëjë gjithçka për të shmangur tërheqjen e Serbisë në lojërat gjeopolitike të fuqive të mëdha, por surprizat janë të mundshme në takimin në Uashington”, citojnë mediet në Serbi, Marko Gjuriqin.

Takimi në Shtëpinë e Bardhë ishte planifikuar të mbahej fillimisht për 27 qershor, por, ky takim u anulua për shkak se Zyra e Prokurorit të Specializuar me seli në Hagë publikoi njoftimin për ngritjen e akuzave ende të pakonfirmuara ndaj presidentit të Kosovës Hashim Thaçi dhe kryetarit të PDK-së Kadri Veseli, që të dy të dyshuar për krime kundër njerëzimit dhe krime lufte. Tash delegacionit të Kosovës për takimin  Kosovë-Serbi, të datës (04.09) në Shtëpinë e Bardhë i prin kryeministri Avdullah Hoti. “Ekipi që udhëton në Uashington përbëhet nga kryeministri Avdullah Hoti, koordinatori për dialog, Skënder Hyseni, zv.kryeministri Driton Selmanaj, zv.kryeministrja Albulena Balaj-Halimaj, ministrja e Punëve të Jashtme dhe Diasporës, Meliza Haradinaj-Stublla, ministri i Drejtësisë, Selim Selimi, ministri i Infrastrukturës dhe Energjisë, Arban Abrashi, dhe shefja e stafit të kryeministrit, Ardita Dushi”, ka thënë Xhavit Beqiri, këshilltar politik i kryeministrit Hoti.

dw

Kosova

Takimi Kosovë-Serbi: A do të realizohet ambicia e Trumpit?

Komento

GrenellPara takimit Kosovë-Serbi në Uashington palët paraqiten me pritshmëri të kundërta. Takimi mund të zhvillohet edhe në praninë e presidentit amerikan, Donald Trump.

Delegacionet e Serbisë dhe të Kosovës shkojnë në Uashington në takimet e organizuara nga administrata amerikane. Presidenti i Serbisë Aleksandar Vuçiç pret „ide të reja” dhe „surpriza”. Takimi i delegacioneve të Beogradit dhe Prishtinës i paralajmëruar prej kohësh do të zhvillohet të premten më 4 shtator e ndoshta edhe në praninë e presidentit amerikan Donald Trump. Pas anulimit të datës së parë dhe caktimit të së dytës që tani mund të thuhet është një takim, rreth të cilit ka rrjedhur në publik një sasi e madhe informacionesh.

Ndërsa rreth takimeve në Bruksel nuk ka shumë mistere, bisedimet e ardhshme në Uashington shoqërohen nga pritshmëri krejt të kundërta të të dyja palëve. Prishtina takimet në Amerikë i paraqet si ngjarje, që do të ndiqen nga njohja reciproke, ndërsa Beogradi me këmbëngulje përpiqet ta mohojë këtë. Që Amerika ndoshta përpiqet të ofrojë me të vërtetë një zgjidhje përfundimtare të problemit të Kosovës, mendon edhe një pjesë e opozitës serbe, e cila pretendon se Vuçiçi u ka premtuar të huajve se do nënshkruajë pavarësinë e Kosovës, por që nuk guxon ta bëjë.

Politika e temave ekonomike

Bisedimet në Uashington zyrtarisht janë cilësuar si vendi ku do të diskutohen vetëm tema ekonomike, por Naim Leo Beshiri, drejtor i Institutit për Çështjet Evropiane, mendon se pritshmëri të tilla janë naive: „Kur kanë nisur bisedimet, në kohën kur në pushtet ishte Partia Demokratike, të gjithë kanë mohuar të ketë negociata të tjera përveç atyre „teknike”. Me kalimin e kohës dialogu teknik ka kaluar në nivelin politik e që atëherë kemi mohime se flitet për statusin, që në fakt është e pavërtetë. Që prej fillimit është diskutuar për statusin politik të dy entiteteve e në fakt të gjitha marrëveshjet aty të çojnë. Nuk ekziston mundësia që liderët të takohen dhe të mos e prekin çështjen e pavarësisë së Kosovës. Tani nuk bisedohet për këtë, por pritet qartë nga Beogradi që në një moment bisedimet të rezultojnë në një marrëveshje ligjërisht të detyrueshme, e cila të përfshijë pavarësinë”, mendon Beshiri.

Ambiciet historike të Trumpit

Prognozat e presidentit të Serbisë, se në Uashington mund të priten ide të reja, por edhe surpriza për Dushan Janjiç nga Forumi për Marrëdhënie Etnike kanë bazë në radhë të parë për faktin se gjithçka do të ndodhë në Shtëpinë e Bardhë: „Kjo iniciativë ka ardhur nga Donald Trump, i cili me letrat e tij drejtuar Thaçit dhe Vuçiçit ka treguar ambiciet historike për ta zgjidhur këtë problem, dhe e gjitha kjo flet për dimensionin e fortë politik të takimit. Për Trumpin me siguri që do të jetë një mundësi, që për shkak të mënyrës së tij të komunikimit, të thotë që kjo është një ngjarje historike, ashtu si marrëveshja e Izraelit dhe Emirateve, dhe se është hyrë në fazën e paqes, se është arritur një sukses i madh, por kjo nuk është asgjë e re kur është fjala për administratën aktuale amerikane dhe presidentin amerikan”, vlerëson Janjiç.

Naim Leo Beshiri mendon se deri tani kanë qarkulluar aq shumë ide rreth çështjes së Kosovës, saqë bëhet pyetja nëse mund të shtrohet diçka e re, por ai konstaton: „Ajo që mund të jetë ide e re është, që të kënaqësh orekset e Beogradit thjesht me premtimin e parave dhe me mundësinë e një të ardhmeje të mirë evropiane. Nëse Trump për një kohë të shkurtër siguron 10 miliardë dollarët e përmendur për investime dhe ndihma, së bashku me disa koncesione ndaj Serbisë lidhur me territoret, pasuritë natyrore dhe eksterritoritetin e manastireve e ndoshta me Bashkësinë e komunave serbe, këtë Vuçiç mund ta shpallë si fitore në mjedisin mediatik të kontrolluar fort prej tij. Pyetja e vetme është se në ç’masë kundërshtarët e zgjidhjes do të bënin protesta dhe liturgji, të organizuara pjesërisht nga faktori i huaj, rus”, thotë Beshiri.

Njohja e ndërsjellë nuk është temë

Pala serbe ditët e fundit ka njoftuar opinionin se shpesh dëgjohet që në Amerikë do të bisedohet për njohjen reciproke, por kjo është dementuar disa herë nga autoritetet e larta serbe. Mund të thuhet se ky është një lloj presioni nga pala shqiptare në procesin e bisedimeve – disa e shohin edhe si provokim – sepse siç thekson kryeministri i Kosovës Avdullah Hoti „në çdo takim që kam patur dhe do të kem me përfaqësuesit e palës e Serbisë njohja reciproke është tema e vetme”. „Njohja reciproke është politika amerikane, e këtë e kemi dëgjuar shumë herë”, thotë Dushan Janjiç. Ky është edhe qëndrimi i disa vendeve të tjera perëndimore, që e kanë njohur Kosovën dhe ata do të donin që Serbia t’u lehtësonte problemin me njohjen reciproke me Kosovën”.

Konflikt i heshtur diplomatik

Takimet në SHBA kanë sjellë përsëri në plan të parë një konflikt të heshtur mes Amerikës dhe Bashkimit Evropian rreth procesit të Kosovës. Administrata amerikane përpiqet të marrë iniciativën dhe ndoshta edhe dafinat, në rast se në këtë proces arrihet ndonjë sukses më i madh. Analistët e pyetur nga DW, vlerësojnë se Bashkimi Evropian (BE) në një farë mënyre është vetë fajtor për ofensivën aktuale amerikane: „BE në kohën e Federika Mogherinit ka lejuar që këto bisedime të mos zhvillohen aspak, dhe që nga viti 2016 vetëm për sy e faqe. Prej gati 20 muajsh nuk kemi patur asnjë takim të dy palëve, kemi patur taksat, të cilat ndërprenë arritjen më të rëndësishme të marrëveshjes së Brukselit, lirinë e tregtisë. Richard Grenell këtu i dha një mësim BE se si mund të zgjidhen problemet, metodologija e tij rezultoi më e sukseshme dhe BE dhe Miroslav Lajçak treguan se nuk kanë mësuar asgjë nga përvoja e keqe e Mogherinit”, tërheq vemendjen Dushan Janjiç.

Kështu e sheh edhe Naim Leo Beshiri këtë konflikt apo ngërç diplomatik mes SHBA dhe BE: „Paaftësia e Federika Mogherinit, në fakt e Evropës për të shpejtuar dialogun mes Beogradit dhe Prishtinës, krijoi vakuumin, që e shfrytëzuan SHBA. Për Brukselin është e vështirë të kthehet në rrugën e duhur, nëse SHBA arrijnë të alokojnë dhe të implementojë një shumë më të madhe, drastike, parash. Procesi i Berlinit e ka premtuar autostradën Nish-Prishtinë që para pesë vjetësh. Kështu që burokracia e ngadaltë evropiane, në kombinim me administratën e paaftë lokale dhe korrupsionin e lartë pengon që të realizohet ajo për të cilën janë bërë marrëveshje dhe të gjithë humbasin durimin. Megjithatë mendoj se partneri më i natyrshëm për Serbinë në zgjidhjen e problemit politik është para të gjithëve Bashkimi Evropian”, përfundon drejtori i Institutit për Çështjet Evropiane.

dw / Ivica Petrovic

Shqipëria

Plani për përballimin e vjeshtë-dimrit

Komento

ManastirliuMinistrja e Shëndetësisë dhe Mbrojtjes Sociale, Ogerta Manastirliu, në vijim të forcimit të kapacitevete të burimeve njerëzove për periudhën Vjeshë- Dimër, ka deklaruar se gjatë kësaj periudhe grupet e epidemiologëve në terren janë rritur me 30% për realizimin e hetimit të hollësishëm ekipemiologjik.

“Tashmë në gjithë Shqipërinë nga 54 ekipe terreni, ne kemi rritur me 30% ekipet, duke e çuar në 70 ekipe terreni. Përpos kapaciteteve logjistike të shtuara me 12 njësi lëvizëse, falë edhe bashkëpunimit dhe ndihmës së USAID, pra qeverisë Amerikane. Ne tashmë kemi mundësinë që me ekipet e shtuara në terren, të epidemiologëve, profesionistëve të shkencave mjekësore që janë punësuar dhe do të vijojnë që bëhen pjesë e ekipeve tona aktuale, të mundemi të rrisim kapacitetet e gjurmimit, hetimit dhe testimit në të gjithë vendin”, tha Manastirliu.

Ministrja Manastirliu ka theksuar se me hapjen e shkollave në fokus të punës do të vijojë të jetë rritja e kapaciteteve dhe marrja e të gjitha masave për hetimin epidemiologjik dhe testimin me qëllim izolimin e vatrave të reja.

“Hapja e shkollave do të shoqërohet me një rritje të kapaciteteve, qoftë përsa i përket gjurmimit, hetimit epidemiologjik dhe testimit gjithashtu. Ndaj vendosja e ekipeve të reja është një vlerë e shtuar përsa i përket kapaciteteve të burimeve njerëzore në Njësinë e Kujdesit Shëndetësor. Sigurisht që bashkëpunimi me koordinatorët e shkollave, bashkëpunimi me mjekët, infermierët dhe përgjegjësit në çdo shkollë apo grup shkollash, do të luajnë një rol të shtuar në të gjithë strategjinë e testimit, gjurmimit dhe izolimit të rasteve”, tha Manastirliu.

Duke shprehur mirënjohje dhe falenderim për të gjithë qytetarët që kanë zbatuar me korrektese masat e këshilluara në parandalimin e përhapjes së infeksionit SARS COV2, Manastirliu ka bërë sërish një apel për vijimin e zbatimit të distancimit social, masave të higjenës dhe vendosjen e maskës, si të vetmet armë që na mbrojnë në këtë luftë.

“Jemi në një moment shumë serioz të epidemisë. Nuk duhet që të ‘lëshojmë pe’ nga masat të cilat tashmë ne i kemi ndërmarrë dhe jemi duke i aplikuar. Gjej rastin të falenderoj qytetarët pasi shoh një angazhim shumë më të madh të gjithësecilit për të zbatuar rregullat qoftë të distancimit fizik, qoftë të vendosjes së maskave në ambientet e brendshme. Lufta me këtë virus nuk ka përfunduar. Ai është një rrezik eminent për të gjithë. Ne po vijojmë me rritjen e kapaciteteve që këputja e zinxhirit të infeksionit të bëhet në kohën e duhur”, tha Manastirliu.