Liderët e vendeve të Ballkanit Perëndimor do të takohen në kryeqytetin e Maqedonisë së Veriut, Shkup të hënën më 22 janar.
Kryeministri maqedonas, Dimitar Kovaçevski do të jetë mikpritës i takimit kushtuar Planit për Zhvillimin e Ballkanit Perëndimor të miratuar nga Komisioni Evropian, sipas mediave rajonale.
Në darkë do të jenë të ftuar kryeministri Edi Rama, presidenti serb, Aleksandar Vuçiç, kryeministri i Kosovës, Albin Kurti, kryetarja e Këshillit të Ministrave të Bosnjë-Hercegovinës, Borjana Kristo dhe Presidenti i Malit të Zi, Jakov Milatoviç.
Gjithashtu pjesë e takimit do të jetë edhe Ndihmës Sekretari i Shtetit për Çështjet Evropiane dhe Euroaziatike, James O’Brien Milatović dhe Drejtori i Përgjithshëm i Drejtorisë së KE-së për Fqinjësinë dhe Negociatat e Zgjerimit, Gert Jan Kopman.
Në takim do të marrin pjesë zëvendëskryeministri maqedonas për Çështjet Evropiane, Bojan Mariçiç dhe ministri i Financave Fatmir Besimi, si dhe homologë të tyre nga vendet e Ballkanit Perëndimor.
Përveç kësaj, në Shkup janë të ftuar përfaqësues të organizatave rajonale, Këshillit për Bashkëpunim Rajonal, Cefta dhe Forumit të Investimeve të Komoros të Ballkanit Perëndimor 6, USAID-it, si dhe disa institucioneve financiare ndërkombëtare.
Në takim do të nënshkruhen protokollet për “Qasje të lirë në tregun e punës në vendet e Ballkanit të Hapur”.
Sipas medias serbe, Vuçiç do të takohet me Presidenten e Komisionit Evropian, Ursula von der Leyen të enjten më 18 janar.
Top Channel