Arkivi mujor: Shtator 2017

Shkenca

Një raketë e re që shkurton distancat mes kontinenteve

Komento

raketa e reElon Musk, miliarderi amerikan që zotëron kompanitë Tesla dhe Space X ka prezantuar planet për ndërtimin e një raketë të re, që do t’i lejojë pasagjerët të udhëtojnë nga një kontinent në tjetrin brenda rreth 30 minutave. Musk ka thënë se planifikon të fluturojë me anijen pa pilot në Mars aty nga viti 2018, dhe synon të nisë një mision me njerëz në Mars në vitin 2025.

Në një prezantim në Adelaide, të Australisë Elon Musk tregoi një video me imazhe të një rakete që niset nga Nju Jorku dhe mbërrin në vende të ndryshme anembanë botës, duke përfshirë Tokion dhe Shangain.

“Gjëja e bukur e të udhëtuarit në hapësirë është se nuk ka rezistencë nga shtypja atmosferike. Prandaj, sapo të dilet nga atmosfera, udhëtimi është i patrazuar dhe pa probleme. Nuk ka mot, nuk ka atmosferë. Dhe mund të udhëtosh në shumicën e vendeve të largëta në më pak se gjysmë ore. Meqë duam të shkojmë në Hënë dhe në Mars, përse jo edhe në vende të tjera në Tokë”- tha zoti Musk gjatë prezantimit.

Ai tha se udhëtimi nga Nju Jorku në Shangai mund të bëhet për 39 minuta, ndërsa për të udhëtuar nga Bangkoku në Dubai do të duhen 27 minuta, dhe 30 minuta për të shkuar nga Tokio në Delhi.

Elon Musk, i cili është themeluesi dhe kreu i kompaninë SpaceX dhe i kompanisë të makinave luksoze elektrike Tesla, tha se SpaceX ka në plan që udhëtimi i parë i kompanisë në planetin Mars të realizohet në vitin 2022.

“Qëllimi i këtyre misioneve fillestare është që të gjejmë burimin më të mirë të ujit. Kjo është për misionin e parë dhe pastaj për misionin e dytë, qëllimi është ndërtimi i centralëve të energjisë”.

Misioni i dytë planifikohet të ndodhë në vitin 2024. Ai tha se kompania synon të fillojë ndërtimin e anijes së saj të parë hapësinore në gjashtë deri nëntë muajt e ardhshëm.

Elon Musk tha gjithashtu se fluturimet hapësinore që do të bëjnë të mundur udhëtimin nga një kontinent në tjetrin; ato mund të ndihmojnë edhe për të paguar për misionet e ardhshme për në planetin Mars. (voa)

Bota

Jo vetëm Katalonja: Kërkesat për pavarësi në Europë

Komento

europa pavarsiPërkundër vullnetit të Madridit qeveria rajonale e Katalonjës do të mbajë një referendum për pavarësinë. Por nuk është vetëm Katalonja, në Europë ka edhe rajone të tjera që dëshirojnë pavarësimin nga qeveritë qendrore.

Në gjysmën lindore të Europës shpërbërja e Bashkimit Sovjetik dhe e ish-Jugosllavisë kanë bërë që të krijohen shumë shtete të reja. Në Europën Perëndimore në të kundërt duket se shtetet e vjetra nacionale janë të konsoliduar prej kohësh. Por në këto themele gëlon dëshira për pavarësi e rajoneve në një sërë vendesh europiane, madje në disa prej tyre ka edhe përpjekje militante. Shanset për realizimin e një kërkese të tillë janë të ndryshme në vende të ndryshme.

Katalonja

Askund tjetër në Europë nuk është kaq e fortë tendenca për pavarësinë sa në Katalonjë. Ndërsa në kohën e diktaturës së Frankos shtypje ndjenja katalonjase, rajoni tashmë ka arritur një masë të gjerë autonomie politike dhe kulturore – ndër të tjera edhe duke pasur parlamentin evet rajonal. Por kjo nuk u mjafton shumciës së 7,5 milionë katalonjasve. Ata duan një shtet më vete, kryesisht për arsye ekonomike. Ata thonë, se Katalonja është rajoni më i pasur prej nga thith shteti spanjoll në tërësi. Rreth 20 përqind e produktit bruto spanjoll në vend realizohet në rajonin lindor përreth Barcelonës. Më 1 tetor qeveria rajonale ka shpallur referendumin për pavarësinë. Qeveria konservatore në Madrid e Mariano Rajoyt e refuzon referendumin dhe e konsideron atë antikushtetues e po pqërpiqet juridikisht e madje edhe me forcën e policisë që ta bllokojë atë duke sekusetruar fletët e votimit.

Rajoni i baskëve

Shumë katalonjas orientohen nga rajoni i baskëve. Në të gjithë Spanjën qeveria qendrore në Madrid mbledh taksat dhe i shpërndan ato në rajone të veçanta – por jo në rajonin e baskëve dhe në provincën që i përket atij Navarra me kryeqytet Pamplonan. Rajoni i baskëve i administron në mënyrë të mëvetsishme taksat dhe i paguan një shumë minimale Madridit. Rajoni i baskëve është ekonomikisht më i dobët se Katalonja. Ndonëse edhe nacionalizmi bask dhe gjuha baske janë shtypur nënd iktaturën e Frankos, një pakicë e vogël e nacionalistëve të sotëm baskë është militante. Organizata baske në ilegalitet, ETA, në rreth 50 vjet ka vrarë mbi 800 vetë, për trë arritur qëllimin e vet shkëputjen nga Madridi. Më 2011 ETA hoqi dorë nga dhuna. Por as sulmet dhe as bisedimet politike nuk e kanë mundësuar një referendum, pa folur më për pavarësinë. Një referendum në nëntor 2014 u kthye në një votë simbolike. Vetëm qeveria qendrore në spanjolle mund të mbajë një referendum të tillë, sipaskushtetutës spanjolle, por qeveria në Madrid e refuzon atë po ashtu si edhe referendumin në Katalonjë.

Skocia

Qysh prej 300 vjetësh ekziston unioni mes Skocisë dhe pjesës tjetër të Mbretërisë së Bashkuar. Por skocezët ka kohë që kërkojnë një autonomi më të zgjeruar. Një parlametn më vete ata e kanë. Por partia nacionale skoceze kërkon mëvetësinë. Më 2014 Londra lejoi referendumin për pavarësinë. Ndonëse shumica e skocezëve votuan kundër ndarjes, më 2016 fryma e pavarësisë u ringjall për shkak të referendumit ndaj BE-së në Britaninë e Madhe dhe procesin e daljes së saj nga BE-ja. Pas vendimit të britanikëve për daljen nga BE-ja kryeministrja e Skocisë Nicola Sturgeon u orientua nga nacionalistët: përderisa zgjedhësit në Skoci kanë votuar me shumicë për mbetjen e Britanisë së Madhe në BE, është e papranueshme, që Skocia automatikishttë dalë bashkë me Britaninë e Madhe nga BE-ja. Kur të bëhen të njohura më shumë detaje për brexit, në vjeshtën e vitit 2018 ajo do të mbajë një rëeferendum për pavarësinë ngjashëms i në vitin 2014.

Flandra

Në zgjedhjete fundit parlamentare në Belgjikë më 2014 Aleanca e re flamande nën unter Bart De Wever doli forca më e madhe politike në Flandër. De Wever është i bindur, që shteti i tërë belg gjithsesi do të “shpërbëhet” dhe se Flandra pa Valoninë do të jetë më mirë ekonomkisht. Një Flandër të pavarur ai synon ta arrijë ëprmes bisedimeve. Separatizmi flamand është një rast i veçantë: Belgjika gjithsesi përbëhet nga flamandët që flasin holandisht dhe valonët që flasin frëngjisht duke përfshirë këtu edhe komunitetin gjermanofon dhe Brukselin që ka dy gjuhë zyrtare. Ndëse Flandra shkëputet, Belgjika do të humbiste më shumë se gyjsmën e popullsisë si dhe forcën ekonomike. Nga Belgjika do të mbejet shumë pak. Pika më e nxehtë e debatit është në këtë rast statusi i Brukselit, që është edhe selia e BE-së dhe e NATO-s. Se çfarë do të ndodhte me Valoninë, është edhe kjo e paqartë. Madje ideja e atashimit Francës, Luksemburgut apo madje Gjermanisë ka qarkulluar përkohësisht. Sidoqoftë debati tashmë është i tejkaluar e deri më sot belgët jkanë afruare dhe më shumë ndër vete.

“Padania”

Lëvizja separatiste në Veri të Italisë është e motivuar thjeshtë nga ekonomia. Veriu me rajonet e Lombardisë, Aostës, Piemontit, Ligurias, Venetos dhe Emilia-Romagnas realizojnë me ndërmarrjet e tyre industriale dhe bankat pjesën më të madhe të produktit social italian. Shumë italiano-veriorë besojnë, se Italia e Mesme dhe ajo e Jugut konsumojnë paranë e fituar me mund në Veri të vendit. Partia Lega Nord në vitet 1990 donte shkëputjen e plotë të veriut “Padanias”, që rrjedh prej emërtimit italian  “pianura padana” për luginën e Posë. Sot Lega Nord është bërë më e moderuar. Tani ajo synon vetëm, që veriu ta mbajë për vete pjesën më të madhe të parave të xhiruara dhe t’i administrojë vet ato, në vend që ato t’i kalojnë Romës.

Tiroli i Jugut

Në Tirolin e Jugut bashkohen faktorë ekonomikë, historikë dhe kulturorë. Tiroli i Jugut deri në fund të Luftës së Parë Botërore i përkiste Perandorisë Austrio-Hungareze, më pas ai iu caktua Italisë. Pas fazës së italianizimit në kohën e Musolinit Tiroli i Jugut pas Luftës së Dytë Botërore fitoi më shumë autonomi politike dhe gjuhësore. Madje në pjesën më të madhe të ardhurat shtetërore ky rajon lejohet t’i mbajë vet. Tirolezët jugorë dukeshin për një kohë të gajtë të kënaqur. Por kriza e burxheve shetëtërore i  rindëzi përkohësisht ndejnjat e separatizmit. Italia është pas Greqisë vendi me më shumë borxhe në Eurozonë, e ekonomia nuk po rimëkëmbët. Shumë tirolezo-jugorë, të cilët janë mirë ekonomikisht, nuk duan të kenë të bëjnë me problemet e Italisë dhe prandaj kërkojnë “shkëputjen nga Roma”.

Korsika

Shteti francez prej kohësh është përpjekur, që ta spostojë nga jeta publiek dhe në shkolla gjuhën krosikane në ishull. përpjekjet për autonomi janë luftuar. Grupet militante, kryesisht ai FLNC, për shumë vite janë përpjekur të shkëputen me dhunë nga Franca, duke kryer sulme kundër përfaqësuesve apos imboleve të shtetit të Francës apo edhe shtëpive të pushimit në kontinent. Më 2014 FLNC dekalroi se do të heqë dorë nga lufta në ilegalitet. Por potenciali i konfliktit mbetet: propozimet e rezervuara për autonomi të qeverisë socialiste franceze nën Lionel Jospin në vitin 2000 e nxorrën opozitën konservatore në barrikada. Ajo besonte, se edhe rajone të tjera si Bretanja apo Alzasa mund të kërkonin pavarësinë. Tradicionalisht në Paris merren fare pak parasysh gjuhët rajonale, sepse tek to shihet të rrezikohet uniteti i vendit.

Bavaria

Fare pak bavarezë mendojnë soriozisht për krijimin e një shteti më vete. Por sidoqoftë Bavaria gëzon zyrtarisht qysh sot termin “shteti ilirë”. E me këtë Bavaria ka mundur të mbijetojë mirë. Ky është landi me sipërfaqen më të madhe ndër landet federale të Gjermanisë, me 13 milionë banorë ky rajon ka më shumë banorë se Suedia apo Portugalia dhe po ashtu ka rendimentin më të lartë ekonomik ndër landet federale. Nëse erkziston dëshira për më shumë mëvetësi të bavarezëve, atëherë kjo rrjedh kryesisht prej kompensimit financiar mes landeve, sistem ky përmes të cilit harmonizohen pjesërisht dallimet në mirëqenie mes landeve të pasura dhe të varfëra. Bavaria do të preferonte të paguante më pak në arkën e përbashkët. Por edhe këtu ka separatistë të mirfilltë. Politikani kristiansocial Wilfried Scharnagel në librin e botuar më 2012 bën thirrje, se “Bavaria mund t’ia dalë edhe vetëm” duke kërkuar kështu shkëputjen nga njësia e shtetit gjerman. Por deri më tani nuk ështëkrijuar ndonjë levizje më e madhe se kaq.  (voa)

Shqipëria

Rritja ekonomike, mbi 4 për qind. Më e larta që prej vitit 2012

Komento

rritja ekonomikeRritja ekonomike kërceu mbi katër përqind në tremujorin e dytë të vitit duke konfirmuar se aktiviteti ekonomik në vend është forcuar më tej.

Instituti i Statistikave raportoi se prodhimi kombëtar për periudhën prill-qershor u zgjerua me 4.06 përqind më bazë vjetore e udhëhequr nga ndërtimi, industria dhe turizmi.

Të dhënat historike tregojnë se rimëkëmbja e ekonomisë vazhdon të fitojë terren në mënyrë të qëndrueshme. Sipas INSTAT, kjo është rritja më e lartë ekonomike e shënuar në tremujorin e dytë që nga viti 2012.

Paralelisht të dhënat tregojnë se rigjallërimi i aktivitetit ekonomik është me bazë të gjerë, pasi prodhimi është rritur në 9 nga 11 sektorët e ekonomisë.

Zgjerimi me 4.06 përqind i ekonomisë për periudhën prill-qershor pason rritjen 3.94 përqind të shënuar në tremujorin e parë të vitit. Kjo do të thotë se në total për gjashtëmujorin e parë, prodhimi kombëtar në 2017-ën është zgjeruar me rreth 4 për qind, një shifër kjo më e lartë se pritshmëritë e FMN-së, por edhe vetë qeverisë.

Të dhënat sugjerojnë se veç përmirësimit të ambientit, aktiviteti ekonomik në gjysmën e parë të vitit mund të ketë përfituar edhe nga shpenzimet publike gjatë fushatës elektorale.

Por pavarësisht këtij efekti, statistikat e INSTAT tregojnë se pas 9 vitesh, rritja ekonomike në Shqipëri rikthehet sërish mbi nivelin 4 përqind, një shifër e cila nëse do të konfirmohet edhe në 6 mujorin e dytë, duket se e ndan përfundimisht ekonominë shqiptare nga kriza globale e vitit 2008, më e thella që bota ka përjetuar që nga Lufta e Dytë Botërore.

/ Top Channel

Bota

Gerhard Shrëder i besuar i Kremlinit

Komento

Putin SchrederIsh-kancelari gjerman Gerhard Shrëder pritet të zgjidhet anëtar i bordit drejtues të gjigandit rus të naftës dhe gazit Rosneft.

Koncerni Rosneft i përket me rreth 70% shtetit rus. Kancelarja Angela Merkel e quajti angazhimin e Shrëderit në kryesinë e këtij koncerni si diçka jo të mirë. Rosnefti bën pjesë në radhët e atyre sipërmarrjeve që janë ngarkuar me sanksione nga BE-ja për shkak të pushtimit të Krimesë nga Rusia.

Politikanë të tjerë gjermanë u shprehën edhe më ashpër se kancelarja Merjkel. Sekretari i përgjithshëm i CSU-së , Andreas Scheuer, e quajti Shrëderin “mercenar rus”. Kurse euro-deputeti i të Gjelbërve, Reinhard Bütikofer , e quajti atë “shërbëtor me pagesë të politikës së Putinit”.

Shrëderi është që prej përfundimit të karrierës së tij poltike, kryetar i bordit të aksionerëve të konsorciumit të gazsjellësit Nord Stream, shumicën e aksioneve të cilit i ka në zotërim koncerni shtetëror rus Gazprom.

Ish-kancelari 73-vjeçar u mbrojt me forcë ndaj kritikave dhe tha se “bëhet fjalë për jetën time dhe për të vendos unë dhe jo shtypi gjerman.” Partia Socialdemokrate, së cilës i përket kancelari, mendon ndryshe. Martin Shulc u distancua në një intervistë prej Shrëderit duke thënë se “çfarë bën një ish-kancelar është jo tërësisht çështje private”, sidomos kur ai vazhdon të përzihet në jetën politike gjermane, gjë që Shrëderi e bën me kënaqësi.

Maqedonia

“Turqia mbetet prioritet në politikën e jashtme për Maqedoninë”

Komento

“Turqia mbetet prioritet në politikën e jashtme për Maqedoninë”Turqia ka qenë dhe do të jetë në majën e prioriteteve të jashtme politike të Maqedonisë. Vëllimi i investimeve të huaja nga Turqia në Ballkan dhe Maqedoni është i konsiderueshëm, por ende ekziston hapësirë për përmirësim, u vlerësua në panel diskutimin që mbrëmë në Shkup e organizoi Shoqata e studentëve të diplomuar nga universitetet e Turqisë.

Në panel diskutimin u theksua se bashkëpunimi në planin kulturor, ekonomik, politik dhe akademik është dhe duhet të mbetet prioritet për të mirën e dy shteteve.

Sipas ish-kryeministrit të Turqisë dhe deputet nga Konja, Ahmet Dautoglu, i cili ishte folës kryesor në panel diskutimin, afërsia midis Maqedonisë dhe Turqisë veçanërisht te gjeneratat e reja është kyç për zhvillimin e mëtutjeshëm të marrëdhënieve të ardhshme bilaterale, ndërsa Shoqata e studentëve të diplomuar nga universitetet turke duhet ta marrë rolin e katalizatorit të zhvillimit përmes institucioneve arsimore.

“Neve na duhen njerëz të cilët ndërtojnë ura, e jo mure”, theksoi Davutoglu.

Në panel diskutim pati fjalim edhe ambasadorja turke Tylin Erkan Kara, ndërsa folën edh përfaqësuesit nga partitë politike dhe sektori i biznesit.

Qëllimi i panel diskutimit ishte që të rishikohen sfidat potenciale në zhvillimin e bashkëpunimit të ardhshëm midis Maqedonisë dhe Turqisë si në nivel ekonomik, ashtu edhe në atë politik, si dhe ruajtjen e marrëdhënieve bilaterale dhe krijimin e një klime që do ta rrisë afirmimin e investitorëve turq në Maqedoni dhe eksportuesit e Maqedonisë në Turqi./Telegrafi/

Kosova

Kurti: Vuçiq flet për Kosovën sikur të ishte komandant ushtrie

Komento

KurtiAlbin Kurti, deputet nga radhët e Lëvizjes Vetëvendosje, tha se Vetëvendosje nuk ka qenë kurrë kundër dialogut në parim, por kanë qenë kundër dialogut pa parime, raporton “Zeri.info”.

“Në dialogun e 6 viteve të fundit, 2 gjëra janë përjashtuar kategorikisht, historia dhe ekonomia”, ka thënë ai.

Ai tha se ne jemi dëshmitarë që kreu i Serbisë ka nis një dialog të brendshëm në Serbi, dhe ne nuk duhet të dialogojmë me Serbinë pa përfunduar ai.

“Nëse fillohet çfarëdo dialogu me Serbinë, atëherë nuk e dimë se me çfarë Serbie po dialogojmë, pra duhet të presim përfundimin e dialogut të brendshëm”, ka thënë Kurti.

Kjo sipas tij sepse ne nuk e dimë se çfarë mund të përgatisin ata, dhe duhet ta presim përmbajtjen dhe orientimin e këtij procesi të brendshëm atje.

Ai mendon se shenjat e para të këtij procesi nuk janë të mira.

“Ky dialog është bere me idenë se nëse nuk dialogojmë duhet të luftojmë, por kjo gjë nuk është na kontrast me luftën, por në fakt dialogu është kontrast me punën”, tha Kurti.

Ai gjithashtu shtoi se nuk duhet të anashkalojmë historinë e dialogut, dhe se nuk ka logjik që të vazhdoj ky dialog pa u hetuar se kush çka bëri qe 6vite.

Ndër të tjera Kurti ka thënë se Kosovës aktualisht nuk i duhet dialogu me Serbinë, por i duhet zhvillimi dhe drejtësia. Ai ka thënë se presidenti serb Aleksandër Vuçiq, kur flet për Kosovën, flet sikur të ishte komandant.

Këto komente ai i bëri gjatë një tryeze të organizuar nga KFOS, me qëllim të diskutohet rreth dialogut mes Kosovës dhe Serbisë./zeri

Kosova

Pacolli kërkon nga BE-ja anashkalimin e Demarkacionit për heqjen e vizave

Komento

PacollInstitucionet e Kosovës nuk do ta ratifikojnë versionin aktual të Demarkacionit të kufirit me Malin e Zi. Këtë qëndrim e ka kumtuar ministri i Jashtëm i Kosovës, Behgjet Pacolli pas takimit që zhvilloi në Bruksel me Përfaqësuesen e Lartë të Bashkimit Evropian, Federica Mogherini. Ai ka kërkuar që kushti i Demarkacionit të anashkalohet në këtë fazë, në mënyrë që qytetarëve të Kosovës t’u hiqen vizat.

“Më duket se ua kam bërë të qartë se Demarkacioni si i tillë nuk pritet të ratifikohet në këtë periudhë dhe në periudhat e ardhshme dhe këtë e kanë të qartë secili”, ka thënë Pacolli.

Sipas tij, vizita që po zhvillon aktualisht në Bruksel, ku në agjendë ka takimet me zyrtarët e lartë të BE-së dhe NATO-s, ishte një rast i mirë që t’i njoftojë ata me gjendjen reale në Kosovë.

Një nga shqetësimet kryesore për Qeverinë e Kosovës mbetetçështja e miratimit të Demarkacionit të kufirit me Malin e Zi, si kusht kryesor i vënë nga Komisioni Evropian për heqjen e vizave.

“Edhe të enjten e kam potencuar kudo që kam qenë, por edhe sot. Tani është një sfidë e cila duhet të tejkalohet. Sigurisht duhet të gjejmë rrugë tjetër dhe më duket se unë e shoh tani se ka hapësirë që të punohet me një alternativë tjetër duke anashkaluar këtë problem”, ka potencuar Pacolli.

“Jo që ta anashkalojmë dhe ta lëmë aty, por konsiderojmë se është një sfidë e cila duhet të tejkalohet por jo tani, nuk mund të kalohet tani, pritet momenti i duhur”, ka thënë shefi i diplomacisë kosovare.

Sipas tij, proceset e integrimeve në BE, për Kosovën nuk duhet të ndalen.

“Mos të presin që kjo sfidë të kryhet dhe të ecim përpara. Nëse e bëjmë këtë është gabim shumë i madh edhe i Brukselit edhe i Prishtinës”, është shprehur ai.

“Më duket se sot kur përfundova këtë vizitë, më duket se është hapur një perspektivë, është hapur një spirale ku mund të punohet, që në njëfarë mënyre të anashkalohet kjo sfidë dhe sa më shpejtë të vijmë te liberalizimi i vizave”, ka thënë ai.

“Nuk mund të them se ajo mund të bëhet për një muaj, dy muaj, tre muaj, por jam i lumtur që është krijuar njëfarë mënyre, është folur për krijimin e një grupi punues, i cili do të gjejë rrugën alternative se si të anashkalohet problemi i tanishëm dhe të ecim përpara”, ka vijuar Pacolli.

Sidoqoftë, Pacolli nuk tha se ka marrë edhe mbështetjen e Brukselit që të paktën përkohësisht të anashkalohet kushti i ratifikimit të Demarkacionit për heqjen e vizave.

“Ky kusht (ratifikimi i Demarkacionit), ndoshta është kuptuar sot se nuk ka qenë i domosdoshëm për kushtëzimin për liberalizimin e vizave dhe për këtë kusht, sot jemi duke punuar që të anashkalohet. Të mos hiqet kushti, por të anashkalohet dhe të arrihet deri te synimi ynë”, ka thënë ai.

Një formë të moratoriumit rreth kushtit për ratifikimin e Demarkacionit me Malin e Zi për një periudhë dy-vjeçare pati kërkuar nga Brukseli edhe ish-kryeministri Isa Mustafa, por kishte marrë përgjigje negative.

Në takimet me zyrtarët e lartë të BE-së dhe shefen e diplomacisë Mogherini, Pacolli ka thënë se është biseduar edhe në lidhje me vazhdimin e dialogut me Serbinë.

“Sigurisht ne jemi shtet dhe ne do të respektojmë të gjitha marrëveshjet që janë diskutuar dhe që janë arritur këtu në Bruksel. E di fare mirë se ky vit dhe viti i ardhshëm do të jenë vite intensive, do të jetë një kohë kur shpresoj shumë që do të përmbyllet me kontratën historike mes Serbisë dhe Kosovës, me kontratën e paqes”, ka nënvizuar Pacolli.

Vizita e Pacollit në Bruksel, pasoi ndalesën e tij para pak ditësh në Podgoricë, ku bisedoi me autoritetet e Malit të Zi në lidhje me çështjen e Demarkacionit të kufirit.

Mirëpo, edhe nga Qeveria e Malit të Zi, Pacolli mori mesazhinse për këtë vend, kjo çështje është e mbyllur dhe nuk mund të ri-negociohet. (rel)

Shqipëria

Rama: Masa kundër “grabitqarëve” të administratës

Komento

RamaKryeministri Edi Rama, në një takim me tatimpaguesit më të mëdhenj në vend, deklaroi se duhen masa kundër grabitqarëve e parazitëve në administratë dhe për formalizimin e mëtejshëm të ekonomisë.

“Nëse cënohet sipërmarrësi, fjala duhet të shkojë në majën e piramidës shtetërore dhe në zyrën e kryeministrit. Mos i pranoni ata që vijnë me bluxhinse në derë për të kontrolluar kompanitë më të mëdha të Shqipërisë. Nuk kërkohet llogari me pantallona të shkurtra. Refuzoni dhe lajmëroni që këta persona u refuzuan. Detyroheni ju që të shpëtoni nga letrat që lënë njerëz me shapka. Nuk duhet të lejojmë që kjo lloj figure që përfaqëson shtetin të bëjë ligjin në oborret e kompanive tuaja”, tha Rama.

Më tej, kreu i qeverisë shtoi: “Pjesa më e madhe e administratës do që të punojë e të jetë në rregull me ligjin, por nuk të lënë këta që helmojnë gjithë klimën. Brenda javës së ardhshme do të publikojmë platformën “online” të bashkëqeverisjes, që do të ketë rubrikë të veçantë për biznesin, që të ketë linjë direkte për çdo lloj cënimi dhe sjellje të padenjë të kujtdo që i shkon në derë bizneseve. T’u vëmë bashkë një kufi të gjithë atyre që marrin rroga nga buxheti dhe të pastrojmë llumin e korrupsionit që është kthyer në zullum të madh në kanalet e komunikimit të sipërmarrjes me shtetin”.

Rama theksoi se “ekonomia është rritur me 4.06% në tremujorin e fundit”, duke deklaruar se objektivi është që të kapet shifra 5%.

“Pastrimi i rrugës që lidh sipërmarrjen me shtetin është një nga masat kryesore që do të ndihmojë në objektivin e rritjes ekonomike. Një rritje 5% ndihet në të gjitha shtresat”, deklaroi Rama.

/ Top Channel

Shqipëria

Strukturat e rivlerësimit, miratohet varianti i shumicës

Komento

kuvendi i alNë Shqipëri parlamenti votoi në orët e para të mëngjesit të sotëm për strukturën e institucioneve të cilat janë ngarkuar për realizimin e procesit të rivlerësimit të mbi 800 gjyqtarëve dhe prokurorëve të vendit. Falë votave të saj shumica e majtë kaloi variantin e cili parashikon një personel ndjeshëm të reduktuar në numër krahasuar me kërkesat e paraqitura nga vetë drejtuesit e këtyre institucioneve. Komisioni i Pavarur i Kualifikimit, Kolegji i Posaçëm i Apelimit dhe institucioni i Komisionerit Publik, të cilët përbëhen gjithsej nga 27 anëtarë, kishin kërkuar që në total të kishin një personel mbështetës prej 185 punonjësish. Por struktura e miratuar parashikon vetëm 110 të tillë.

Opozita, si Partia Demokratikë ashtu dhe Lëvizja socialiste për Integrim e kundërshtuan qëndrimin e socialistëve dhe propozuan amendamente të posaçme të cilat ishin në një linjë me kërkesat e institucioneve të rivlerësimit. Të dyja palët akuzuan drejtuesit e shumicës se “përmes trysnisë financiare, po synon të vërë nën kontroll sistemin e Drejtesisë”. Sipas tyre procesi i rivlerësimit, hallka kyçe e të gjithë Reformës në Drejtësi po rrezikohet seriozisht, pasi “pavarësia dhe efikasiteti i institucioneve janë të kërcënuara”. Përfaqësuesit si të PD-ës ashtu dhe të LSI-së i kujtuan kryeministrit se vetëm Këshilli i MInistrave ka sipas tyre një organikë prej mbi 640 personash

Zoti Rama hodhi poshtë akuzat se po synon kontrollin e procesit, duke deklaruar se struktura e institucioneve të rivlerësimit është rishikuar në kuadër të riorganizimit të të gjithë administratës publike. “Ndryshimet që janë bërë nuk kanë eliminuar asnjë funksion, por kanë reduktuar staf të tepërt, të kotë, të paarsyetuar”, tha zoti Rama duke shtuar se “padyshim, në varësi të ngarkesës së punës, në varësi të ecurisë së punës, në varësi të çfarë puna do të sjellë, ne këtu jemi dhe mjafton të na provohet nevoja për më shumë staf dhe padyshim do të konsiderohet prioritet”.

Përsa i përket debatit për pagesën mujore të anëtarëve të 3 institucioneve, socialistët saktësuan se një gjë e tillë është e parashikuar në ligj, sipas tw cilit ata do të trajtohen me të njejtin nivel page si anëtarët e Gjykatës së Lartë apo Gjykatës Kushtetuese.

Parlamenti votoi gjithashtu në favor të Dekretit të ish presidentit Bujar Nishani i cili vitin e shkuar kishte kthyer pas ligjin për importin e mbetjeve urbane për qëllime riciklimi. Ashtu siç dhe kishin paralajmëruar socialistët u tërhoqën nga nisma e tyre e cila vitin e shkuar provokoi jo pak debate. Partia Demokratike ndërkohë këmbënguli se ajo nga ana e saj do të çojë në parlament kërkesën për organizimin e një referendum që do të ndalonte përfundimisht importin e mbetjeve urbane “në mënyrë që kryeministri Rama të mos mund t’i rikthehet kësaj çështjeje”, deklaroi kryetari i grupit parlamentar demokrat Edmond Spaho. (voa)

Bota

Turqia kërkon Gulenin në këmbim të pastorit amerikan

Komento

Pastori amerikanAutoritetet në Turqi thonë se do të lirojnë pastorin amerikan Andrew Brunson, që mbahet në arrest prej gati një viti, nëse Shtetet e Bashkuara do të ekstradojnë klerikun musliman Fethullah Gulen, të cilin Ankaraja e fajëson për grushtin e dështuar të vitit të kaluar.

“Ata thonë na jepni pastorin! Ju keni një predikues atje. Na e dorëzoni dhe do të përpiqemi t’iu japim Brunsonin“, tha presidenti turk Rexhep Tajip Erdogan në një fjalim televiziv.

Andrew Brunson që jeton në Turqi prej 23 vitesh si dhe gruaja e tij Norine, u arrestuan në tetor 2016 për shkelje të dyshuara të statusit të emigracionit.

Bashkëshortja e tij u lirua ndërsa akuzat ndaj pastorit u forcuar duke i shtuar dhe mbështetjen e dyshuar të rrjetit të klerikut Gulen, të cilin Turqia e ka etiketuar si përfaqësues të një organizatë terroriste.

Andrew Brunson dhe bashkëshortja e tij drejtonin një kishë të krishterë në qytetin turk të Izmirit.

Gjatë vizitës së tij muajin e kaluar në Ankara Sekretari amerikan i Shtetit Rex Tillerson tha se pastori Brunson ishte “burgosur padrejtësisht”.

Një dekret i gushtit të kaluar i dha fuqi presidentit Erdogan të ekstradojë të huaj në këmbim të të burgosurve turq jashtë vendit, në një “situatë që konsiderohen të nevojshme për sigurinë kombëtare ose për interesa të vendit”.

Turqia në mënyrë të përsëritur i ka kërkuar Shteteve të Bashkuara të ekstradojnë klerikun Fetullah Gulen i cili ndodhet në Pensilvani. (voa)