Turqia i pëmbahet kursit të saj të ashpër ndaj Berlinit. Gati tri javë pas arrestimit të aktivistit gjerman të të drejtave të njeriut Steudtner, kreu i shtetit Erdogan ngre tani akuza për spiunazh ndaj qeverisë gjermane.

Rexhep Tayip Erdogan u prononcua në grupin parlamentar të partisë së tij AKP në Ankara. Në fjalën e tij presidenti turk pretendoi, ndër të tjera, se aktivisti gjerman i të drejtave të njeriut Peter Steudtner ka planifikuar një kryengritje në Turqi dhe se ndodhet me të drejtë në arrest hetimor. Ai kritikoi, që po shkaktohet një krizë diplomatike, kur në Turqi arrestohen njerëz për aktiviteti spiunazhi, të cilët kanë pasur synim të krijojnë kaos shoqëror. Qeveria gjermane ia ka refuzuar Erdoganit dhe ministrave të tij daljet publike në Gjermani, por “agjentët e saj vijnë në Gjermani mblidhen nëpër hotele dhe përçajnë vendin tim.” Turqia e akuzon Gjermaninë, se mbron militantët kurdë dhe të majtët si dhe personat, që kanë qenë të involvuar në puçin e dështuar.

Qeveria gejrmane i hedh poshtë akuzat

Ndaj deklarimit të qeverisë gjermane, se për shkak të arrestimit të Steudtner-it do të shqyrtojë mundësinë e sanksioneve ndaj Turqisë, Erdogan u kundërpërgjigj, se Turqia nuk lejon të frikësohet përmes bllokadave tregtare. Gjermania duhet të marrë parasysh, se “do t’i duhet vet të paguajë një çmim të lartë”. Deri tani Ministria e Jashtme gjermane i ka ashpërsuar paralajmërimet ndaj shtetasve gjermane për udhëtimet ndë Turqi për shkak të gjendjes së sigurisë. Erdogan bëri gjithashtu të ditur, se “ata, që në Luftën e Parë dhe të Dytë Botërore kanë kryer masakrat më të përgjakshme dhe më djallëzore, nuk duhet të na japin ne leksione për humanizmin.”

Edhe disa medie turke ndërkaq kanë përdorur tone të ashpra ndaj Gjermanisë.

Aktivistët e të drejtave të njeritu si spiunë dhe puçistë

Steudtner dhe kolegu i tij suedez Ali Gharavi drejtonin së bashku një workshop disa ditor për aktivistët e të drejtave të njeritu në afërsi të Stambollit. Seminari me temë siguria e të dhënave dhe përballimi i situatave me stres dhe trauma përfundoi papritur, kur policia më 5 korrik e arrestoi këtë grup. Ndër të arrestuarit është edhe drejtorja e organiaztës turke Amnesty International, Idil Eser. Ata akuzohen për afërsi me organizatorët e tentativës ë dështuar për puç vitin e kaluar, të cilët kanë pasur për qëllim “kaosin shoqëror”, sipas akuzës.

Kundër trainerit Peter Steudtner dhe gjashtë aktivistëve të tjerë është vendosur masa e arrestit hetimor. Gazeta “Star” shkruan, se qeveria gjermane, ka pasur dijeni për kryengritjen e planifikuar nga aktivitstët e të drejtave të njeritu. “Star” i referohet një programi kompjuteri të emërtuar “Elephant” ose “Elepant”, me të cilin konsullata e përgjithshme gjermane ka ndjekur çdo hap të seminarit.

Faktikisht kemi të bëjme me një listë profilaktike krize të emërtuar “Elefand”, në të cilën mund të regjistrohen me vullnet të lirë në ambasadat gjermane gjermanët që shkojnë jashtë vendit. Qëllimi i këtij regjistrimi është, që përfaqësia përkatëse diplomatike në rast rreziku të mund të kontaktojë shpejt me gjermanët, thuhet në Ministrinë e Jashtme në Berlin lidhur me këtë listë. Kjo nuk ka të bëjë me mbikqyrje.

Zëdhënësi i presidentit turk, Ibrahim Kalin, shkruan në gazetën e afërt me qeverinë “Daily Sabah”: “Nuk ka asnjë rrezik për shtetasit gjermanë dhe të tjerë shtetas të huaj, nëse ata duan të vizitojnë Turqinë apo të bëjnë biznes në të.” Ai njëkohësisht kritikoi “fiksimin e mediave gjermane tek Erdogani”. Ai i cilësoi raportimet në media si “mendime alogjike të të sëmurve nga mendja”.

jv/kle (dpa,afp,rtr)

Berlini dhe Ankaraja janë partnere në NATO, por kriza e thellë ka prekur edhe bashkëpunimin ushtarak. Kriza ka prekur edhe shkëmbimin e armëve.

Qeveria gjermane ka konfirmuar ndalimin e projekteve të përbashkëta me Turqinë për armatime. “Ne kemi vendosur t’i rishikojmë të gjitha kërkesat për armatime”, thotë një zëdhënëse e ministrisë për Ekonomi në Berlin. Ajo nuk saktësoi detajet e këtij vendimi, por gazeta “Bild” raporton për ndryshimin e kursit të bashkëpunimit.

Qeveria gjermane  prej fillimit të 2016 ka refuzuar 11 marrëveshje, por ka lejuar një volum bashkëpunimi në vlerë prej më shumë se 100 milionë euro. Zyra për Ekonomi dhe Kontrollin e Eksporteve (Bafa) duket se nuk do të lejojë më asnjë eksport. Por kjo nuk do t’i prekë mbase projektet e dakorduara më parë, sepse kundër Turqisë ende nuk janë futur sanksione ekonomike ndërkombëtare. Në rast të stopimit të njëanshëm të eksporteve qeveria cenohen nga kërkesa për dëmshpërblim.

Von der Leyen: “Pa probleme”

Ministrja e Mbrojtjes Ursula von der Leyen theksoi se bashkëpunimi ditorë ushtarak me Turqinë po zhvillohet “pa fërkime” serioze, pavarësisht krizës së shtuar politike. Kjo vlenë për luftimin e bandave të kontrabandistëve në Egje dhe bazën ushtarake në Incirlik, ku ende gjenden nëntë ushtarë gjermanë, në bazën e NATO-s në Konya.

“Kontratat e mëparshme ushtarake do të plotësohen, si në luftimin e IS ashtu edhe marrëveshjet tjera në kuadër të NATO-s”, tha von der Leyen. “Ushtarët gjermanë në Turqi janë mirë”, citohet të ketë deklaruara ministrja për DPA.

Si reagim ndaj arrestimit të aktivistit për të drejtat e njeriut Peter Steudtner dhe shtetasve të tjerë të Gjermanisë, qeveria gjermane ka paralajmëruar riorientimin e politikës gjermane ndaj Turqisë. Ministria e Jashtme i ka ashpërsuar rregullat për udhëtime në Turqi. Për shkak të ndalimit të vizitës së deputetëve gjermanë tek ushtarët e këtij vendi në Incirlik, Bundeswehri ka zhvendosur ushtarët e vet prej kësaj baze në Jordani, që është një procedurë shumë e shtrenjtë.

Ndërsa në bazën e NATO-s në Konya ende gjenden disa ushtarë të Bundeswehrit. Por presidenti turk Recep Tayyip Erdogan ka refuzuar kërkesën e deputetëve gjermanë të vizitojnë edhe këta ushtarë. “Është mirë që NATO po zhvillon bisedimet të shumta me Turqinë, sepse nga grindjet në NATO do të përfitonte vetëm Rusia dhe IS”, theksoi von der Leyen. bc/jj/hk (rtr, afp)

Pas këmbënguljes së një sërë shtetesh të Gjiri Persik monarkia institucionale njoftoi se do të ndryshojë ligjet anti-terror.

Sheiku i Katarit Tamim bin Hamad Al-Thani nënshkroi një dekret sipas së cilit do të krijohen dy lista kombëtare, njëra me persona të caktuar dhe tjetra me njësi terroriste. Personat e dyshuar kanë të drejtë ankimi në rast se përfshihen në një nga listat.

Po ashtu në dekret përcaktohen edhe termat “terrorist”, “krim terrorist dhe njësi terroriste” si dhe “financimi i terrorizmit”. Para pak kohësh SHBA kishin nënshkruar me Katarin një marrëveshje për luftimin terrorizimit. Në qendër të saj është synimi për të tharë burimet financare të terrorizmit.

Rivalët: Marrëveshja “e pamjaftueshme”

Rivalët e Katarit Arabia Saudite, Bahreini, Emiratet e Bashkuara Arabe dhe Egjipti e kishin kritikuar marrëveshjen mes Uashingtonit dhe Dohas si të pamjaftueshme dhe vendosën në fillim të qershorit saksione tregtare ndaj Katarit. Po ashtu ata ndërprenë edhe marrëdhëniet diplomatike me Dohën. Këto vende e akuzojnë Katarin për mbështetjen e grupeve terroriste dhe për afërsi tepër të madhe me kryerivalin e tyre Iranin.

Katër vendet e mësipërme i paraqitën Katarit një listë me 13 kërkesa, ndër të tjera edhe mbylljen e stacionit televiziv Al-Xhazira, por Katari i hodhi poshtë ato.

“Fake News nga Emiratet e Bashkuara Arabe”

Shkaku zyrtar i bllokadës qe një lajm i agjencisë së lajmeve të Katarit QNA, i botuar në fund të majit, në të cilin sheiku Tamim citohet me fjalë lavdëruese për Iranin dhe Hamasin.

Katari deklaroi tani se ky lajm ishte i gabuar “fake news” dhe se atë e kishte postuar në faqen e internetit të agjencisë QNA një haker nga Emiratet e Bashkuara Arabe. Një lajm të ngjashëm kishte botuar disa ditë më parë edhe gazeta “Washington Post”, e cila u referohej punonjësve të shërbimeve sekrete.

Ambasadori i Katarit në Berlin, sheiku Saud bin Abdurrahman Al-Thani, tha se është zhgënjyese që një nga shtetet që i bëjnë bllokadë Katarit është i lidhur me këtë ngjarje dhe se kriza duhet të zgjidhet sa më shpejt. (dw)