Për Bankën Qendrore Europiane dhe vendet anëtare të Bashkimit Europian, Shqipëria është duke përjetuar një përmirësim gradual të ekonomisë, që pritet të vijojë.

Kjo paketë pritet të jetë e moderuar, por e mjaftueshme për të ulur borxhin publik si pjesë e PBB-së. Por, pavarësisht progresit, renditen dhe një sërë problemesh për të cilat BE-ja jep edhe detyrat për zgjidhje. Ato nisin me pronësinë e paqartë mbi tokën, qasjen e ulët në financë, një nivel të lartë informaliteti dhe korrupsioni, një barrë rregullatore të tepruar dhe paparashikueshmërinë në sistemin gjyqësor, çka, sipas përfundimit të arritur, dekurajon investimet e huaja dhe të brendshme.

Në fund të analizës, Shqipërisë i rekomandohet të ndërmarrë një sërë hapash, mes të cilave edhe vendosja e një takse pronësie të bazuar te vlerësimi.

“Të këmbëngulë me përpjekjet e kohëve të fundit për mobilizimin e të ardhurave, në veçanti duke forcuar më tej administratën e taksave; duke zgjeruar bazën e taksave bazuar në një rishikim të shpenzimeve të taksave dhe duke futur një taksë pronësie të bazuar te vlerësimi”, thuhet në vlerësimin për Shqipërinë.

Po ashtu, kërkohen dhe masa per reduktimin e borxhit publik: “Të vazhdojë rregullimet fiskale duke pasur parasysh plotësimin e objektivave të treguara afatmesme për reduktimin e borxhit publik si pjesë e PBB-së. Të fusë masa të mëtejshme për konsolidimin fiskal, nëse reduktimi i borxhit rrezikon të mos e plotësojë objektivin”.

Vëmendje i kushtohet forcimit të lekut dhe kontrollit mbi sektorin jobankar: “Të zbatojë masat e mbetura të strategjisë së zgjidhjes së huave të këqija. Të zbatojë masat e parashikuara në Memorandumin e Bashkëpunimit për rritjen e përdorimit me efektivitet të monedhës kombëtare, përfshirë kërkesat e diferencuara rezervë për lekun dhe depozitat në monedhë të huaj. Të forcojë mbikëqyrjen e sektorit financiar jobankar, duke rritur kapacitetin e Autoritetit Mbikqyrës Financiar”.

Po ashtu, nga Shqipëria kërkohet dhe sqarimi përfundimtar i pronësisë së tokës.

“Të vazhdojë proceset e sqarimit të pronësisë së tokës bujqësore dhe regjistrimin e pronës, si dhe të krijojë një kadastër funksionale gjithëpërfshirëse dhe një e-kadastër deri në vitin 2019″, thotë vlerësimi.

/ Top Channel

Pas arritjes së komprimist mes PD-s dhe PS-së në Tiranë nis punën qeveria qeveria me gjashtë ministra teknicienë, të propozuar nga PD në opozitë.

Katër ditë që sfiduan  tre muaj.  Kanë  mjaftuar këto katër ditë të fundit të pas  marrveshjes Rama-Basha, të arritur të enjten e kaluar(18.05)për të zhbllokuar vettingun dhe bojkotin tremujor të parlamentit nga Partia Demokratike (PD) në opozitë. Mbrëmjen e së hën7s (22.05)në  një seancë të  jashtëzakonshme  parlamentare marrëveshja e sipërpërmendur dha produktin e parë për nga rëndësia: zhbllokimin e procesit për zbatimin e vettingut, ligjit më të rëndësishëm të reformës në drejtësi përmes plotësimit të  komsioneve ad hoc  të vettingut edhe  me  50 përqindshin e munguar deri dje  të anëtarëve  që i përkasin opozitës. Me 123 vota pro deputetët miratuan anëtarët e opozitës në sejcilin nga tre komisionet ad hoc. Fjala është për komisionet që do të bëjnë rivlerësimin e gjyqtarëve dhe të prokurorëve.

Kryemnistri  Rama – vettingu do të fillojë,  reforma në drejtësi nuk ndalet

Kryeministri Edi Rama tha pas miratimit të anëtarëve të opozitës në përbërje të komisioneve ad  hoc të vettingut, se “vetingu do të fillojë, reforma në drejtësi nuk ndalet”.

“Është një moment shumë emocionues, sepse është një moment që të bën të thuash me plot gojë që politika është një forcë për mirë kur përdoret për qëllime të mira”,- theksoi kryemnistri Rama në seancën e jashtëzakonshme parlamentare.

Zhbllokimi vettingut dhe fillimi i zbatimit të reformës në drejtësi është një premisë e mirë që Shqipëria të hapë negociatat e anëtarësimit me BE-në diku nga fillimi vitit të ardhshëm, pasi edhe ecuria e zgjedhjeve të 25 qershorit është një test për ecurinë e demokracisë në Shqipëri, ndarjen nga zgjedhjet me rezultat  të kontestuar dhe zhvillimin e tyre me standarde ndërkombëtare të pjesshme.

Për zgjedhje të lira dhe të ndershme – shitblerja e votës, krim që dënohet me burgim 

Krahas zhbllokimit të vettingut, si pjesë e marrveshjes Rama- Basha, parlamenti miratoi edhe ndryshime në Kodin Penal,, që lidhen me garantimin e zgjedhjeve të lira dhe të ndershme. Sipas këtyre ndryshimeve  shitblerja e votës përbën krim/vepër penale  që dënohet nga 1- 7 vjet burg.  Në zgjedhjet e kaluara shitblerja e votës dënohej vetëm me gjoba të papërfillshme financiare për  nga vlera monetare në raport me shkeljen e standardit dhe manipulimin e rezultatit të zgjedhjeve. Futja e shitblejes  së votës në grupin e krimeve të pa amnestueshme të Kodit Penal të Shqipërisë pritet të sjellë rezultatet e para në zgjedhjet parlamentare të 25 qershorit në rezultatin e padeformuar të tyre, në respekt të vullnetit të zgjedhësve.  Vepër penale konsiderohet edhe shpërdorimi i autoritetit të policisë për të ndikuar me mbështetje të një partie politike gjatë procesit zgjedhor, krim që dënohet me 5 vjet burg. Po kështu edhe përdorimi i mjeteve publike, veprimtarive shtetërore, burimeve financiare  ose njerëzore në procesin zgjedhor përbëjnë vepra penale që dënohen  nga 1-  4 vjet burgim. Nrdyshimet në Kodin Penal, të  miratuara në Parlament, përfshijnë edhe forcimin e rregullave për të mbikqyrur financimet e partive politike dhe ndalimin e financimeve të paligjshme.

Qeveria me teknicienë  të PD-së fillon punën

Do të ketë jetë të shkurtër, vetëm katër muaj, qeveria me gjashtë ministra dhe një zv./kryeministre tekniciene, me kryeministër përsëri Edi Ramën. Kabineti i ri u miratua nga Parlamenti dhe u dekretua nga Presidenti i Republikës. Ajo fillon punën të martën ( 23.05) e stigmatizuar nga analistët e pavarur si një qeveri, ku të gjashtë ministrat teknicienë nuk janë të tillë por militantë të PD-së apo pranë ish-kryemnistrit dhe ish-kryetarit të PD-së, Sali Berisha. Sipas tyre kjo përzgjedhje do t’i kthehet  PD-së  në boomerang,  pasi gjashtë ministrat e rinj janë jo vetԹm militantë  të njohur të PD-së, por kanë edhe profile të zakonshme. Analistët e pavarur mendojnë që ky është preludi  i ardhjes në qeveri  të militantëve nëse PD fiton zgjedhjet e 25 qershorit, perceptim  që  mund t’i sjellë mosmarrjen e votave me 25 qershor prej elektoratit  gri, atij që nuk është i vendosur, apo që është fluid, rrjedh nga një forcë politike në tjetrën. Por kryemnistri Rama  tha, se “Ministrat që  sot kanë ardhur në qeveri për  të përfaqësuar PD-në kanë ardhur të garantojnë PD-në dhe opozitën, se makineria shtetërore nuk do të përdoret në zgjedhje. Marrëveshja e 18 majit bashkëdakortësoi një platformë jo për të bashkëqeverisur nesër, por për të bashkëqeverisur zgjedhjet, ku të gjitha palët të jenë të garantuara.” (dw)

Në Tiranë, kriza politike u mbyll me një marrëveshje dypalëshe, ndërsa ekspertët e ekonomisë po studiojnë pasojat, që kriza la mbi bizneset dhe klimën ekonomike të vendit.

Studiuesit mendojnë se bizneset po tkurren, punësimi është minimal dhe një pjesë e madhe e qytetarëve mendojnë të largohen nga vendi.

Viti 2017 është krejt i ngjashëm me vitin e shkuar dhe me një vit më parë sa i takon treguesve ekonomikë, pohojnë studiuesit e ekonomisë, por kriza politike i ka gjetur të papërgatitur të gjitha palët.

Burimet zyrtare flasin për rritje ekonomike kryesisht për shkak të investimeve të mëdha si projekti TAP e ndonjë tjetër.

Por tani komuniteti i biznesit mund të bëjë të improvizojë vetëm projekte dhe pritshmëri realiste, pasi investimet janë frenuar dhe duhet rindërtuar besimi i konsumatorëve, ose së paku nuk duhet të marrë më goditje.

Punësimi vazhdon të jetë në nivele minimale, thotë Zef Preçi, drejtues i Qendrës për Kërkime Ekonomike.

Studiuesit besojnë se ekonomia shqiptare i ka harxhuar burimet tradicionale të rritjes së saj dhe aktualisht është në vështirësi të mëdha.

Drejtuesi i organizatës së biznesit Alb-Konfindustria, Gjergj Buxhuku, thotë se ekonomia shqiptare është në një recesion teorik minus 2 për qind, nëse rritjes ekonomike do t’i zbriten borxhet e shumta qëqeveria ka marrë vitet e fundit dhe ndikimi i projekteve shumëvjecare si TAP.

Sipas analistëve, tani ekonomia ka nevojë për politika të reja, që të zgjerojnë frymëmarrjen e saj, sepse ekonomia vazhdon të funksionojë nën kapacitet dhe duhen harmonizuar më mirë politikat fiskale me ato bankare, sepse kanë dështuar politikat e qeverisë dhe bankës qendrore për të shëndoshur sistemin bankar për shkak të peshës së rëndë të kredive problematike.

Korrupsioni përmes kapjes së shtetit është në rritje dhe mbetet problem dhe rrezik themelor për ekonominë e vendit, sipas tyre.

Nga ana tjetër, zoti Buxhuku i Alb-Konfindustrias, pohon se reformat e thella me nxitjen e ndërkombëtarëve duhen shoqëruar me paketa dhe masa ekonomike, por marrëveshja e fundit politike nuk ka ende një faturë ekonomike, si do të realizohet.

Sipas tij, mbi 30-40 për qind e ekonomisë shqiptare është informale dhe zhdukja e kësaj duhet plotësuar me investime dhe fonde të rregullta nga brenda dhe jashtë vendit.

Krahas korrupsionit, një kërcënim i madh është edhe evazioni fiskal.

Numri i firmave me status pasiv është më shumë se gjysma e firmave me status aktiv.

Evazioni ndodh te firmat me mallra të forta, që kontrollohen nga oligarkia me ndikim në institucionet vendim-marrëse.

Rregullat fiskale ndryshojnë vazhdimisht dhe kjo i pengon firmat të punojnë në normalitet.

Po ashtu, shmanget konkurrenca elektronike dhe janë shtuar kontratat me negocim. (voa)