Moti sot do të jetë me vranësira të ndryshueshme me reshje të kohëpaskohshme bore në male dhe në vendet më të larta dhe reshje shiu e bore në zonat më të ulëta. Pasdite do të fillojë të fryjë erë e fortë veriperëndimore, e cila do të vazhdojë gjatë gjithë natës, ku në shumë vende do të jetë e fortë me mbi 80 kilometra në orë, kurse në male mbi 90 kilometra në orë, e cila do të shkaktojë rënie e mprehtë e temperaturës drejt të dielës.

Meteorologët njoftojnë se nesër do të mbajë mot pjesërisht i vranët dhe dukshëm më i ftohtë, e në disa vende do të fryjë borë dhe do të fryjë erë e fortë veriore.

Në ditët në vijim do të mbajë mot stabil, i ftohtë dhe me erë me temperatura minimale nën -10 gradë, e vende-vende temperaturat ditore do të jenë nën zero.

alsat

Ministria e Punëve të Brendshme ka njoftuar së fundmi se qytetarët dhe personat juridikë, përkatësisht pronarët e automjeteve, deri në datën 12 shkurt 2024 duhet t’i ndërrojnë targat nga shënimi MK me shenjën NMK.

Ndërrimin e targave me shenjë MK me NMK duhet ta bëjnë qytetarët në stacionet e autorizuara për kontrollim teknik dhe do të kushtojë nga 1400 deri në 1500 denarë.

“Pronarët e automjeteve duhet të paraqesin kërkesë për ndryshimin e targave në stacionet e autorizuara për kontroll teknik, ku në bazë të kërkesës në sportelin e MPB-së, paraqitet kërkesa për ndryshimin e targave dhe përfaqësuesi i Ministrisë së Brendshme lëshon leje të re qarkullimi dhe targa të reja me shpenzimet e pronarit të mjetit. Çmimi i lejes së qarkullimit është 200 denarë, ndërsa çmimi i targave është 1200 deri në 1300 denarë, varësisht nga forma e targës”, informojnë nga MPB.

Sipas Ligjit për automjete, nëse automjeti është në komunikacion me targa të ndryshme nga ato të parapara, parashihet gjobë në shumë prej 100 euro në kundërvlerë të denarit.

Kryetari i Qeverisë së Republikës së Maqedonisë së Veriut, Dimitar Kovaçevski, sot mori pjesë në nënshkrimin e Marrëveshjes për Mbikëqyrës dhe Këshilltar të konsulencës juridike për ndërtimin e Korridorit 8 dhe Korridorit 10-D, ku mbajti fjalim.

Marrëveshja është nënshkruar me kompaninë “IRD ENGINEERING” e cila është përzgjedhur për mbikëqyrjen dhe menaxhimin e transaksioneve për ndërtimin e Korridorit 8 dhe Korridorit 10-D. Në ngjarje morën pjesë dhe mbajtën fjalime edhe zëvendëskryeministri i Parë dhe ministër për Sistem Politik dhe Marrëdhënie ndërmjet Bashkësive, Artan Grubi, ministri për Transport dhe Lidhje, Bllagoj Boçvarski, zëvendësministri për Transport dhe Lidhje, Bekim Rexhepi, drejtori i Ndërmarrjes Publike për Rrugë Shtetërore, Ejup Rustemi dhe drejtori i “IRD ENGINEERING”, Paolo Orsini

Me nënshkrimin e Marrëveshjes, fillojnë aktivitetet për realizimin e Projektit për ndërtimin e infrastrukturës në Korridorin 8 për autostradën Tetovë – Gostivar – Bukojçan dhe Trebenishtë – Strugë – Qafë Thanë, si dhe për Korridorin 10-d, për autostradën Prilep- Manastir.

“Me nënshkrimin e kësaj Marrëveshje, vazhdojmë ta përforcojmë përcaktimin tonë si Qeveri, se akset rrugore, rrugët dhe infrastruktura në shtetin tonë janë një nga prioritetet kryesore në të cilat do të vazhdojmë të fokusohemi edhe këtë vit”, theksoi Kryeministri Kovaçevski.

Zëvendëskryeministri i Parë dhe ministër për Sistem Politik dhe Marrëdhënie ndërmjet Bashkësive, Artan Grubi theksoi se ky është projekti më i madh kapital.

“Sot me të vërtetë është ditë historike për Republikën e Maqedonisë së Veriut, siç tha edhe Kryeministri, fillojmë me ndërtimin e projektit më të madh në historinë e Republikës së Maqedonisë së pavarur, i cili do të jetë shumë i rëndësishëm për të gjithë qytetarët tanë, për gjithë ekonominë tonë dhe për ndërlidhjen rajonale”, tha zëvendëskryeministri Grubi, duke shtuar se tashmë është caktuar mbledhje e Komitetit drejtues, ku do të merret vendim për të filluar bisedimet mes konsulentit të zgjedhur dhe mbikëqyrës  IRD dhe konsorciumi “Behtel” dhe “Enka”, i cili do t’i ndërtojë të dy Korridoret 8 dhe 10-D.

Ministri i Transportit dhe Lidhjeve, Bllagoj Boçvarski, theksoi se infrastruktura është prioriteti kryesor i kësaj Qeverie, dhe nënshkrimi i kësaj Marrëveshjeje është një tjetër dëshmi se Republika e Maqedonisë së Veriut mbetet në rrugën e duhur për një shtet bashkëkohor evropian.

“Prej sot dhe në periudhën e ardhshme grupi i punës në bashkëpunim me konsulentin, i cili është edhe mbikëqyrës, do të nisë procesin e bisedimet me “Behtel” dhe “Enka” për të arritur një marrëveshje cilësore për ndërtimin e mbi 120 kilometra akse të autostradave të Korridorit 8 dhe Korridorit 10-D. Tashmë në pranverë presim të fillojmë ofensivën e fuqishme ndërtimore për ndërtimin e pjesës perëndimore të Korridorit 8”, tha ministri Boçvarski.

Drejtori i Ndërmarrjes Publike për Rrugë Shtetërore, Ejup Rustemi, shprehu nderin dhe kënaqësinë që e nënshkruan Marrëveshjen për Mbikëqyrje të Këshilltarin e konsulencës juridike për ndërtimin e Korridorit 8 dhe Korridorit 10 D me Grupin e „IRD INGINEERING Srl“, nga Italia.

“Me nënshkrimin e Marrëveshjes për punë ndërtimore të akseve të autostradës do të fillojë faza e dytë nga Marrëveshje me kryerjen e mbikëqyrjen profesionale në implementimin e katër akseve rrugore edhe atë: ndërtim i autostradës Tetovë – Gostivar; ndërtim i autostradës Gostivar – Bukojçan; ndërtim i autostradës Trebenishtë – Strugë – Qafë Thanë, si dhe ndërtim i autostradës Prilep- Manastir”, tha drejtori Rustemi.

Drejtori i “IRD Engeineering“, Paolo Orsini theksoi se është “nder dhe privilegj të jesh pjesë e kësaj ngjarje në Qeveri”.

“IRD Inzhenering janë të pranishëm në Maqedoni për shërbime inxhinierike në 20 vitet e fundit. Një nga avantazhet tona konkurruese është dhe do të jetë prania jonë lokale me një kombinim të përvojës dhe ekspertizës ndërkombëtare. Së bashku me partnerët tanë vendas në këtë projekt do të bëjmë të gjitha përpjekjet e nevojshme për të ndërtuar 4 akset rrugore me standardin dhe cilësinë më të lartë që korrespondojnë me cilësinë e rrugëve që po ndërtohen në BE”, potencoi Orsini.

klan

Vetëm për katër muaj rreth 200 nxënës të shkollave fillore edhe të mesme nga komuna e Tetovës janë shpërngulur jashtë vendit. Sipas përllogaritjeve, rreth tetë paralele janë shuar vetëm për pesë muaj në Tetovë.

Nga sektori për arsim në komunën e Tetovës thonë se këta të dhëna janë shqetësuese pasi që shkollat janë duke ngelur pa nxënës.

“Me fillimin e gjysme vjetorit të dytë në shkollat e mesme kërkuam informacion nga të gjitha shkollat fillore edhe të mesme se sa nxënës kanë marr fletëshpërngulje ku nga informacionet nga shkollat fillore kanë marrë 143 nxënës, ndërsa nga shkollat e mesme fletëshpërngulje kanë marrë 59 nxënës edhe në qoftë se këta numra i përllogaritim në numër të paraleleve, duke marr minimum prej 25 nxënës në një paralele I bije që kemi tetë paralele më pak”, thotë Nazmi Dauti, udhëheqës i sektori për arsim në komunën e Tetovës.

Vetëm në shkollën e mesme të mjekësisë janë shpërngulur tetë nxënës në gjysme vjetorin e parë ndërsa nga janari deri në fund të vitit 2022 janë shpërngulur edhe 13 nxënës, thotë drejtori Binas Pajaziti.

“Nga shtatori në dhjetor në shkollën tonë janë shpërngulur tetë nxënës edhe nëse e marrim vitin paraprak që është nga janari në dhjetor është 21 në total, tetë janë nga shtatori edhe 13 janë nga janari në qershor”, njofton Binaz Pajaziti drejtor i shkollës së mesme të mjekësisë. Fenomeni i ikjes masive më së shumë ka goditur edhe fshatrat e Malësisë së Tetovës. Numri i nxënësve ka rënë dukshëm dhe shifrat janë alarmante, pohon drejtori i shkollës fillore të fshatit Veshallë.

Ai thotë se ky është një trend i dhimbshëm për këtë rajon sepse rrezikohen edhe vendet e punës për shumë arsimtarë.

“Ky fenomen na ka goditur shumë, pasi që nëse në vitet e 90-ta por pas vitit 2000 kemi, pasur 300 nxënës dhe gradualisht kohëve të fundit kemi numër gjithnjë më të vogël të nxënësve. Ndërsa tani ky numër është pothuajse i barabartë me numrin që kemi pasur të nxënësve kur janë hapur shkollat e para në malësinë e Tetovës, pra është numër tejet i dhimbshëm, apo nën 100 nxënës”, deklaroi Shefajet Ramadani, drejtor i shkollës fillore në fshatin Veshallë.