Kordinatorët nga Kosova dhe Serbia të enjtën në Bruksel, diskutojnë temat që u biseduan në takimin e nivelit të lartë Kosovë-Serbi që u mbajt javën e shkuar nën ndërmjetësimin e BE-së.
Në Bruksel do të takohen (me 23.07) përfaqësuesit e qeverisë së Kosovës dhe Serbisë, për të diskutuar temat që janë hapur në takimin e nivelit të lartë, që u mbajt javën e shkuar ndërmjet kryeministrit të Kosovës, Avdullah Hoti dhe presidentit të Serbisë, Aleksandar Vuçiq. Kështu tha zëdhënësja e Bashkimit Evropian, për Çështje të Jashtme dhe Politika të Sigurisë në BE, Nabila Massrali.
“Ne i kemi dërguar ftesat, presim që të dëgjojmë nga palët. Takimi i nivelit të ekspertëve do të fokusohet në temat që janë diskutuar”, thotë Massrali. Eksperët e të dyja vendeve, sipas Prishtinës zyrtare, do ta përgatisin draftin e marrëveshjes finale Kosovë-Serbi. Ndërsa kundërshtojnë pohimet që dialogu i së enjtes në Bruksel ka karakter teknik. Kryeministri Hoti, tha në mbledhjen e qeverisë, se “objektivat janë të qarta për ta përmbyllur këtë proces dhe jo të vazhdon si dialog teknik”.
“Nuk ka dialog teknik”
“Mbi bazën e platformës janë mbajtur diskutime deri më tash duke filluar nga Samiti i Parisit dhe të dy palët jemi ulur dhe kemi dhënë qëndrimet tona. Unë kam prezantuar platformën tonë që janë parimet kryesore dhe objektivat tona që i kemi ne në këtë proces. Objektivi i jonë është të përmbyllim procesin, e jo dialogu teknik. Dje e kam emëruar koordinatorin për dialog që ka marr përsipër të gjitha”, tha kryeministri Hoti.
Koordinator nga Kosova në dialog është emëruar Skender Hyseni, i cili në Bruksel udhëton së bashku me Ibrahim Makollin. Siipas kryeministrit, ata “do ta bëjnë draftimin e marrëveshjes finale, sa i përket çështjes së të pagjeturve”.
Ndër temat tjera të grupeve të ekspertëve, sipas kryeministrit Hoti, përfshihen edhe dëmet e luftës, borxhi shtetëror, pensionet, kursimet në banka si dhe dëmet e pronës private në kohën e luftës. Skender Hyseni ka qenë ministër i Jashtëm i Kosovës në vitin 2010, kur Gjykata Ndërkombëtare e Drejtësisë trajtoi legjitimitetin e shpalljes së pavarësisë së Kosovës. Asokohe Gjykata konstatoi se “shpallja e pavarësisë së Kosovës nuk ka shkelur të drejtën ndërkombëtare”.
Sot një dekadë më vonë, Skender Hyseni, para nisjes për në Bruksel, shkroi se “nga Serbia, dhe jo vetem nga ajo, bëhen përpjekje që ora të kthehet mbrapa, duke bërë thirrje absurde që të bisedohet për statusin e Kosovës”. Kjo sipas tij, “nuk bën të ndodhë”.
Gjykata konfirmoi pavarësinë
“Gjykata Ndërkombëtare e Drejtësisë, më 22 korrik 2010, me një votë bindëse prej 10 me 4, erdhi në përfundim “se deklarata e pavarësisë së Kosovës, e miratuar me 17 shkurt 2008, nuk ka shkelur të drejtën ndërkombëtare. Ky Mendim i Gjykatës ishte konfirmim dhe afirmim i qëndrimit të Kosovës dhe argumenteve ligjore përgjatë gjithë procesit këshillëdhënës. Pra mendimi nuk lë asnjë dyshim se Deklarata e Pavarësisë së Kosovës ishte dhe është legjitime dhe në harmoni me të drejten ndërkombëtare”, shkroi koordinatori i qeverisë së Kosovës në dialog, Skender Hyseni. Sipas tij, edhe mendimi i Gjykatës Ndërkombëtare të Drejtësisë ishte i qartë edhe me Rezoluën 1244 të KS, mbi bazën e së cilës u vendos Administrata e OKB-së në Kosovë.
“Deklarata e pavarësisë nuk ka shkelur rezolutën e Këshillit të Sigurimit 1244, thuhet aty duke dhënë arsyetim të drejtpërdrejtë se Rezoluta 1244 e KS të OKB ishte në thelb e disenjuar për të krijuar një regjim të përkohshëm për Kosovën. Rezoluta nuk ka përmbajtur ndonjë dispozitë që merret me statusin final të Kosovës, prandaj, ekzistenca e Kosovës si shtet sovran nuk mund të shkelë rezolutën 1244 të KS të OKB-së”, shkroi Skender Hyseni.
Serbia kundërshton pavarësinë
Autoritet e Serbisë nga ana e tyre vazhdojnë ta kundërshtojnë pavarësisë e Kosovës, sikundër që bëjnë thirrje që çdo marrëveshje Kosovë-Serbi, duhet ta ketë për bazë rezolutën 1244 të KS të OKB.
Mundësia e rinisjes së një dialogu “teknik”, Kosovë-Serbi, po kundërshtohet në Prishtinë edhe nga përfaqësues të presidencës së Kosovës. Shefi i kabinetit të presidentit të Kosovës, Hashim Thaçi, njëherësh këshilltari kryesor politik i presidentit, Bekim Çollaku, thotë se “qëllimi i dialogut me Serbinë, duhet të jetë marrëveshja përfundimtare për njohje reciproke dhe jo rinisja e një dialogu teknik të udhëhequr nga Bashkimi Evropian”.
“Rinisja e dialogut teknik të udhëhequr nga BE-ja nuk është në interesin e Kosovës. Ai është dizajnuar për të justifikuar hapjen e më shumë kapitujve për pranimin e Serbisë në BE, teksa e lë Kosovën të izoluar dhe në status-quo. Qëllimi duhet të jetë marrëveshja përfundimtare politike me njohje reciproke”, shkroi Çollaku në Twitter.
Mundësinë e vazhdimit të dialogut teknik Kosovë-Serbi, po e kundërshtojnë edhe dy partitë opozitare, lëvizja Vetëvendosja dhe Partia Demokratike e Kosovës Ato thonë se edhe vet “kryeministri Hoti nuk është i përgatitur për dialogun dhe nuk ka as platformë apo ekip për këtë proces”.
Kryeministri Hoti të premten datë (24.07), do të raportojë para kuvendit për rrjedhën e deritashme të dialogut me Serbinë. Ai thotë se do të raportojë sa herë i kërkohet para deputetëve.
Dialogu ndërmjet Kosovës dhe Serbisë, u ndërpre në nëntorin e vitit 2018 kur qeveria e Kosovës e udhëhequr nga Ramush Haradinaj, vendosi tarifë 100% ndaj mallrave serbe. Që nga ajo kohë, Beogradi e pati kushtëzuar rikthimin në tavolinën e bisedimeve me heqjen e tarifës dhe së fundi edhe të reciprocitetit, masë kjo e Kosovës që tashmë është hequr e që kurr nuk u mbështetë as nga faktori ndërkombëtar.
dw
Tensionet midis Turqisë dhe Greqisë po rriten. Ankaraja dëshiron të zgjerojë zonat e saj detare. A mund të legjitimohen këto pretendime nga e drejta ndërkombëtare?
Kryetari i Bashkimit Demokratik për Integrim, Ali Ahmeti është ftuar si dëshmitar nga Dhomat e Specializuara për Kosovën me seli në Hagë. Zoti Ahmeti njoftimin e ka bërë vetë në Facebook, ku shkruan se pa hamendje e ka pranuar ftesën dhe ka vendosur “kontakt konstruktiv dhe bashkëpunues me zyrtarët në Hagë”.Ai shkruan më tej se sundimi i ligjit dhe arritja e drejtësisë së mirëfilltë joselektive, vendore dhe ndërkombëtare, janë synim dhe detyrim i tij i përhershëm në të gjithë veprimtarinë e tij.Zoti Ahmeti, i cili ishte themelues i Ushtrisë Çlirimtare Kombëtare që luftoi kundër forcave qeveritare maqedonase në vitin 2001, ka qenë më parë anëtar i lëvizjeve ilegale shqiptare në Zvicër dhe bashkëpunëtor i afërt me drejtuesit e Ushtrisë Çlirimitare të Kosovës. Pas konfliktit të vitit 2001 në Maqedoni (të Veriut) ai formoi partinë Bashkimi Demokratik për Integrim dhe për 16 vjet ndodhet në pushtet.“Gjithmonë kam qenë ithtar i drejtësisë joselektive dhe jam në dispozicion të tërësishëm të organeve të drejtësisë për ta dëshmuar çiltërsinë e luftës çlirimtare të popullit shqiptar përballë gjenocidit të regjimit serb të Millosheviçit”, shkruan ai në Fecebook, por pa dhënë hollësi se kur do të shkojë në Hagë për të dëshmuar.
Ministria e Shëndetësisë dhe Mbrojtjes Sociale informon se gjatë 24 orëve të fundit janë kryer 496 testime për të dyshuar të prekur me COVID19, nga të cilat janë konfirmuar 68 raste pozitive.
Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 419 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 241 raste pozitive.
Ministria e Shëndetësisë informon se gjatë 24 orëve të fundit, janë kryer 1437 testime, dhe 137 raste të reja të COVID -19 janë regjistruar në:-Shkup 64-Shtip 19-Strugë 14-Kumanovë 7-Tetovë 7-Gostivar 6-Ohër 5-Kërçovë 4-Sveti Nikole 3-Radovish 2-Manastir 2-Veles 1-Prilep 1-Krushevë 1-Demir Hisar 1
Thomas Paine ishte aktivist politik, filozof, teoricien politik dhe revolucionar amerikan i lindur në Angli. Ishte autori i dy pamfleteve më me ndikim në fillimin e Revolucionit Amerikan dhe që frymëzoi më 1776 shpalljen e pavarësisë nga Britania e Madhe. Idetë e tij pasqyruan idealet e epokës së iluminizmit dhe të të drejtave transnacionale të njeriut. Ai ishte i përfshirë edhe në Revolucionin Francez. Në burg në Francë, shkroi veprën e tij më të njohur “Age of Reason” (Epoka e Arsyes)
Instituti Kombëtar i Shëndetësisë Publike të Kosovës njoftoi se gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 415 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 168 raste pozitive.