Kosova

Lunacek: Arrestimi i Kurtit dhe aktivistëve të VV-së, në kohë të papërshtatshme

Komento

ulrike-lunacekNë një intervistë dhënë për KosovaPress, nënkryetarja e Parlamentit Evropian dhe raportuesja për Kosovën, Ulrike Lunacek ka komentuar situatën e fundit politike në Kosovë si dhe tensionet në rritje mes opozitës dhe Qeverisë lidhur me marrëveshjet për Asociacionin me Serbinë dhe demarkacionin me Malin e Zi.

Lunacek tha se arrestimi i deputetit Albin Kurti dhe aktivistëve të tjerë është bërë në kohë të papërshtatshme. Ajo ka porositur Qeverinë dhe opozitën që të gjejnë mënyra për tejkalimin e mospajtimeve, duke e parë propozimin pesë pikësh të Vjosa Osmanit e Ilir Dedës si alternativë për kalimin e kësaj krize.

“Duke i parë protestat e dhunshme në Kuvendin e Kosovës, unë edhe njëherë kërkoj nga partitë opozitare dhe Qeveria përgjegjësi politike që të mos ketë edhe më shumë përshkallëzime në dhunë. Arrestimi i deputetit të Lëvizjes Vetëvendosje Albin Kurti dhe dhjetëra aktivistëve të tjerë të shtunën, mund të jetë kryer sipas procedurave penale, por duke marre parasysh situatën e tensionuar, koha dhe shtrirja e këtij aksioni nuk ishin të dobishme për të përkrahur një fillim fuqimisht të nevojshëm për dialog në mes të opozitës dhe Qeverisë”, tha Lunacek për KosovaPress.

Raportuesja për Kosovën në Parlamentin Evropian, Lunacek ka porositur që dialogu të jetë mjeti i vetëm për zgjidhjen e mospajtimeve, duke bërë thirrje që të shfrytëzohen mundësitë e ndryshme për të ardhur tek dialogu.

“Në këtë mënyrë, e ripërsëris thirrjen time për dialog, si të vetmin mjet për të zgjidhur mos pajtueshmëritë. Po ashtu inkurajoj të gjitha palët që të shfrytëzojnë mundësitë e ndryshme për të dialoguar, përfshirë edhe propozimin e deputetëve Deda-Osmani”, ka thënë Lunacek në një intervistë për KosovaPress, të cilën të plotë do ta publikojmë nesër. /KosovaPress/

Shqipëria

Gjigandi kinez merr autostradën Shqipëri-Mali i Zi

Komento

^Agjencia e lajmeve “Reuters” raporton se “China Pacific Construction Group”, kompania kineze e ndërtimit, më e madhja për nga të ardhurat, nënshkroi një marrëveshje me vlerë 1.72 miliardë dollarë për ndërtimin e një autostrade midis Malit të Zi dhe Shqipërisë.

“Reuters” i referohet një njoftimi të vetë kësaj kompanie kineze.

“Ndërtimi i kësaj lidhjeje 280 kilometra do të nisë në pjesën e dytë të vitit 2016 dhe do të përfundojë në vitin 2018”, ka deklaruar presidenti kësaj kompanie, Yan Jiehe, në një konferencë për shtyp në Pekin.

Kjo kompani planifikon të përdorë tarifat e rrugës si kolateral për këtë projekt, tha  Yan. “Financimi duhet ende të finalizohet”, shtoi ai.

/ Top Channel

Kosova
Komento
kuvendi lotsjelles14:37

Kryesia e Kuvendit ka marrë vendim që të pezullojë pjesëmarrjen e deputetëve nga opozita në seancën e sotme plenare.

Pikërisht ky vendim i Kryesisë, ia ka mundësuar edhe sigurimit të këtij institucioni, që të mos lejojnë depërtimin e opozitës në sallën ku po mbahet seanca.

Lëvizja Vetëvendosje, Aleanca për Ardhmërinë e Kosovës dhe Nisma për Kosovën, e kanë cilësuar si “anti-kushtetuese masën e suspendimit” dhe kanë paralajmëruar mbajtjen e protestave.

14:12

Seanca vazhdon pa opozitën

Deputetët e partive në pushtet, pa ata nga rradhët e opozitës, fillimisht zunë vendet e tyre në një sallë alternative për vazhdimin e punimeve të seancës së ndërprerë, por u transferuan në sallën kryesore, aty ku mbahen rëndom seancat plenare.

Sigurimi i Kuvendit nuk ka lejuar opozitën që të hyjë në sallë

13:55

Ligjvënësit nga opozita kanë bërë përpjekje të depërtojnë përtej forcave të sigurimit, të cilët kishin bllokuar hapësirën, që çon në drejtim të sallës kryesore të Kuvendit të Kosovës, ku edhe mbahen seancat plenare.

Aty është hedhur sërish gaz lotsjellës, ndonëse ende nuk është e qartë nga kush.

Pjesëtarët e sigurimit aktualisht kanë vënë maskat në fytyrë për t’u mbrojtur nga gazi.

13:28

Lëvizja Vetëvendosje ka deklaruar përmes një postimi në Facebook, për masën e paraburgimit që i është caktuar deputetit Fisnik Ismaili. Ai nuk është lejuar të hyjë në sallën e Kuvendit, me dyshimin se i janë gjetur bombola gazi.

13:24

Seanca e Kuvendit të Kosovës nuk ka filluar ende, me gjithë njoftimet se do të fillojë në orën 13:00.

Fisnik Korenica, nga Grupi për Studime Juridike dhe Politike, në një prononcim për Radion Evropa e Lirë, ka komentuar propozimin që thuhet të jetë bërë sot në mbledhjen e Kryesisë së Kuvendit, për të përjashtuar në një afat të caktuar opozitën nga punimet e Kuvendit të Kosovës.

“Nëse Kuvendi i Kosovës vendos që ta përjashtojë opozitën, me çfarëdo formule procedurale, me një gjë të tillë, në fakt, e dëmton vetë legjitimitetin e tij. Në anën tjetër, nëse nuk ka dialog prej të dyja palëve, ulje në një tryezë të përbashkët, gjithashtu ky do të jetë një reflektim që do ta dëmtojë dhe do të vazhdojë ta dëmtojë procesin”, ka thënë zoti Korenica.

12:44

Kryesia thërret vazhdimin e seancës, për orën 13:00

Kryesia e Kuvendit të Kosovës ka vendosur që seanca e ndërprerë pas hedhjes së gazit lotsjellës të vazhdojë rreth orës 13:00.

Aida Dërguti, nga Lëvizja Vetëvendosje, ka marrë pjesë në këtë mbledhje të Kryesisë dhe ka thënë se ka pasur propozim nga Partia Demokratike të Kosovës dhe Lidhja Demokratike e Kosovës, që të votohet për përjashtimi i forcave politike në opozitë nga punimet e Kuvendit.

Raportohet gjithashtu se ndaj këtij propozimi ka pasur kundërshtime nga disa anëtarë të Kryesisë së Kuvendit.

12:27

Ligjvënësit e Kuvendit të Kosovës janë duke pritur përfundimin e mbledhjes së Kryesisë së Kuvendit, për të kuptuar nëse seanca e paralajmëruar për sot, do të vazhdojë.

Seanca u ndërpre që në fillim, nga hedhja e gazit lotsjellës, nga ana e deputetëve në opozitë.

Nuk dihet ende nëse seanca do të mbahet në një seancë alternative, ashtu siç ka ndodhur në dy raste deri më tash, pa praninë e deputetëve nga opozita.

12:20
Policia konfirmon arrestimin e deputetit Fisnik Ismaili

Policia e Kosovës ka konfirmuar se ka arrestuar deputetin e Lëvizjes Vetëvendosje, Fisnik Ismaili.

“Policia e Kosovës me zyrtarët e saj policor, ka filluar me kontrollin e personaliteteve në hyrje të Kuvendit të Kosovës, ku gjatë kontrollit tek deputeti Ismaili janë gjetur në posedim dy (2) bombola gazi, që dyshohen të jenë gaz lotsjellës”, thuhet në komunikatën e policisë.

“Me vendim të Kryesisë së Kuvendit të Kosovës, bazuar në Rregulloren e Kuvendit të Kosovës është kërkuar hyrja e personelit të sigurimit në seancën e Kuvendit të Kosovës, të cilët konform autorizimeve ligjore kanë hyrë duke formuar kordon sigurie brenda në seancë”.  

12:00

Ligjvënës nga radhët e opozitës janë duke u kontrolluar nga sigurimi i Kuvendit të Kosovës, pas hedhjes së gazit lotsjellës sot nga Lëvizja Vetëvendosje dhe Nisma për Kosovën, brenda në sallë.

Autoritetet e rendit duket se janë duke mbledhur prova nga salla, për gazin lotsjellës, dhe prandaj nuk po lejojnë hyrjen e deputetëve brenda saj.

Ndërkohë, në hapësirat e Kuvendit është duke u mbajtur edhe mbledhja e Kryesisë së Kuvendit, në të cilën pritet të vendoset për vazhdimin ose jo të seancës së sotme.  (rel)

Kosova

Gaz lotsjellës në parlamentin e Kosovës

Komento

Partitë opozitare sërish bllokuan seancën e parlamentit të Kosovës duke hedhur gaz lotsjellës në mjediset e tij. Shumica parlamentare rifillio seancën rreth orës 14 e 30 pa praninë e opozitës.

gaz lotsjelles ne kuvendPartitë opozitare bllokuan sërish të hënën seancën e parlamentit të Kosovës, në shenjë kundërshtimi ndaj marrëveshjeve me Serbinë dhe asaj për shënimin e kufirit me Malin e Zi.

Deputetët e partive opozitare hodhën sërish gaz lotsjellës në sallën e mbledhjeve të parlamentit duke pamundësuar fillimin e saj.

Policia e Kosovës, shoqëroi deputetin e Lëvizjes Vetëvendosje, Fisnik Ismaili, pasi që tek ai u gjetën dy bombola, që dyshohen të jenë gaz lotsjellës.

Deputetët e opozitës hodhën gaz edhe në korridorin e parlamentit.

Pas disa orësh, deputetët e shumicës vazhduan seancën pa praninë e deputetëve të opozitës.

Parlamenti u mblodh dy ditë pas një operacioni të forcave të posaçme të policisë së Kosovës në selinë qendrore të Lëvizjes Vetëvendosje në Prishtinë, me ç ‘rast u arrestuan mbi 90 aktivistë të kësaj lëvizjeje, përfshirë këtu edhe deputetin Albin Kurti.

Opozita e cilësoi të papranueshme ndërhyrjen e policisë së Kosovës ditën e shtunë në selinë e lëvizjes Vetëvendosje për të arrestuar deputetin e saj, Albin Kurti, ndaj të cilit ditë më parë është lëshuar një urdhër arresti për shkak të veprimeve gjatë protestave të opozitës në parlamentin e Kosovës, kundër marrëveshjeve me Serbinë. Një gjykatë në Prishtinë i caktoi zotit Kurti masën e paraburgimit prej 30 ditësh.

Arrestimi i zotit Kurti të shtunën pasoi protestën e partive opozitare që bën thirrje për anulimin e marrëveshjes për krijimin e asociacionit të komunave me shumicë serbe, që sipas tyre, ndan Kosovën nga brenda si dhe asaj për kufirin me Malin e Zi, që sipas opozitës bën që Kosova të humb rreth 9 mijë hektarë tokë.

Presidentja e Kosovës, Atifete Jahjaga, tha të dielën se zgjidhjet për çdo shqetësim duhet të gjenden përmes dialogut në kuadër të institucioneve të zgjedhura në mënyrë demokratike, që përfaqësojnë vullnetin e qytetarëve të vendit. Presidentja Jahjaga bën thirrje për vendosjen e dialogut politik ndërmjet të gjitha subjekteve politike të vendit, me qëllim të shmangies së përdorimit të dhunës dhe të imponimeve si mjet të zgjidhjes, që rrjedhimisht siguron rendin demokratik në vend.

Qeveria e Kosovës ritheksoi gatishmërinë për të biseduar rreth shqetësimeve të subjekteve opozitare. Në një njoftim të qeverisë thuhet se ajo është duke pritur interpretimin e Gjykatës Kushtetuese për Marrëveshjen për krijimin e Asociacionit të Komunave me Shumicë Serbe në Kosovë, si dhe ka iniciuar ekspertizë ndërkombëtare për procesin e përkufizimit të vijës kufitare ndërmjet Kosovës dhe Malit të Zi, duke siguruar ballafaqimin e argumenteve të Komisionit shtetëror dhe të opozitës.

Opozita, për më shumë se dy muaj ka bllokuar punën e parlamentit në shenjë kundërshtimi ndaj këtyre marrëveshjeve. Deputetët e opozitës hodhën në disa raste gaz lotsjellës në mjediset e parlamentit për të pamundësuar mbajtjen e seancave të tij, ndërsa protesta të përshkuara me përplasje të dhunshme kanë ndodhur edhe në rrugë.

Marrëveshjet me Serbinë që çuan në shtim të tensioneve politike ndërmjet koalicionit qeverisës dhe partive opozitare, ishin pjesë e bisedimeve për normalizimin e marrëdhënieve ndërmjet të dyja palëve që janë edhe kusht për afrimin e tyre me strukturat evropiane. Ato i siguruan Serbisë negociatat për anëtarësim në Bashkimin Evropian, ndërsa Kosovës Marrëveshjen e Stabilizim Asocimit, e cila u nënshkrua me 27 tetor. (voa)

Bota

Konferenca Botërore e Klimës: A mund të arrihen objektivat për shpëtimin e globit?

Komento

Në Konferencën Botërore për Klimën në Paris që fillon të hënën (30.11) vendoset mbi klimën globale. Temperatura e tokës dhe emisionet e dioksidit të karbonit kanë arritur shifra rekord. Përpjekjet aktuale nuk mjaftojnë.

ndryshimet klimatikeTemperatura mbi sipërfaqen e tokës është rritur me një gradë që nga fillimi i industrializimit. Ky është rezultati i përllogaritjeve të kryera nga shërbimi metereologjik britanik. Ky përbën gjysmën e kufirit kritik prej dy gradësh. Për shkencëtarët ky është kufiri më i lartë. Nëse planeti do të vazhdojë të ngrohet, pasojat e ndryshimeve klimaterike do të arrijnë përmasa katastrofale, parashikojnë ekspertët e klimës. Ata kanë përkrahjen e Organizatës Botërore të Metereologjisë (OBM). Sipas raportit të OBM-së, këtë muaj edhe përqëndrimi në atmosferë i gazrave me efektin serë, të cilat janë të dëmshme për klimën, ka arritur një nivel akoma më të lartë.

Përpara një situate të tillë, përfaqësuesit e 195 shteteve do të përpiqen në Paris që deri më 11.12. 2015 të bien dakord për një marrëveshje të re mbi klimën globale, me objektiva detyruese, e cila do të zëvendësoje Protokollin e Kyoto-s të 1997-ës.

Më 1 tetor përfundoi afati jozyrtar, brenda të cilit të gjitha shtetet, të cilat i janë bashkuar „Konventës së Përgjithshme të Kombeve të Bashkuara për Ndryshimet Klimatike“ (angl.: United Nations Framework Convention on Climate Change, UNFCCC), duhet të paraqisnin objektivat e tyre për mbrojtjen e klimës për periudhën 2025-2030. 146 vende dorëzuan të ashtuquajturat “Intended Nationally Determined Contributions” (INDC, shqip: kontributet e synuara në bazë kombëtare) – këto përbëjnë tre të katërtat e të gjitha vendeve anëtare.

Zëdhënësi i UNFCCC-së, Nick Nuttall, është i kënaqur me rezultatin: „Shumica janë vende me shtrirje gjeografike të gjerë“, tha ai në një intervistë për DW. „Mes tyre ndodhen të gjitha shtetet e industrializuara dhe vendet e mëdha në zhvillim. Edhe nëse do të vazhdojnë të vijnë INDC-të e tjera, nuk do të sjellin ndonjë ndryshim të madh.“ Studiuesit mendojnë, se pasojat më të rënda të ndryshimit të klimës do të mund të shmangen, vetëm nëse Toka nuk do të ngrohet me më shumë se dy gradë. Por INDC-të e paraqitura nuk mjaftojnë që temperaturat të qëndrojnë nën këtë kufi: Sipas përllogaritjeve të studiuesve të Climate Action Tracker (CAT, shqip: Gjurmuesit e Aksionit Klimatik Climate Action Tracker , nëse të gjitha INDC-të do të zbatoheshin, atëherë temperatura do të rritej me 2,7 gradë krahasuar me kohën paraindustriale. CAT është një analizë e pavarur, e hartuar nga 4 institute kërkimore, e cila studion detyrimet që secili nga shtetet i ka vënë vetes në kuadrin e përpjekjeve për mbrojtjen e klimës.

Ekspertët kërkojnë rishikimin e INDC-ve

Të gjitha qeveritë duhet t‘i rishikojnë kontributet e tyre“, thotë Louise Jeffery në një bisedë me DW. Ajo është studiuese në Institutin e Potsdamit për Kërkimet mbi Pasojat Klimatike dhe pjesëmarrëse në hartimin e Climate Action Trackers.

Shumica eZëdhënësi i UNFCCC-së, Nick Nuttallrategjive klimatike të vlerësuara nga CAT u cilësuan si „mesatare“ ose „të mangëta“. Indien India ishte një nga vendit e fundit, që dorëzuan INDC-të e tyre – dhe është njëkohësisht një nga më të rëndësishmit përsa i përket emetimeve të dioksidit të karbonit. Vendi në ekspansion, që po përpiqet të zhvillohet, synon që deri në 2030-ën t’i ulë me një të tretën emetimet e veta – por gjithmonë në varësi të rritjes ekonomike. Nëse në vitet e ardhshme prodhimi i brendshëm bruto i vendit do të dyfishohet, edhe emetimi i gazrave të dëmshëm do të dyfishohet – pavarësisht nga ulja e synuar.

Besim në parimin e shpresës

Edhe Bashkimi Evropian nuk e kaloi mesataren me INDC-të e tij. Ndërkohë që sidomos GjermaniaDeutschland ka objektiva klimatike shumë ambicioze: Deri në 2020, ajo dëshiron t’i ulë emetimet e gazrave me efektin serë deri në 40%. Por plani ka ende një „boshllëk në mbrojtjen klimatike“, e cila sipas vlerësimeve të Qeverisë Federale peshon rreth 90 milionë tonë CO2. „Pa masa shtesë ne arrijmë një ulje deri në 32-35%“, thotë Christian Hey në një intervistë me DW. Ai është Sekretar i Përgjithshëm i Këshillit të Mjedisit, një komision këshillimor i Qeverisë Federale.

Për këtë arsye në mars, Ministri i Ekonomisë, Sigmar Gabriel, kishte propozuar një tatim klimatik për termocentralet e qymyrgurit, por u tërhoq për shkak të presionit lobist einen Rückzieher. . Edhe objektivi për 2020-ën i përdorimit të një milionë makinave elektrike në rrugët e Gjermanisë, duket i paarritshëm: Në maj të 2015-ës u lejuan rreth 22.000 të tilla, këtyre u shtohen edhe 120.000 të ashtuquajtura hibridë elektrikë (Plug-in-Hybride), të cilat përveç motorit elektrik, kanë edhe një motor me djegje. „Programi klimatik tani për tani bazohet në parimin e shpresës dhe jo tek masat që duhen zbatuar konkretisht“, kështu Hey.

Masa afatgjate në vend të vullnetit të mirë

Me qëllim që deklaratat e objektivave të përkthehen në përparime të matshme, duhet që në vazhdën e Konferencës Klimatike të Parisit edhe INDC-të të sigurohen përmes disa mekanizmave afatgjatë, kërkon studiuesja e CAT Jeffrey – për shembull duke kontrolluar përparimin lidhur me objektivat klimatike çdo pesë vjet. Masat e planifikuara për mbrojtjen e mjedisit do të duhej pastaj të përshtateshin ose eventualisht edhe të forcohen, me qëllim që të mos arrihet kufiri i dy gradëve. Përveç kësaj, në Paris duhet që të sigurohet edhe mbështetja financiare e mjaftueshme për vendet në zhvillim dhe ekspansion, me qëllim që ata të përmbushin objektivat e tyre klimatike, thotë zëdhënësi i UNFCCC-se, Nik Nuttall: „Përsa i përket ambicieve tona, INDC-të nuk janë mundësia e fundit që kemi, por themeli mbi të cilin mbështeten të gjitha masat e mëtejshme.“

Në samitin e sivjetshëm mbi klimën globale duhet që shtetet pjesëmarrëse të bien dakord mbi të gjitha për disa rregulla të detyrueshme përsa i përket emetimeve të CO2. Kritikët kanë vërejtur herë pas here, se, në rast të kundërt zbatimi, i strategjive kombëtare për mbrojtjen e klimës do të varej nga vullneti i mirë i qeverive pasardhëse. Edhe objektivi 40-përqindësh i Gjermanisë nuk ka vlerë juridike, por është thjeshtë një deklaratë politike. Duke qenë se Angela Merkel ndërkombëtarisht mbahet si kancelarja e mbrojtjes së klimës, rrezikohet shumë, nëse objektivi nuk arrihet: „Natyrisht që atëherë besueshmëria e Gjermanisë, si një vend pararojë në mbrojtjen ndërkombëtare të klimës, do të pësonte një dëm të madh“, thotë Sekretari i Përgjithshëm i Këshillit të Klimës, Hey. „Dhe kjo s‘do të thotë asgje tjetër përveçse do të dëmtohej besueshmëria e një motori të bisedimeve ndërkombëtare. Dhe në fund kjo do të dëmtonte edhe mbrojtjen e klimës globale.“ (dw)

Shqipëria

Tiranë: Kujtohen dëshmorët e luftës

Komento

nena shqiperiShqipëria nderoi dëshmorët e saj të Luftës së Dytë Botërore gjatë ceremonive të organizuara sot në përvjetorin e çlirimit të saj nga pushtuesit nazifashistë.

Presidenti i Republikës, Bujar Nishani, kryeministri Edi Rama, dhe autoritetet të tjera shtetërore vendosën kurora me lule në Varrezat e Dëshmorëve të Kombit pranë monumentit Nënë Shqipëri.

Më pas kryeministri Rama dha një pritje me rastin e Ditës së Çlirimit të Atdheut. Ai tha se 29 Nëntori është “një thirrje për të luftuar për paqen dhe qytetërimin, të cilit paraardhësit tanë zgjodhën t’i përkasin kur nisi Lufta e Dytë Botërore dhe ne kemi zgjedhur t’i përkasim sot kur ka nisur një luftë e pangjashme me të dhe me tjetrën përpara saj”.

Zoti Rama përmendi ngjarje si ajo e 7 dhjetorit 1941 mbi flotën amerikane në Pearl Harbor dhe Kartën e Atlantikut si koalicioni më i madh kundër ideologjisë nazifashiste.

“Komunistë, nacionalistë, shumica thjesht patriotë, pjesa dërrmuese të reja e të rinj, me vështrim të kthjellët dhe kurajë të posaçme, e angazhuan kombin tonë në anën e duhur të historisë dhe bënë histori me luftë, gjak, sakrifica dhe mundime të denja për mirënjohjen dhe respektin e gjithë brezave të ardhshëm” – tha zoti Rama.

Ai shtoi se sot njerëzimi kërcënohet haptas nga diçka edhe më e errët se sa nazizmi, se lufta kundër terrorizmit nuk është vetëm lufta e shteteve kundër terroristëve, por dhe lufta e çdo qytetari kundër frikës që terroristët duan të kallin në çdo familje.

“29 Nëntori na përçon ndjenjën e krenarisë dhe respektit, për çka bënë shqiptarët, duke e shpëtuar dhe e nderuar Shqipërinë, por dhe kurajën e forcën e madhe të shembullit që na nevojitet për të përballuar armikun e ri të jetës sonë prej njerëzish të lirë. Armikun e përbetuar të Europës ku ne jetojmë dhe duam të rritemi për t’u bërë anëtarë të denjë të BE” – shtoi kryeministri Rama. (voa)

Kosova, Shqipëria

Kushtet e Gjermanisë për punëtorët nga Ballkani

Komento

Shqiptarët nuk kanë shanse për azil politik, por Gjermania do të hapë rrugën për ardhjen legale të fuqisë punëtore nga vendet Ballkanit, thotë Anette Kramme, në bisedë me Deutsche Wellen.

Migracioni dhe refugjatët janë aktualisht ndër temat më të rëndësishme në Gjermani. Deri në tetor të vitit 201 janë paraqitur mbi 130.000 kërkesa për azil nga shtetasit e vendeve të Balkanit Perëndimor. Ndër ta janë rreth 35.000 nga Kosova dhe rreth 45.000 nga Shqipëria. “Por shanset e tyre për azil janë të gati të barabarta me zero”, thotë sekretarja e Shtetit në Minsitrinë e Punës dhe Çështjeve Sociale, Anette Kramme.

Shanset për azil nuk ekzistojnë, por Gjermania do të hapë tregun e punës prej vitit të ardhshëm për shtetasit e Shqipërisë, Kosovës, Serbisë, Maqedonisë, Malit të Zi dhe Bosnjë-Hercegovinës. Sipas propozimeve të tanishme, parashikohet që në vit të pranohen rreth 20.000 punëtorë nga këto vende. Parashikohet që ligji i ri të hyjë në fuqi në vitin 2016 dhe do të vlejë deri më 2020 kur do të bëhet evaluimi i tij. “Nga këto rregulla mund të përfitojë Gjermania, por edhe vendet e rajonit të Ballkanit Perëndimor”, pohon Kramme.

E pyetur nga Deutsche Welle, se çfarë do të ndryshojë konkretisht me ligjin e ri, i cili duhet të hyjë në fuqi në vitin 2016, sekertarja e shtetit Anette Kramme përgjigjet: “Deri tani situata është kështu: migrantët mund të vijnë në Gjermani vetëm nëse kanë ndonjë kualifikim të posaçëm. Ata ose kategorizohen si akademikë dhe mund të vijnë përmes Blu Card, që është mundësia e parë. E mundësia tjetër është nëse dikush ka një profesion të posaçëm, për të cilin ka mangësi në Gjermani. Ndonëse tani ne do ta hapim tërësisht tregun e punës për njerëzit nga vendet e Ballkanit, kushti i parë absolut është që të ketë një vend vend vakant. Dhe kushti tjetër është që për këtë të japë pëlqimin edhe Agjencia Federale e Punës, e cila të sigurojë, se për këtë vend pune nuk ka ndonjë kandidat nga Gjermania apo nga vendet e tjera të Bashkimit Evropian. Ndërkohë që kushtet e punës duhet të jenë të barabarta.”

Në Gjermani është folur shpesh për mungesën e fuqisë punëtore në shumë fusha. Njerëzit në Kosovë, Shqipëri dhe vendet e tjera të Ballkanit Perëndimor shpresojnë se do të gjejnë ndonjë vend pune në Gjermani, por në cilat fusha ekziston nevoja më e madhe për fuqi punëtore? E pyetur për këtë nga DW, sekretarja e Shtetit pranë Ministrisë gjermane të Punës dhe Çështjeve Sociale, Anette Kramme, thekson: “Kjo vlen në veçanti për fushat ku nuk kërkohet ndonjë shkollim i posaçëm, si dhe për vendet e punës për të cilat nuk ka kandidatë nga Gjermania apo Bashkimi Evropian. Këto janë mundësitë për migracion pune, por natyrisht që tregu i punës është i hapur edhe për akademikë dhe profesionistë të fushave të ndryshme.

Sa i përket problemit që kanë qytetarët e Kosovës me vizat, si e vetmi vend i Ballkanit Perëndimor që nuk gëzon lirinë e lëvizjes pa viza në BE, Anette Kramme thekson, se: “Ne do të lehtësojmë të gjithë procedurën. Procedura e dhënies së vizave do të jetë më e shpejtë dhe më e thjeshtë.” (dw)

Analiza, Kosova

Kundër nënshtrimit qeveritar ndaj Serbisë

Komento

albiniNë Kuvendin e Serbisë, përveç dy deputetëve shqiptarë atje, nuk kishte asnjë deputet që ishte për anëtarësimin e Kosovës në UNESCO. Po ashtu, asnjë ministër a zëvendës-ministër në Qeverinë e Serbisë nuk ishte për anëtarësimin e Kosovës në UNESCO. Në anën tjetër, në Kuvendin e Kosovës shumica e deputetëve, për shkak të koalicionit PDK-LDK-Srpska, janë për ‘Zajednicën’ e Serbisë në Kosovë. Asnjë ministër a zëvendësministër i Qeverisë së Kosovës nuk doli kundër ‘Zajednicës’ së Serbisë! Pra, në Beograd politikanët serbë janë unikë kundër Kosovës dhe shqiptarëve. Në Prishtinë, ne politikanët shqiptarë jemi të ndarë rreth Serbisë dhe apetiteve të saj! Skena politike në Kosovë nuk është e ndarë si opozitë-pozitë për pushtet në Kosovë, por është ndarë për e kundër ‘Zajednicës’ nga shteti i Serbisë. Pyka në politikën kosovare është serbe.

 

Fushata kundër anëtarësimit të Kosovës në UNESCO është e keqja më e vogël që Serbia ia ka bërë Kosovës. Të këqijat e tjera që na i ka bërë e po na i bën Serbia janë më të mëdha e shumë më të mëdha se kaq, por ja që për ato asnjë fjalë asnjëherë nuk e thotë Qeveria. Mustafa e Thaçi heshtën edhe për bllokimin e librave shkollorë shqip në terminalin doganor në Preshevë. Ama bash asnjë fjalë s’e tha asnjëri prej tyre për nxënësit shqiptarë që mbetën pa librat shqip.

Veçse kjo heshtje e përgjithshme e Qeverisë së Kosovës gjithsesi e ka edhe një ambient të përshtatshëm në shoqëri e posaçërisht në medie. Disi edhe elitës kosovare vazhdimisht po duhet t’ua përkujtojë Serbia se kush është ajo. Elita kosovare është bërë porsi një kompjuter me RAM memorie pa hard disk. U kujtuan për Serbinë armike e keqbërëse, u kujtuan për ndërprerje ose ridimensionim të dialogut me Serbinë, vetëm pasi që Kosova nuk u pranua në UNESCO. Për elitën kosovare Serbia është e keqe vetëm nëse është vazhdimisht e keqe.

Jo rastësisht në thumb të kësaj elite prej opinionistësh ndodhet ‘dhuna opozitare’. Polarizimi aktual në Kosovë ka nxjerrë në pah diç shumë të rëndësishme: nëpër debatet televizive po demaskohen analistët! Në neutralitetin e tyre po shihet se kanë qenë bukur pranë qeverisë e mjaft larg opozitës. Shumica e këtyre opinionistëve neutralë doli se janë një hap larg qeverisë dhe pesë hapa larg opozitës! I këtillë na paska qenë neutraliteti i tyre. Ata kanë qenë të paanshëm në kuptimin që s’kanë qenë identikë me pozicionin as të qeverisë dhe as të opozitës së bashkuar, mirëpo fare nuk kanë qenë të baraslarguar në këtë ‘paanshmërinë’ e tyre.

Të gjithë opinionistët e paanshëm që flasin një herë për ‘dhunën’ e opozitës së bashkuar apo të Vetëvendosje-s do të duhej të flasin 10 herë për dhunën e plaçkitjes së dhomave të dëshmive në policinë e Kosovës ku u vodhën droga, ari dhe dosjet, apo jo? Por ja që këtë nuk e bëjnë pothuajse asnjëri prej tyre. Dhe, duhet kritikuar 20 herë ‘Zajednica’ e Serbisë dhe ‘Demarkacioni’ me Malin e Zi, 10 herë dhuna policore në rrugët e Prishtinës dhe nëpër stacione të policisë, e vetëm njëherë gazi e spreji lotsjellës në Kuvend si dhe gurët në duart e protestuesve të paarmatosur përballë policëve specialë të armatosur gjer në dhëmbë. Përndryshe, s’ka kuptim ky farë ‘opinioni neutral’.

Qeveria e Kosovës moti ia ka mbyllur me shul derën popullit të Kosovës andaj tash ai ia theu xhamat e dritareve asaj. Prona shtetërore e publike është uzurpuar nga kjo qeveri kuislinge e ‘Zajednicës’. Ne nuk po dëmtojmë diçka që është e popullit por diçka që i është marrur popullit, i është uzurpuar atij. Dëmet materiale nuk janë më dëmtime të pronës së popullit por dëmtime të qeverisë anti-popullore. Dhe, jo vetëm kaq. Të gjithë policët e lënduar në të kaluarën, të gjithë policët që mund të lëndohen në të ardhmen, duhet t’i kërkojnë llogari qeverisë pse nuk po tërhiqet prej pazareve të tyre me Serbinë dhe Malin e Zi ku Kosova shitet më lirë se badihava.

Qeveritarët kosovarë me në krye Isa Mustafën duket se janë të obsesionuar me pronat private dhe indiferentë ndaj territorit të shtetit. Pra, ata sillen si biznesmenë meskinë e jo si përfaqësues dhe dalzotës të popullit. Njëmend ‘Zajednica’ është pasojë e Marrëveshjes së 19 prillit 2013 para se të jetë e asaj të 25 gushtit 2015. Mirëpo, pa këtë marrëveshjen e Isës me Vuçiqin, ajo e Thaçit me Daçiqin nuk do të konkretizohej praktikisht. Sigurisht që strukturat shtetërore të Serbisë në Kosovë kanë mundur ta shpallin ‘Zajednicën’ e komunave me shumicë serbe. Mirëpo, çështja që shtrohet këtu është pse këtë shpallje t’ia bëjë ‘Zajednicës’ vetë shteti i Kosovës përkatësisht qeveria Mustafa?! Kur ta thyejnë këmbën, më mirë është të mos e vësh në gjips fare sesa ta vësh gjipsin e një kallëpi të gabueshëm i cili mandej do të detyrojë ta thyesh sërish këmbën, por asaj radhe t’ia thyesh vetes këmbën!

Nuk mund të rrinë në Kosovë edhe Republika jonë edhe ‘Zajednica’ e Serbisë. Prandaj do të bijnë ose Qeveria ose ‘Zajednica’ ose të dyja këto. Mustafa e Thaçi po i konsiderojnë pazaret e tyre me Serbinë e Malin e Zi sikur të ishin libra të shenjtë. Qeveria e Kosovës nuk po e mbron shtetin e Kosovës nga Serbia, por po e demonstron pushtetin e saj mbi opozitën. Këso nënshtrimi ndaj Serbisë moti s’ka pasur kush në Kosovë. ‘Zajednicën’ e Serbisë në Kosovë mund ta mbrosh ose nga gjendja e mazokistit ose nga pozita e serbofilit ose nga rrethana e të shantazhuarit.

Albin Kurti

29 Nëntor 2015

Analiza

Ballin lartë e kurrizin drejt

Komento

qosjaSllobodan Millosheviqi ka vdekur, e kanë dënuar faktorët ndërkombëtarë dhe e ka dënuar historia ballkanike. Por mënyrat e dhunës dhe terrorit të Sllobës nuk kanë vdekur: ato, ja, po përsëriten në Kosovë! Po i përsërisin ata që i kanë shërbyer regjimit të Millosheviqit, e fati i zi i Kosovës ka bërë që sot ata të sundojnë në Kosovë.

Mënyrat e dhunës e të terrorit psikologjik e policor që përdorte regjimi i Millosheviqit u panë pardje, dje e sot në Prishtinë. Pardje e dje u panë në përpjekjet e qeverisë që ta frikësojë popullin për të dalë në protestën paqësore të 28 Nëtorit kundër dy marrëveshjeve: kundër Marrëveshjes mbi krijimin e Bashkësisë së Komunave serbe – në të vërtetë të shtetit të ri të Serbisë në Kosovë dhe kundër Marrëveshjes për caktimin e kufijve të ri të Kosovës me Malin e Zi në të vërtetë të faljes Malit të Zi një pjese të Kosovës.

Mënyrat e asaj dhune e terrori u panë posaçërisht sot më 28 Nëntor. Mbarimi paqësor i protestës së tri partive opozitare e shqetësoi qeverinë dhe e shqetësoi sepse ajo protestë masive tregoi se do të trashëgohej me protesta të reja kundër të njëjtave shkaqe dhe kundër shkaqeve të reja që e kanë bërë Kosovën plaçkë të zhvatur të klasës sunduese politike dhe vend pa kurrfarë shprese për jetë e ardhmëri të më tepër se gjysmës së popullit shqiptar të Kosovës.
Mënyrat e kësaj dhune e terrori u panë mbas përfundimit të kësaj proteste paqësore dhe u panë e na i përkujtuan terroret e policisë së Millosheviqit gjatë bastisjes së zyrave të selisë së një partie politike të Kosovës dhe të Vetëvendosjes.

U panë duke arrestuar në mënyra të egra aq protestues sa arrestoheshin në kohën e Millosheviqit.
Ato mënyra të dhunës e terrorit u panë në mënyrën e burgosjes së anëtarit më të ri të Vetëvendosjes: të ish avokatit të popullit, Sami Kurteshi.

Në mënyrë të veçantë këto mënyra të dhunës e terrorit u panë kur u arrestua vrazhdë, egër, urrejtshëm ish-kryetari i Vetëvendosjes, Albin Kurti. Të pa setër veshur policia e futi në “maricën” e saj dhe të pa setër veshur policia e qoi në Pallatin e Drejtësisë! Ashtu arrestoheshin dikur ata që konsideroheshin armiq të Kosovës dhe ashtu, siç e thashë, arrestoheshin protestuesit që kërkonin lirinë dhe pavarësinë e Kosovës.

Albin Kurti duhet të krenohet pamatshëm për fatin e tij të sotëm, për ballin lartë e kurrizin drejtë. Donika Kada Bujupi duhet të krenohet për fatin e saj të sotëm. Albulena Haxhiu dhe Faton Topalli duhet të krenohen me fatin e tyre të sotëm. Qeveria e Kosovës, pushteti i Kosovës, duke e bërë fatin e këtyre dy djemve dhe të këtyre dy grave të tillë çfarë e bëri sot – të lavdishëm po tregohet pushtet i dhunës dhe i terrotit ndaj atyre që ia duan të mirën më të madhe Kosovës. Ky pushtet s’ka ardhmëri.

Partia Demokratike e Kosovës duhet sa më parë të shpëtojë nderin e trashëguar prej luftës së saj çlirimtare: duhet sa më parë, sa nuk është bërë vonë, sa nuk është përlyer politikisht e kombëtarisht përgjithmonë, të distancohet prej politikës që Kosovën e ka bërë shtet privat me polici private.

Kosova do ta tejkalojë krizën e madhe në të cilën është sot atë ditë kur kjo qeveri të shkojë ku e ka vendin: në plehun e historisë. 

Rexhep Qosja

28.11.2015

Analiza, Kosova, Maqedonia, Shqipëria

Albin Kurti proklamon idenë për bashkim kombëtar

Komento

Albin-Kurti_ne-manifestimin-Per-RepublikenBashkimi Kombëtar i shqiptarëve nuk e cenon BE-në, por e forcon atë. Madje, bashkimi kombëtar është gur i të vërtetës për Bashkimin Evropian”, ka thënë Kurti.

Deputeti i Vetëvendosjes, Albin Kurti, i cili është në kërkim të policisë, në fjalimin e tij para pjesëmarrësve të manifestimit të opozitës, e ka parë të nevojshme të proklamojë idenë për bashkimin e Kosovës dhe Shqipërisë.

Në fillim të fjalës së tij, ai ka folur për emocionet që ngjall te shqiptarët muaji nëntor dhe sidomos 28 Nëntori – Dita e Flamurit Kombëtar Shqiptar dhe Dita e Pavarësisë së Shqipërisë.

“Këtu, kudo, ne, të gjithë, gjithnjë, përgjithmonë na bën bashkë 28 nëntori i Ismail Qemajlit dhe Adem Jasharit. Nga Kuvendi i Lezhës tek Lidhja e Prizrenit, nga Kongresi i Flamurit deri tek Epopeja e UÇK-së, bashkë për liri. Ta duash bashkimin kombëtar nuk do të thotë ta urresh tjetrin, por të mos e duash atë do të thotë ta urresh veten”, ka thënë ai.

“28 nëntori sivjet në Prishtinë mund ta festojmë vetëm duke protestuar, sepse në vend qe q ta bashkojë Mitrovicën, ajo po e ndanë Kosovën dhe po i fal troje shteteve tjera. Në vend të bashkimit me Shqipërinë kemi bashkim të komunave serbe brenda Kosovën”, ka thënë ai.

“Nëse pavarësia e Kosovës nuk ka mundësinë për t’iu bashkuar Shqipërisë atëherë lejon mundësinë për t’iu afruar Serbisë. Më 28 nëntor jo vetëm festojmë duke protestuar, por edhe protestojmë duke festuar. Ta festosh 28 nëntorin në Kosovë do të thotë të protestosh”, ka thënë ai.

Kurti ka vënë theksin e fjalimit të tij të ideja për bashkimin kombëtar të shqiptarëve.

“Në vend që të ndodhë bashkimi, po ndodh ndarja, ndërsa ka fajësuar qeverinë që këtë ndarje po e bën përmes asaj që e ka quajtur “Zajednicë”, dhe përmes ndarjes demarkacionit me Malin e Zi”, ka thënë ai.

“Bashkimi Evropian është bashkim ndërkombëtar i shteteve dhe jo bashkim kombëtar i shqiptarëve. Bashkimi Kombëtar i shqiptarëve nuk e cenon BE-në, por e forcon atë. Madje, bashkimi kombëtar është gur i të vërtetës për Bashkimin Evropian”, ka shtuar ai.

“Kur Kosova i afrohet Shqipërisë atëherë dobësohet Serbia brenda Kosovës”, ka shtuar ai.

“Ta duash bashkimin kombëtar nuk do të thotë ta urresh tjetrin, por mos ta duash bashkimin kombëtar do të thotë a urresh veten”, ka thënë Kurti.

“Kundër bashkimit me Shqiprinë është Serbia, e miqtë e saj. Por është edhe elita provincailste politike në pushtet”, ka thënë Kurti.

Në pjesën e fundit të fjalimit, Kurti e ka folur me adminrim për flamurin kombëtar shqiptar dhe me përçmim për flamurin e shtetit të Kosovës.

“Vetëm me flamurin kuqezi mund të ecim përpara. Nuk mund të ecim përpara me atë flamurin lara-lara, që e kanë nxjerrë këta tregtarë flamujsh që janë shitur për interesa të veta”, ka thënë Kurti. (r.m.)

Qendra Informative Shqiptare "Liria"