Edi Rama dhe Komisioneri për zgjerimin Johannes Hahn ishin në një mendje kur i vlerësuan zgjedhjet e 25 qershorit si më të mirat e realizuara ndonjëherë në Shqipëri.

Prioritetet e Shqipërisë përpara një tjetër vlerësimi nga shtetet anëtare të BE, për të cilat vetë komisioneri tha se ende nuk e ka një datë, Edi Rama dhe Johannes Hahn i ndanë përpara takimit informal të kryeministrave të Ballkanit Perëndimor, në një mëngjes pune, që sipas kryeministrit u fokusua në statusin aktual të marrëdhënieve të vendit tonë me BE. Por mungesa e një date shoqërohet me disa kërkesa, duke nisur nga reformat kyçe.

“Zgjedhjet e drejta dhe transparente kanë qenë një kusht për të ecur përpara në rrugën drejt BE. Besoj se ka një rezultat që jo shumëkush e prisnin që të ishte kaq i qartë. Tani nuk ka më asnjë justifikim që mund të përdoret. Vendimet politike janë të qarta. Tani mund të shkojmë drejt zbatimit”, u shpreh Hahn.

“Folëm për zgjedhjet si një moment i rëndësishëm i kapërcyer me sukses, folëm për vullnetin dhe domosdoshmërinë që të vazhdojë ajo që u nis si një qasje e re dhe vullnet bashkëpunimi mes qeverisë dhe opozitës, nga ana tjetër e njoha Hahn me planin e këtij mandati në funksion të reformave, të një transformimi rrënjësor të shërbimeve për publikun si një aspekt i luftës kundër kurrupsionit dhe ryshfetit”, tha Rama.

Dhe reforma në drejtësi, si një nga prioritetet kyçe për Shqipërinë, mbetet ende një kërkesë e qartë, këtë herë për zbatimin sa më parë të saj.

“Jam i sigurt që shumë shpejt do të shohim rezultatet e para konkrete lidhur me të famshmin proces të Vettingut”, u shpreh komisioneri.

“Nënvijëzuam domosdoshmërinë e vazhdimit të procesit të vettuingut si një proces kyç për Shqipërinë, por edhe përshpejtimin e procesit të integrimit”, tha Kryeministri.

Si kryeministri Rama, ashtu edhe zyrtari i lartë i BE-së ndanë të njëjtin vlerësim për luftën kundër kultivimit të kanabisit.

“Dua të përmend progresin e jashtëzakonshëm në luftën kundër kultivimit të kanabisit, kjo është dëshmi për vendet e BE”, tha komisioneri.

“Ndamë idenë se në luftën ndaj kanabisit po bëhet një punë fantastike. Sot jemi me rezultate të monitorimit ndërkombëtar që tregojnë se zotimi është duke u përmbushur dhe në fund të këtij sezoni mbjelljesh, korrjesh dhe goditjesh, Shqipëria do të dalë përfundimisht nga harta e vendeve problematike të kultivimit dhe trafikimit të lëndëve narkotike”, tha Rama.

Hahn: Me azil dëmtoni veten

Ashtu si kryeministri Rama, i cili ishte i drejtpërdrejtë për numrin e azil kërkuesve shqiptarë në vendet e BE, konkretisht Hollandën, edhe Hahn ishte i qartë kur tha se asnjë shqiptar s’do të mund të marrë azil në asnjë vend të BE-së.

“Unë refuzoj ta pranoi shënjestrimin e shqiptarëve, azilkërkues apo ata që kryejnë krime si një arsye për të treguar me gisht Shqipërinë. Kriminelët duhet të përgjigjen para ligjin, por nuk ka flamur e kombësi dhe thjesht duhet të përgjigjen para ligjit dhe nuk mund të tregohet me gisht si krim shqiptar ballkanik. Është propagandë. Në realitetin e gjërave, ka një problem shqetësues që lidhet me faktin se qytetarët e Ballkanit dhe Shqipërisë nuk kanë asnjë shans që të marrin azil politik në Europë. Asnjë shans. Është thjesht rënie pre e rrjeteve kriminale që përdorin nevojën e njerëzve për një jetë më të mirë dhe punë”, u shpreh kryeministri Rama.

“Nuk është realiste të besohet se çdokush mund të merrte azil si shqiptar në BE. Është e kotë që të shkoni në vendet e BE për të kërkuar azil, pasi dëmtoni veten, nga ana diplomatike edhe vendin tuaj”, tha Rama.

Projektet për Ballkanin, kryeministrat hartojnë axhendën e përbashkët

Të 6 vendet e Ballkanit perëndimor tani kanë një axhendë të përbashkët, për tu bërë më atraktivë për investime të huaja, me synimin edhe për të përshpejtuar afrimin me BE. Shqipëria, Kosova, Mali i Zi, Maqedonia, Serbia dhe Bosnje Hercegovina kanë një plan konkret veprimi, me 115 pika, të cilat I kanë përmbledhur në një dokument udhërrëfyes për krijimin e një tregu unik rajonal.

“Kemi një plan veprimi me 115 pika në funksion të një transformimi rrënjësor në kuadrin e lëvizjes së mallrave, shërbimeve, kapitalit, punonjësve të kualifikuar që ta bëjë rajonin shumë më tërheqës për investime, sh më fleksibël për shkëmbimet e brendshme tregtare, duke përshpejtuar afrimin me BE dhe ritmet e rritjes ekonomike dhe mirëqenies”, u shpreh Rama.

“Ne po fokusohemi tek Zona Ekonomike Rajonale, kam dy shifra për ta ilustruar rëndësinë e kësaj. Gjatë 10 viteve të fundit, eksportet drejt BE nga të 6 vendet e bllokut janë dyfishuar. Tani përbëjnë 46 mld euro por tregtia mes këtyre 6 vendeve nuk është rritur, është në të njëjtin nivel si para 10 vitesh. Kjo tregon se ka shumë potencial që mund të shfrytëzohet”, tha Hahn.

Hahn shpjegoi edhe si do të vihet në jetë kjo axhendë e përbashkët.

“Vendet janë dakord që të caktojnë koordinatorë të përbashkët që të koordinojnë në secilën kryeministri dhe në çdo vend në veçanti, ministritë apo dhomat e tregtisë të punojnë me përkushtim për këtë axhendë. Të 6 vendet e Ballkanit perëndimor do ti përcaktojnë këto koordinatorë deri në mes të shtatorit për ti vënë në zbatim. Kjo vlen edhe për marrëdhëniet dypalëshe”, tha komisioneri.

“Ky reflektim strategjik do të na vlejë për një axhendë më agresive në funksion të një rajoni më tërheqës për investimet e huaja, me një transformim rrënjësor të procedurave kufitare, me një përmirësim rrënjësor të monitorimit, dhe me krijimin e mekanizmave për reduktimin e kostove logjistike dhe komponenti tjetër për të fuqizuar ekonominë digjitale si një front të ri të rritjes ekonomike në rajon”, u shpreh Rama.

Liderët e Ballkanit perëndimor janë angazhuar për një rakordim të çështjeve për bashkëpunim ekonomik 6 javë më parë, kur u vendosën piketat kyçe në samitin e Triestes. Zbatimi konkret i tyre nis nga shtator, pas përzgjedhjen e koordinatorëve.

/ Top Channel

Angazhim i drejtuesve politikë të shteteve të rajonit për të realizuar projektet e mëdha të Procesit të Berlinit. Me takimin e Durrësit rajoni hedh edhe një hap tjetër përpara drejt afrimit ekonomik.

Kryeministrat e 6 vendeve të Ballkanit Perëndimor (BP) morën pjesë në takimin një ditor informal që mikpriti në Durrës kryeministri i Shqipërisë, Edi Rama. Ky takim u zhvillua tre vjet pas lançimit të Procesit të Berlinit nga kancelarja gjermane Angela Merkel, në 28 gusht 2014 dhe disa javë pas Samitit të Triestes, në muajin e kaluar, i katërti samit në kuadër të Procesit të Berlinit, që ka marre përsipër të japë impulse të reja procesit të integrimit europian të BP. Ngritja e Zyrës Rajonale për Bashkëpunimin Rinor, në Tiranë, disa projekte infrastrukturore që lidhin rajonin, lehtësojnë lëvizjen e kapitaleve dhe të njerëzve kanë gjetur financime dhe kanë hyrë tani në rrugën e zbatimit.

Fillim nga puna për zonën ekonomike rajonale

Por ato janë ende pak në raport me kërkesat e mëdha që ka rajoni për t’u shndërruar nga një zonë me rritje modeste ekonomike, papunësie dhe azilkërkimi në vendet e BE në një hapësirë të zhvilluar dhe treg tërheqës për investimet e huaja. Për të zbatuar strategji dhe politika që hapin rrugën e daljes nga kjo situatë kryeministrat e vendeve të BP ranë dakort në Durrës për të marrë angazhime maksimale në realizimin e projekteve te Procesit të Berlinit. Fokusi dhe prioriteti i tyre në Durrës është fillimi sa  më parë nga puna për krijimin e Zonës Ekonomike Rajonale, projekt për të cilin u ra dakort në samitin e Triestes.

Johannes Hahn, i ftuar në takimin e Durrësit, e vlerësoi  “prioritet kyç ndërtimin e zonës ekonomike rajonale për të nxitur rritjen ekonomike dhe punësimin ne BP”. “Shtetet e BP i kanë dalë për zot Procesit të Berlinit. Takimi i Durrësit tregon se ka një rritje të vëmendjes së krerëve të qeverive të BP ndaj Procesit të Berlinit. Integrimi rajonal nuk është një alternativë ndaj hyrjes së vendeve të BP në BE por një plotësues i dobishëm. Politika rajonale është çelësi i suksesit të bashkëpunimit rajonal, e çdo gjë bëhet në interes të qytetarëve. Interesi ynë është që të gjitha vendet e BP të integrohen në BE, që do ta mbështesë BP dhe do të bashkëpunojë me të për plotësimin e aspiratave europiane. ” tha komisioneri Hahn.

Nga idetë në veprime konkrete
Takimi informal i Durrësit hodhi një hap përpara që nga samiti i Triestes lidhur me krijimin e Zonës Ekonomike Rajonale: kryeministrat e 6 vendeve u shprehën në mënyrë unanime dakort me Planin Shumëvjeçar të Veprimit për ta zbatuar transformimin rrënjësor të rajonit. “Kemi një plan veprimi me 115 pika në funksion të këtij transformimi që përfshin lëvizjen e mallrave, shërbimeve, kapitalit, punonjësve të kualifikuar, që do ta bëjë rajonin shumë më tërheqës se tani “ tha në takim kryeministri Rama.

Ballkani Perndimor pret edhe mbështetje finaciare për projektet rajonale. “Banka Botërore është përfshirë me kërkesën tonë në mënyrë të plotë dhe po ashtu edhe instrumentet e tjerë që burojnë nga bashkëpunimi më i ngushtë me BERZH-in, me BEI-in janë në dispozicion, çka do të thotë se, ky reflektim strategjik që po bëjmë sot, do të na vlejë për një axhendë më intensive dhe më agresive në funksion të një rajoni shumë më tërheqës për investimet e huaja.” tha kryeministri Rama. Në takimin e Durrësit mori pjesë Zv.presidenti i Bankës Botërore për Europën dhe Azinë Qëndrore, Cyril Muller.“

Cilësi jo shpejtësi në procesin e integrimit europian   

Procesi i Berlinit synon të mbajë lart aspiratën e BP për të hyrë në BE dhe të ulë euro-skepticizmin, sidomos pas Brexit. Por edhe t’ u rrisë besimin qytetarëve tek mbështetja e BE ne arritjen e aspiratës europianë në një situatë gjeo-politike kur vende të tjera si Rusia, Turqia madje edhe Kina kërkojnë të rrisin ndikimin në rajon. Komisioneri Hahn bëri përsëri të qartë se BE nuk ka një kohë të përcaktuar se kur do të bëhet e mundur që BP të arrijë standartet ekonomike dhe demokratike për të hyrë në BE. “Cilësi dhe jo shpejtësi në procesin e integrimit. BE ka investuar shumë në BP dhe rezultati do të jetë integrimi i tij në BE” tha ai në Durrës duke vazhduar paqartësinë e deritanishme lidhur me nje afat të përafërt.

Integrim sa më të shpejtë për t’i dhënë fund azilkërkimit

Takimi në Durrës u bë një mundësi më shumë për të paralajmëruar drejtuesit politikë dhe qytetarët e BP se vendet e BE do te vazhdojnë me rreptesi politiken e tyre te mospranimit të kërkesave për azil.

“Është e kotë të shkohet në vendet e BE dhe të kërkohet azil pasi qytetarët e BP dëmtojnë veten dhe vendin e tyre” tha Hahn duke lëne të kuptohet qartë se një vend ku qytetarët e tij kërkojnë të largohen nuk ka bërë progresin e duhur në procesin e integrimit. Ndryshe nga Hahn që prezantoi konceptin e “cilësisë dhe jo të shpejtësisë në procesin integrues “ kryeministri Rama tha në Durrës: “Do të bëjmë çmos të përshpejtojmë procesin e integrimit europian që të kemi më shumë akses në tregun e lirë të punës”

Ai theksoi se fluksi i azilkërkuesve nga Shqipëria është ulur dhe bashkëpunimi në këtë drejtim me BE po jep rezultate inkurajuese. “Por nuk ka shqiptarë azilkërkues, por në kërkim të një pune dhe jete më të mirë në një treg pune që nuk është për shqiptarë, kur për të tjerët është. Refuzoj  të pranoj shenjëstrimin e veprimtarisë kriminale të disa shqiptarëve si një arsye për ta treguar Shqipërinë me gisht” ” tha ai në Durrës.
Samiti i ardhshem në kuadër të procesit të Berlinit pritet të mbahet në Londër në verën e vitit të ardhshëm. (dw)

Kryeministri Rama është mikpritës i takimit informal me homologët e tij nga vendet e Ballkanit Perendimor, takim që zhvillohet sot në qytetin bregdetar të Durrësit. Në fokus është integrimi ekonomik i rajonit.

Qellimi i takimit eshte nxitja per zbatimin e zotimeve te marra ne Samitin e Triestes, te zhvilluar muajin e kaluar, ne kuader te Procesit te Berlinit, te nisur nga kancelarja Angela Merkel, ne gushtin e 2014-es, per t’i dhene impulse te reja integrimit europian te rajonit.

Integrimi ekonomik i BP

Takimi informal nje ditor ka ne qender zbatimin Planit Shumevjecar te Veprimit per te krijuar Zonen Ekonomike Rajonale, per te cilen u ra dakort ne Trieste, Vemendje i kushtohet tregetise, sherbimeve,investimeve dhe ekonomise dixhitale me synim rritjen ekonomike dhe hapjen e vendeve te reja te punes ne rajon.

Integrimi rajonal-Hapa konkrete

Burime nga kryeministria pohuan sot per DW se ne takimin e sotem informal ne Durres kryeministrat e vendeve te Ballkanit diskutojne hapat konkrete per integrimin e rajonit te tilla si: njohja e ndersjellte e kualifikimeve profesionale, identifikimi dhe heqja e barrierave qe pengojne tregtine dhe investimet, hapja e dialogut rajonal per transformimin dixhital, fillimin e negociatave per ngritjen e nje mekanizmi rajonal per zgjidhjen e mosmarreveshjeve.

BE-rikonfirmon mbeshtetjen e tij

Burime zyrtare bejne me dije se sot ne takimin informal,ne Durres marrin pjese kryeministrja e Serbia, Ana Brnabic, kryeministri i Kosoves, Isa Mustafa, i Bosnje-Herzegovines, Denis Zvizdic, kreu i qeverise maqedonase, Zoran Zaev, kryeministri i Malit te Zi, Dushko Markovic. Ne takim merr pjese edhe Johannes Hahn, Komisioner i BE per Politikat e Fqinjesise Europiane dhe Negociatat e Zgjerimit si edhe Zv.Presidenti i Bankes Boterore per Europen dhe Azine Qendrore, Cyril Muller.

Ne njoftimin per shtyp te Delegacionit te BE ne Tirane lidhur me takimin e sotem vihen ne dukje se “BE mbeshtet fuqishem bashkepunimin rajonal ne BP per te lidhur ekonomite dhe njerezit brenda vete rajonit nga njera ane, dhe rajonit me BE nga ana tjeter, si pjese integrale e perspektives se hyrjes ne BE.”

Edhe pse procesi zyrtar i zgjerimit te BE mbetet ne pritje deri ne vitin 2019, BE demonstron vullnetin politik per te mbajtur zotimet lidhur me perspektiven europiane te BP, sidomos ne kushtet aktuale te rritjes se ndikimit te Rusise ne rajon, te konsideruar prej saj si nje hapesire historike interesash.

Ne takimin informal te Durresit behet nje bilanc i ecurise se Procesit te Berlinit nga konferenca e Berlinit ne gusht 2014 ne Samitin e Triestes muajin e kaluar. Pritet qe kreret e qeverive te BP te ndermarrin hapa konkrete per te siguruar ngritjen e Zones Ekonomike Rajonale. (dw)